Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Mo'iduduimai na'a, soaáḷ doit ogoi monimu posumbang kon intau mita Keresten. Anjuronku simbaí aidan monimu podudui in totunduí inta pinogumanku kon jama'at mita inta kong Galatia.
2 Kon singgai pertama pomuḷoi in diminggu, mo'ikow munadon monondií kon doit inta posumbang tua podudui onu im mo'ulií monimu tontanií. Taguí intua modapot mo'iangoi in aku'oi, simbaí diaí bain mamangoi aku'oi bodongka mulai mosipun im mo'ikow.
3 Aka aku'oi mamangoidon yo potabaíkudon mayak in Yerusalem in intau mita inta ko'ibog monimu mayak. Mosia tua pokidia'ankubií in surat saḷaku ḷo'una in singog.
4 Bo aka paraḷuon monimu kom baí takinankupa i mosia, daí takinankubií doman.
5 Aku'oi im mamangoibií mokipodungkuḷ ko'i monimu naonda im mo'italib kom Makedonia, sin roncanaku im mongintuapa.
6 Moyotaḷaí makow kong Korintus aku'oi mogutunpa molin onggot takin monimu, degaí solamabií sempo in tumping. Onda intua aku'oi mokituḷungpa ko'i monimu mongingguput kom bobayaíanku.
7 Aku'oi in doiíbií mokipodungkuḷ ko'i monimu tongaí sakadar mongandup makow natua. Aka ogoian i Tuhan ing kasampatan, yo mogutunpabií molin onggot in aku'oi takin monimu.
8 Ta'e aku'oi im mogutunpa kon Epesus modapot kon singgai Moḷoben Pentakosta.
9 Sim moaíntoí ing kasampatanku kon na'a mogaid kon oaíidan mita inta baraguna, umpakah mobayong doman intau momayow.
10 Aka ki Timotius mamangoi yo kopia'anbií im motomu, simbaí diaí mo'ondok in sia bo mopia ing ginanya kon yuaí-yuaík monimu, sin sia tua in notongkaikubií, tumpaḷa mogogaid kon oaíidan i Tuhan.
11 ḷukadai simbaí diaí ing kon sigad monimu im mopo'ompamai ko'inia. Bo tuḷungai in sia simbaí mota'aupa bui mamangoi ko'inakoí takin mosaḷamat, sin aku'oi mogoḷat makow kon koaíngoiannya takin i utat mita naton ibanea.
12 Aka soaáḷ ki utat naton ki Apolos, yo aim binui-buikumai inanjur simbaí sia bo takin utat mita ibanea mamangoipa mokipodungkuḷ ko'i monimu, ta'e doiípa in sia tana'a makow. Tongaí aka oyuíon ing kasampatan mopia yo tantuí sia mamangoibií mokipodungkuḷ ko'i monimu.
13 Umuran mokopo'ingat! Sindog kotorindog kom bonu im pirisayamu saḷaku intau Keresten. Mokopobarani bo mokoporopot!
14 Bo onu in aidan monimu aidai takin tabi.
15 Tantuí kinota'auan bidon monimu ing ki Stepanus bo koluarganya; mosia tua inta muna-munamai nobalií Keresten kon Akhaya. Mosia tua in totu-totu'udon nogaid nobantung kon umat i Allah.
16 Manangka intua duduiaibií in intau natua takin intau mita ibanea inta nogaid bo nobantung noyotakin monia tua.
17 Nosanang totok ing ginaku kino angoian i Stepanus, i Portunatus bo i Akhaikus, sim mosia tua in nonoliu ko'i monimu namangoi ko'inakoí.
18 Mosia tua noposanangdon ing ginaku, bo noposanang doman ing gina monimu. Intau mita natua musti harga'an.
19 Jama'at mita kon Asia nokidia in salam ko'i monimu. Naí doman tua, ki Akwila bo ki Priskila takin jama'at mita inta noyosipun kom baḷoi monia, nokidia doman in salam inta totok im mopia saḷaku intau ing Keresten.
20 Bayongan utat kon na'a nokipoyaput doman in salam ko'i monimu. Posisalaman kopia'an totok im mo'ikow saḷaku tumpaḷa utat Keresten.
21 Aku'oi tontanií in nomais doman kon salamku tanaa: Salamku, ki Paulus.
22 Intau inta diaí motabi ko'i Tuhan, pomayakdon makow baḷaían! Maranatha -- Tuhan nami, angoidon!
23 Po'igumon makow ki Tuhan Yesus momarakat ko'i monimu.
24 Tabiku umuran kotaki-takin monimu komintan inta notobatuí i Kristus Yesus. Hormat nami, Ki Paulus
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA