Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ki Agripa noguman ko'i Paulus nana'a, "Ikow inogoian kasampatan mosingog mopoyotutui onu im pinonapud monia." Daí notonggoídon kon limanya ing ki Paulus bo nosingog,
2 "Oh, Tuang Raja Agripa mosanang totok ing ginaku sin singgai na'a inogoi i Tuang mosingog kon tayowon i Tuang in aku'oi mopoyotutui onu im pinonapud intau mita Yahudi ko'inakoí.
3 Apapa doman ki Tuang nonota'au totok kon adat kabiasa'an bo persoalan mita in intau Yahudi. Tuamai po'igumonku ko'i Tuang, indongoganpa kopia'an in singogku tana'a takin gina mo'onow.
4 Bayongan intau Yahudi nonota'aubií komintan kong kobobiagku pinangkoipamai aku'oi tayamobiagpa, sin aku'oi in nobiagbií kon yuaí-yuaík monia kon Yerusalem.
5 Ain no'onggot mosia nonota'au ko'inakoí. Bo aka mosia mo'ibog, mosia mota'aubií mobogoi ing katarangan kon nongkon dungkuḷpabiímai aku'oi ain nobiag saḷaku intau im Parisi bo aku'oi totokbií in dinumudui kon atorang mita in agama nami.
6 Bo tana'a makow aku'oi sinimindog kon na'a sin sidangon. Lantaran aku'oi nopirisaya kon dandi inta inogoi i Allah kom mogoguyang nami.
7 Dandi doman tatua inta inoḷat makow in intau Israel inta mopuḷuh bodoyowaí nosuku. Tuamai mosia mosumbah ko'i Allah doḷom bo singgai. Bo lantaran aku'oi mopirisaya kon dandi tatua, Tuang Raja Agripa, daí intau mita in yahudi noponapud in taḷaí ko'inakoí.
8 Nongonu sin tai utat mita intau in Yahudi diaíbií mopirisaya kong ki Allah in nomiagbií kon intau minatoi?
9 Kolipod aku'oi in totokbií doman diaí mopirisaya kon o'uman soaáḷ ki Yesus intau in Nasaret tatua.
10 Bo totu'ubií kon tuabií inaidanku kon Yerusalem. Aku'oi in de'emanbií tongaí nopobonu kom ponjara kon intau mita inta mopirisaya ko'i Yesus, ta'e naonda in aku'oi noko'ulií kon surat kuasa nongkon imang mita itoi aku'oi mosatuju doman totok im polimodan kon intau inta mopirisaya ko'i Yesus.
11 Moaíntoí im pinogutuíku im mosia kom baḷoi mita pososambayangan, pakisa'anku simbaí diaídon mopirisaya im mosia ko'i Yesus. Totokbií moya'at ing ginaku ko'i monia tungkuḷ intua, no'idapot in aḷowanku mosia kon lipu-lipuíannya."
12 "Bo makusud doman tatua sampe aku'oi nodia kon surat kuasa nongkon imang mita itoi bo minayak in Damsyik.
13 Bo kon yuaík in daḷan, no'utudon singgai wakutu intua ule Tuang Raja Agripa, aku'oi noko'ontong kon sindar nongkon ḷangit inta totok im motarang, nonindar ko'inami komintan.
14 Daí nongo'umpag kom butaí ing kami. Onda intua nokodongog kon singog in aku'oi kom bonu im bahasa Ibrani, 'Saulus, Saulus! Nongonu sin umuranbií pogutuíonmu in Aku'oi? Umuranbií mororiga ikow aka umuran moḷawang ko'i-Nia inta nobalií ki Tuangmu.'
15 Daí kai nakoí doman, 'Eta ki inebií Ikow, Tuang?' Daí ki Tuhan notubag, 'Aku'oi na'a ing ki Yesus inta umuran pogutuíonmu nion.
16 Pobangondon bo sindog! Aku'oi mokipogontong ko'inimu poḷat monantuí ko'inimu mobalií bobantung-Ku. Musti poyaputmu kom bayongan intau onu inta ain inontongmu singgai na'a andeka kon singgai inta mo'iduduimai soaáḷ Aku'oi.
17 Tondiíonku ikow kon sigad in intau mita Israel bo intau mita inta de'eman Yahudi. Potabaí-Ku in ikow mayak ko'i monia
18 mobukaí kom mata monia, simbaí mobukaí im mata monia bo moko'ontong kon inta mobayag; bo diaídon kopongaruan in Ibilis ta'e tongaídon tantuí kom bonu ing kawasa i Allah. Sin aka mopirisaya ko'i-Nakoí, yo dosa mita monia in tokoaímpunganbií bo mobaliíbií umat mita inta pinilií i Allah im mosia.'"
19 "Tuamai ule, Raja Agripa, totok motoindudui in aku'oi kon onu inta ain inontongku bo inta ain sinarimaku nongkon i Allah tua.
20 Taran-tarangan aku'oi mopota'au kom bayongan intau kom musti mogogai mogaid kon dosa mita im mosia bo moposarahkandon ing kobiagan monia ko'i Allah. Tua komintan musti ponyata kon oaíid monia pomuḷoi in singgai. Muna kon Damsyik im pinopota'auanku im masalah tana'a, onda tua kon Yerusalem bo kom bayongandon Yudea bo kon sigad doman in intau mita inta de'eman Yahudi.
21 Tuamai dinomok intau mita in Yahudi aku'oi kom bonu im Baḷoi Tuhan sin ramijion monia bo limodon.
22 Ta'e barang sinotabipabií i Allah in aku'oi daí nota'aupabií sinimindong kon na'a in tana'a makow bo mongonguman kom bayongan inta aing kinorasa'anku kom bayongan intau -- moḷoben andeka mo'intok. Onu in ino'umanku na'a diaíbií noyoposi in onu inta aim muna pinoguman in nabi mita bo i Musa;
23 kon Raja Mopoposaḷamat inta pinodandi i Allah tatua im mustibií mororigapa muna, bain tua bo mobalií intau inta muna-munamai mobiag nongkon sigad in intau mita minatoi; simbaí mota'au in Sia mopoyaput in Habar Mopia -- tuata ing kasaḷamatan -- kon intau mita in Yahudi bo intau mita inta de'eman Yahudi."
24 Koyogotpa ing ki Paulus mopoyotutui onu inta nobalií ko'inia, ki Pestus nomaḷuídon kai-nia, "Diaíbií noratak ikow nion Paulus! Kinoliuandon pandoimu daí diaídon motoratakmai in raianmu!"
25 Ta'e ki Paulus noguman, "Aku'oi in noratakbií, ule Raja Agripa. Onu im pogumanku na'a komintanbií totu'u, raianku in nopia pabií.
26 Ki Tuang Agripa tontanií im porasaanku nonota'aubií totok kon soaáḷ mita tana'a. Tuamai nobaranidon taran-tarangan aku'oi in nosingog kon tayowon i Tuang. Sin nodait bidon kinota'auan i Tuang in na'a komintan, sin diaíbií in nobalií kon tampat inta no'ibuni.
27 Ule Tuang Raja Agripa, degaí mopirisaya ing ki Tuang kon onu im pinoguman in nabi mita? Porasaanku mopirisayabií ing ki Tuang!"
28 Daí ki Agripa noguman ko'i Paulus, "Kainimu kamai daí mogampangbií aku'oi mobalií intau Keresten?"
29 Daí tubag doman i Paulus, "Sambayanganku ko'i Allah simbaí mo'onggot ande motoyong, ki Tuang takin bayongan intau inta nokodongog kon singogku singgai na'a modait mobalií naí aku'oi na'a -- ta'e de'emanbií tokigon naí tana'a."
30 Pangabisannya ki tuang raja, ki gubernur bo ki Bernike takin bayongan intau ibanea kon tua komintandon sinimindog bo iḷumuai.
31 Naonda ing kon ḷuai, nosigumanan im mosia, kai monia, "Diaíbií tobatuímai in taḷaí kon intau tana'a in no'ulií naton inta mota'au baliíon dodoyonan pohukuman ko'inia dapot im matoi andeka pomonjara'an ko'inia."
32 Bo nogumandon ing ki Agripa ko'i Pestus, "Intau tana'a mota'au bidon bulian, aka kuma bo diaídon monuntut in sia kon adilonbií im porkaranya tatua kom pongadilan i Kaisar."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA