Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Kudian ambo maliyek, sudah tu nampak Anak Domba tu tagak di ateh Bukik Sion. Samo-samo jo Baliau ado 144.000 urang, nan di satiyok kaniangnyo tatulih namo Baliau sarato jo namo Bapak Baliau.

² Sudah tu ambo mandanga suwaro dari langik mandarun, bakcando bunyi ayie gadang tajun, bakcando gamuruah guruah nan luwa biaso. Suwaro tu tadanga bakcando suwaro musik, dari urang nan bamain kucapi, nan sadang mamainkan kucapinyo.

³ Di adok-an kurisi, sarato di adok-an ka ampek mukaluak, sarato jo pamimipin-pamimpin nan di sakuliliang kurisi tu, urang nan 144.000 urang tu, malagukan suatu lagu nan baru. Lagu tu indak dapek doh diparaja-i, dek surang juwo urang, salain dek 144.000 urang nan lah ditabuih, dari bumi.

⁴ Urang-urang tu, adolah urang-urang nan tatap tulen bakcando paja gadih, dek karano indak ma adokan ubuangan jo urang padusi. Urang-urang tu ma ikuik-i Anak Domba tu kamano sajo Baliau payi. Dari antaro kasadonyo umaik manusia, mako urang-urang tu lah nan lah ditabuih sabagai pasambahan nan partamu kapado Allah, sarato jo kapado Anak Domba.

⁵ Indak panah doh urang-urang tu baduto; sarato indak ado doh cacek saketek juwo, di diri urang-urang tu.

⁶ Sudah tu ambo maliyek surang malekaik lain, nan tabang tinggi di langik. Malekaik tu mambawok barito tantang Injil nan kaka, untuak ka disampaikan kabake umaik manusia di bumi, iyolah kabake kasadonyo banso, sadonyo suku, sadonyo bahaso, sarato jo sadonyo nagara.

⁷ Malekaik tu basaru jo suwaro nan kuwaik, "Takuiklah kapado Allah, sarato pujilah kabasaran-Nyo! Dek karano lah tibo wakatunyo, Allah ka mahakimi manusia. Sambahlah Baliau nan manjadikan langik, bumi, lauik, sarato jo kasadonyo mato ayie!"

⁸ Malekaik nan kaduwo, tibo ma iriang malekaik nan partamu, sambia basaru, "Lah jatuah! Kota Babel nan gadang lah jatuah! Inyo lah mambuwek sagalo banso manjadi mabuak jo ayie anggur -- iyolah anggur dari napasu cabulnyo!"

⁹ Surang malekaik nan katigo, tibo ma iriang malekaik nan baduwo cako, sambia basaru jo suwaro nan kuwaik, "Urang nan ma aromaik-i binatang tu, sarato jo patuangnyo, sarato mampunyoi tando binatang tu, di kaniangnyo, atau di tangannyo,

¹⁰ mako urang tu, ka maminun anggur Allah, iyolah anggur kabangihan Baliau nan lah Baliau, tuwangkan masuak tampaiknyo, panuah, saketek nan indak bakurangi! Kasadonyo urang tu ka di ajab di dalam api nan babalerang, di adok-an malekaik-malekaik suci, sarato di adok-an Anak Domba tu.

¹¹ Asok dari api nan mambaka urang-urang tu, ka manggabubu taruih manaruih untuak salamo-lamonyo. Siang malam indak ado anti-antinyo, urang-urang tu ka di ajab taruih, inyo tu lah urang-urang nan manyambah binatang tu, sarato jo patuangnyo, iyolah kasadonyo urang nan mampunyoi tando, namo binatang tu."

¹² Dalam parkaro iko, umaik Allah nan patuah kapado parentah-parentah Allah, sarato satiya kapado Isa Almasih, paralu tabah.

¹³ Sudah tu ambo mandanga suwaro bakato dari sarugo, "Tulihkanlah ko: Muloi kiniko, babahagialah urang-urang nan mati samantaro malayani Tuhan!" "Batua!" kecek Roh Allah. "Urang-urang tu ka baranti bakarajo kareh, dek karano asie palayanannyo, ka tatap manyaratoinyo."

¹⁴ Kudian ambo maliyek, mako nampaklah awan nan putiah. Di ateh awan tu duduak surang urang, nan kaliyatannyo bakcando manusia. Di kapalo-Nyo ado sabuwah mangkuto ameh, di tangan-Nyo ado sabuwah sabik nan tajam.

¹⁵ Kudian surang malekaik nan lain, kaluwa dari Rumah Allah. Jo suwaro nan kuwaik, inyo bakato kapado Baliau nan duduak di ateh awan tu, "Ayunkanlah sabik Angkau tu, tuwailah kiniko lai, dek karano lah tibo wakatunyo untuak manuwai; bumi lah patuik untuak dituwai!"

¹⁶ Sudah tu, Baliau nan duduak di ateh awan tu ma ayunkan sabik-Nyo ka bumi, mako bumi pun dituwai.

¹⁷ Kudian ambo maliyek surang lai malekaik nan lain, kaluwa dari Rumah Allah di sarugo. Inyo pun mambawok sabuwah sabik nan tajam.

¹⁸ Sasudah tu, surang malekaik lain, nan bakuwaso ateh api, datang dari mezbah. Jo suwaro nan kuwaik, inyo bakato kabake malekaik nan mamacikkan sabik nan tajam tu, "Ayunkanlah sabik angkau tu, kareklah kasadonyo buwah anggur nan di bumi, dek karano buwahnyo lah masak!"

¹⁹ Mako malekaik tu ma ayunkan sabiknyo ka bumi, untuak manyabik kasadonyo buwah anggur dari batangnyo, sudah tu, inyo baekan masuak tampaik parameh, anggur bangih Allah nan manggalagak.

²⁰ Kasadonyo buwah anggur tu dirameh diluwa kota, mako ma ilielah darah dari tampaik parameh anggur tu, bakcando batang ayie, sajauah tigo ratuih kilo, nan dalamnyo ampia duwo meter.

Wahyu

Video Wahyu 14

Ikuti Kami:

KONTAK | PARTISIPASI | DONASI