Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Naonda ing kami nosaḷamat dapot in toba, bain tua bo kinota'auan nami kon na'anta Maltabií tangoi im pulau tatua.
2 Intau mita kon tua totok mongopia ko'inami. Mosia nonontuḷu kino borambang bodongka inoinií monia ing kami nonayang kon tua sim momangkoidon monguyan bo motumpingdon.
3 Naonda ing ki Paulus nopuyut kon tanga mita bo pinondudub kon tuḷu tatua. Koyogot in sia nopondudub ing kayu indoianmai iḷumuaidon magií in uḷag mobisa lantaran mopatuídon. Uḷag tatua nongaḷut kon lima i Paulus.
4 Naonda intau mita kom pulau tatua noko'ontong kon uḷag tatua no'ibambe makow kon lima i Paulus, mosia nosingo-singogan, "Intau tana'a pasti moḷolimodbií, sin umpakah nosaḷamatdon in sia nongkon bahaya kon dagat, ta'e ki Dewi inta Moaídil diaíbií mopomayak makow ko'inia mobiag."
5 Ta'e pinomisik i Paulus kon tuḷu in uḷag tatua bo topilikmai diaíbií nogamui kom monakit.
6 Kon raian monia in topiípa bo mobobagaídon in lima i Paulus andeka daliídon matoi in sia. Ta'e naonda in no'onggotdon im pinogoḷatan makow monia kon tua diaíbií in nobalií ko'inia, daí nobaḷui domandon in raian monia. Mosia in nogumandon kong ki Paulus tua in dewabií.
7 Diaí noyayuk kon tua im butaí i gubernur inta kom pulau tatua. Ki Publius in tangoi i gubernur tatua. Mopia totok im pinototomu monia ko'inami. Kami nogutunpa bo nonga'an kon tua toḷu nosinggai ing ko'onggotea.
8 Wakutu intua ki amaí i Publius notakit pinonikan im patuí bo momorubut. Daí ki Paulus sinumu'ot bo no'indoi poḷat nosambayang bodongka nomarakat ko'i amaí i Publius bo kon dodaipa doman tua sia nopia.
9 Naonda in dinongogdon intau mita kon tua onu inta ain nobalií tatua daí namangoidon in intau mita bo nodia kon intau mita inta notakit kom pulau tatua. Bo mosia komintan inundaman.
10 Kami i hormat totok monia ing kon tua bo naonda ing kami nobuatdon nongkon tua yagi-yagidon inogoi monia inta paraḷu pakeíon nami.
11 Naonda in toḷudon nobuḷan kon tua, kami nonaḷaímaidon kom pulau tatua. Kami sinumakoi kong kapaḷ nongkon Aleksandria inta sinumubuh kon tua solama sempo in tumping. Kapaḷ tatua nomakeí in lambang Dioskuri mangalenya: "Dewa apang ki Kastor bo ki Poluks."
12 Kami nongandup kon Sirakusa bo nogutunpa kon tua toḷu nosinggai.
13 Nongkon tua kapaḷ inta sinakoian nami minayak nongin bingkií in dagat nodapot kong kotaí im Pegium. Nopo'ikoḷomai kon singgai tompot nomangkoidon nogirup nongkon Toḷatan daí kon singgai induanya kami no'iyaputdon kom Putioli.
14 Kon tua kami noyodungkuḷ in jama'at mita. Bo kami inoiniípa monia nogutun kon tua noyotakin monia pitu nosinggai. Naonda intua kami minayakdon in Rum.
15 Utat mita inta kon Rum aindon nokodongog kon habar mengenai kami, daí mosia namangoi no'idapot im pasar Apius bo Tres Taberne (Pasanggrahan Tiga) sin monontomu ko'inami. Naonda ing ki Paulus noyodungkuḷ monia, sia nosukur ko'i Allah bo noropotdon bui ing ginanya.
16 Naonda ing kami no'idapotdon in Rum, ki Paulus inogoi nogutun tontanií ta'e sinakinan in tobatuí tontara inta moḷoḷukad.
17 Naonda in toḷudon nosinggai kon tua, ki Paulus nogoinií kon itoi mita intau in Yahudi bo naonda i mosia noyosipun, sia noguman ko'i monia nana'a, "Utat mita, umpakahbií aku'oi diaí nogaid kon inta no'itaḷaí kom bayongan intau naton andeka nomaḷawang kon adat im mogoguyang naton, ta'e aku'oi in dinomokbií monia bo pinosarahkan kon intau in Rum.
18 Naonda im pinirikisa monia in aku'oi, pinobebasdon monia sin diaíbií kino'uliían monia kon taḷaí topilikpamai inta mota'au baliíon monia dodoyonan pohukuman ko'inakoí modapot im matoi.
19 Tongaí lantaran intau mita in Yahudi diaí mosotuju kong kaputusan tatua daí aku'oi in nonuntut doman kom baí porkara tatua angoion pokiadil ko'i Kaisar, ta'e de'emanbií makusud mopongadu kom bangusaku tontanií.
20 Tuamai aku'oi mopo'igum simbaí mota'au moyodungkuḷ monimu bo mongonguman takin monimu; sin aku'oi na'a in sinokig nana'a lantaranbií nopohabar kon onu inta inoḷat makow in intau mita Israel."
21 Daí mosia noguman ko'inia nana'a, "Kami in diaípabií kon dodai onda notarima kon surat nongkon Yudea mengenai ikow, naí doman tua, diaípabií doman kon dodai onda intau mita inta ki utat naton in namangoi bo nopota'au kon onu inta mora'at inaidanmu.
22 Ta'e kami im mo'ibogbií doman mongindongog nongkon inimu tontanií kon onu inta pinirisaya bo sinunduímu tua sin ain dinongog nami komintan, kom bayongan inta sinunduímu bo inta pinirisayamu nion tatapbií bayowan monia kon ondakabií im bayaíanmu."
23 Daí mosia bo ki Paulus nonantuí kon tobatuí singgai poyodungkuḷan monia. Bo kon singgai inta ain sinantuí tatua nobayongdon intau namangoi kom baḷoi inta pinogutunan i Paulus. Bo nongkon doḷo-doḷompa dapot in ḷoḷabungea ki Paulus noginsilang bo nopota'au ko'i monia kon soaáḷ naonda ing ki Allah momarentah saḷaku Raja. Sia nogamaí kon onu inta aim pinais kom buk i Musa, bo buk i nabi mita simbaí mosia mopirisayadon kon soaáḷ ki Yesus inta aim pinota'a-ta'aunya makow tua.
24 Oyuíon doman im mopirisaya kon onu inta pinogumannya tatua, ta'e oyuíon doman in umuran diaí mopirisaya.
25 Daí mosia posi-posimaidon minayak nonaḷaímai kon tampat tatua takin diaíbií in notantuímai raian monia. Daí ki Paulus nosingog ko'i monia, "Totu'ubi' onu inta aim pinoguman Roho i Allah inta aim pinoyaput i Nabi Yesaya kom mogoguyang monimu!
26 Nana'a, 'Bayakdon poguman kom bangusa tana'a bo poguman ko'imonia: Mo'ikow nion in tantuíbií mokidongog, ta'e diaíbií momangale; tantuíbií doman tarukiraan monimu ta'e diaíbií kota'auan monimu onu in nobalií.
27 Sin raian monia na'a aim bidon nobangkung, bongoḷan monia nobongoḷdon bo mata monia aindon binilogan. Hal tana'a im mobalií simbaí diaí moko'ontong im mata monia, bongoḷan monia diaí mokodongog, raian monia diaí momangale, sin dika bo mobui ko'i-Nakoí, bo ampungan-Ku im mosia.'"
28 Pangabisannya ki Paulus nosingog, "Tuamai musti kota'auan monimu, kon habar kasaḷamatan inta nongkon i Allah tana'a aindon pinoyaput kon intau mita inta de'eman Yahudi, bo mosia no'ibogbií nongindongog kon tua!"
29 [Naonda in noguman natua ing ki Paulus, intau mita in Yahudi tatua nonaḷaímaidon kon tampat tatua sindaḷan mobobayowan.]
30 Doyowa notaong ki Paulus nogutun kom butaí in Rum kom baḷoi inta ain sineba'annya tontanií. Sia notarima kon intau inta mamangoi ko'inia.
31 Bo taran-tarangan doman sia nopota'au in Habar Mopia kon soaáḷ naíonda ing ki Allah momarentah saḷaku Raja bo moginsilang kon soaáḷ ki Tuhan Yesus Kristus. Onu in inaidan i Paulus tatua diaí bidon in noḷambo-ḷamboi makow.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA