Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Owulo ndra Farizai'o awõ ndra sangila amakhoita moroi ba Yeruzalema, la'ondrasi Yesu.
2 La'ila ba gotalua ndra nifahaõ Yesu so zi manga lõ mombanõ molo'õ agama, bõrõ me lõ tola lõ lahaogõ wanasa tangara molo'õ amakhoita agama.
3 Ira Farizai'o, si manõ gõi niha Yahudi, lahaogõ sibai wolo'õ hada andrõ moroi khõ ndra tuara. Lõ manga ira na lõ lasasai dangara ua molo'õ amakhoita si no tehonogõi.
4 Lõ la'a gõ si otarai fasa, na lõ ofõna ua lasasai. Ba oya na gamakhoita tanõ bõ'õ si otarai ndra tuara, nihaogõra folo'õ; si mane fanasai galasi, mako, awõ wakake moroi ba zi'õli.
5 Bõrõ da'õ lamane khõ Yesu ira Farizai'o awõ zangila amakhoita, "Hadia mbõrõ wa lõ la'o'õ ira nifahaõ-Mõ hada ndra tuada nibe'era khõda? Hana wa manga ndra nifahaõ-Mõ andrõ hew̃a'ae ta'unõ dangara?"
6 Itema li Yesu, "Niha samini tõdõ ami! Siduhu sibai nifa'ele'õ Yesaya sanandrõsa ba khõmi, ya'ia da'õ, 'Imane Lowalangi, lafosumange Ndra'o niha andre ha ba mbewe, ba tõdõra no arõu khõ-Gu.
7 Lõ guna latuhi danõ fõna-Gu, bõrõ me lafahaõ niha ba wolo'õ amakhoita niha, hulõ na amakhoita-Gu!'
8 Mi'erogõ goroisa Lowalangi, ba mi'o'õ gamakhoita niha."
9 Imane nasa Yesu, "Onekhe sibai ami wanimbagõ oroisa Lowalangi ena'õ tola milau wamahaõmi samõsa.
10 No ibe'e goroisa andre Moze, 'Fosumange namau awõ ninau,' ba 'haniha zango'aya amania awõ ninania, ba lõ tola lõ'õ fa'amate hukumania.'
11 Ba ya'ami mifahaõ: Na so niha sanguma'õ khõ zatuania, 'Hadia zinangeania ube'e khõ nama ba khõ nina, no ube'e sumange khõ Lowalangi!'
12 Ba no mitenaw̃a niha ba wanolo amania awõ ninania.
13 Tobali amakhoita nibe'emi ba niha zombali'õ lõ guna sa'ae goroisa Lowalangi. Ba oya nasa danõ bõ'õ si mane da'e nilaumi."
14 Ifuli Ikaoni niha sato andrõ Yesu ba Imane khõra, "Mifondrondrongo fefu, ba ya'aboto ba dõdõmi!
15 Tebai ita'unõi niha hadia zoroi baero si mõi bakha. Si mõi baero soroi bakha, da'õ zana'unõi niha.
16 [Bõrõ da'õ mihaogõ wanõngõni, na so dalingami ba mifondrondrongo!]"
17 Me mõi ira ba nomo, me no aefa larõi niha sato andrõ, lasofu khõ-Nia ira nifahaõ-Nia hadia geluaha gamaedola andrõ.
18 Imane khõra Yesu, "Hadia lõ nasa gõi saboto ba dõdõmi? Hadia lõ mi'ila wa tebai ita'unõi niha si otarai moroi baero si mõi bakha ba dalu niha?
19 Bõrõ me si mõi bakha andrõ lõ itõrõ bakha dõdõnia, ha ba mbetu'ania ba aefa da'õ mõi zui baero moroi ba mbotonia." Faoma fehede da'e I'ombakha'õ Yesu wa fefu ngawalõ gõ tola ni'a.
20 Ifuli Imane zui Yesu, "Si mõi baero soroi bakha, da'õ zana'unõi niha.
21 Bõrõ me moroi bakha, moroi ba dõdõnia, so wangerangera si lõ sõkhi irege ilau zi lõ atulõ ba ndra alawe, managõ, mamunu niha,
22 mohorõ, olu'alu'a, ba fefu ngawalõ zi lõ sõkhi; falimo, folau si lõ enahõi, fa'afõkhõ dõdõ, famõbõgõ si lõ duhu, fa'osilõyaw̃a ba fa'atebai nifahaõ.
23 Fefu zi lõ sõkhi andrõ mo'atumbukha moroi bakha, da'õ zana'unõi niha."
24 Me aefa da'õ Irõi nahia andrõ Yesu, numalõ Ia ba mbanua sahatõ ba Diro. Mõi Ia bakha ba nomo bõrõ me lõ omasi Ia la'ila niha wa so Ia ba da'õ. Ba hiza tebai sa'atõ Ibini'õ Ia moroi ba niha sato.
25 So samõsa ndra alawe samondrongo sanandrõsa khõ Yesu. No ira'u fa'abõlõ zi lõ sõkhi nononia alawe. Mõi ia khõ Yesu mangalulu ia fõna-Nia,
26 i'andrõ khõ Yesu ena'õ Ifofanõ wa'abõlõ zi lõ sõkhi andrõ moroi khõ nononia. Ba tenga niha Yahudi ndra alawe andrõ, tumbu ia ba mbanua Wenisia ba Ziria.
27 Itema li Yesu, "Lõ tola lõ'õ mu'ofõnai'õ wame'e gõ ndraono. Bõrõ me lõ sõkhi na lahalõ gõ ndraono andrõ lafazaumba ba nasu."
28 Itema li ira alawe andrõ, "Duhu, Tuha, ba la'a sa'atõ asu zatoru gõ ndraono andrõ ba narõ meza!"
29 Imane khõnia Yesu, "Bõrõ wanemau li andrõ, angawuli; no aheta wa'abõlõ zi lõ sõkhi andrõ khõ nonou!"
30 Mangawuli ndra alawe andrõ, ba sindruhundruhu no aheta wa'abõlõ zi lõ sõkhi andrõ khõ nononia.
31 Ifuli Irõi mbanua Diro andrõ Yesu, Itohugõ wofanõ numalõ ba Zidona ba Mbaw̃a Galilea. Itõrõ lala sanõrõ Si Fulu Banua.
32 Ba da'õ la'ohe khõ-Nia samõsa zafiso ba si tebai humede. La'andrõ khõ Yesu ena'õ Ifazaw̃a danga-Nia yaw̃a niha andrõ.
33 I'ohe niha andrõ Yesu, Ifasafi moroi ba niha sato, Ibe'e duturu-Nia ba dalinga niha andrõ. Ilau mangendrilo, ba Ibabaya gõi lela niha andrõ.
34 Aefa da'õ Ifaõga hõrõ-Nia miyaw̃a ba zorugo, Ihasugõ Ia ba Imane ba niha andrõ, "Efata," eluahania, "Ya teboka!"
35 Teboka dalinga niha andrõ ba ombuyu lelania irege tola fahuhuo ia.
36 Itenaw̃a ira Yesu ena'õ bõi la'ombakha'õ gofu ha'õkhõ. Itegu ira Yesu ba itugu la'ombakha'õ.
37 Ba fefu niha samondrongo da'õ oi ahõlihõli dõdõ. Lamane, "Oi nihaogõ fefu wolau-Nia! Safiso Ibali'õ samondrongo li niha, ba si lõ hede Ibali'õ si hede!"
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA