Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Wakutu ing ki Apolos kon Korintuspa, ki Paulus koyogot doman minaya-mayak makow in lipu-lipuíannya inta totok nongoyayuk kon daerah tatua bo sia no'iyaputdon kon Epesus. Kon tua sia noyodungkuḷ in tongonumai intau inta nopirisayadon ko'i Yesus.
2 Ki Paulus noliboí ko'i monia, "Notarimadon degaí im mo'ikow kon Roho i Allah ko wakutu im mo'ikow nopirisaya ko'i Yesus?" Mosia notubag, "Diaípa. Sedang bo diaípabií dodai onda in dinongog nami kon oyuíonbií in Roho i Allah."
3 Daí bui noliboí ing ki Paulus, "Aka natua yo baptisan ta'onda im pinakeí ko'i monimu?" Mosia noguman, "Baptisan i Yohanes."
4 Ki Paulus noguman, "Ki Yohanes nobaptis kon intau mita tatua simbaí mogogaidon im mosia mogaid kon dosa. Ta'e wakutu intua ki Yohanes nopota'au domandon kon intau mita Israel kom mosia im musti mopirisaya kon Intau inta mamangoi mo'idudui ko'inia, makusud in singognya tua ing ki Yesusbií."
5 Naonda im mosia nokodongog kon singog tatua, daí mosia sinokobaptisdon bui pinodoyon kon tangoi i Tuhan Yesus.
6 Nopaḷut makow kon tua binarakatandon i Paulus in intau mita tatua, bo Roho i Allah nongawasadon ko'i monia, daí mulaidon mosia nongonguman kom bonu im bahasa inta mokoherang bo nopota'au in habar mita nongkon i Allah.
7 Degaí mopuḷuhmai bodoyowaí im mosia tua.
8 Toḷu nobuḷan ki Paulus umuran nobarani in nongonguman kom bonu im boḷoi pososambayangan bo mosisoaáḷan takin bayongan intau kon tua sim mopoyakin ko'i monia soaáḷ naí onda ing ki Allah momarentah saḷaku Raja.
9 Ta'e oyuíon doman kon sigad monia tua im motogat ing gina bo doií mopirisaya. Kon tayowon intau moaíntoí kon tua mosia totok im morebeg kon roncana mita i Allah moposaḷamat kon intau podoyon kom pirisaya ko'i Yesus. Tuamai sinaḷaíanmai i Paulus im mosia, bo minayak takin dumodudui mita i Yesus kon tampat pokokulia'an kon Tiranus. Kon tua pomuḷoi in singgai sia mosisoaáḷan takin intau mita kon tua.
10 Doyowa notaong tantuí natua in inaidannya, sahingga bayongan intau kon Asia, intau in Yahudi andeka intau in Yunani komintan nokodongog kon singog mita i Tuhan.
11 Ki Allah nomakeí ko'i Paulus nogaid kon soaáḷ mita inta mokoherang
12 Aka lenso andeka ba'an inta pernah pinakeí i Paulus bo diaan kon intau mita notakit, yo mopiabií mita im panyaki monia bo dimukud mita mora'at ḷumuai doman mita nongkon i monia.
13 Oyuíon tongonumai mogogonow intau Yahudi, mosia maya-mayak makow moguntun kon dimukud mora'at nongkon intau mita. Mogogonow mita tatua monungkuḷ mongundam nomakeí in tangoi Tuhan Yesus. Nana'a ing kai monia, "Podoyon kon tangoi i Yesus inta pinota'au i Paulus tua, aku'oi moguntun ko'i monimu!"
14 ḷoḷaki taya pitu inta nogaid kon natua ing ki adiíbií mita i Skewa, tobatuí itoi in imang kon tua.
15 Ta'e dimukud mita mora'at tatua noguman ko'i monia, "Kinota'auankubií ing ki Yesus bo ki Paulus, ta'e ki ine im mo'ikow?"
16 Bo intau inta kinotoḷongan dimukud mora'at tatua iḷumanduk bo nodomok ko'i monia poḷat kopia nomongkug nodapot in noḷaguidon mosia nongkon baḷoi tatua bo sinoko tompaliían bo nopilang, sin ḷambung monia binera-berak in dimukud mita mora'at tatua nongkon awak monia.
17 Bayongan intau Yahudi bo intau mita ibanea inta nogutun kon Epesus komintan nokodongog kon soaáḷ mita tatua, daí nongo'ondok im mosia bo totok in nodayow kon tangoi i Tuhan Yesus.
18 Bo nobarong totok intau inta nopirisayadon ko'i Yesus in namangoi nongaku kon tayowon intau moaíntoí, kong mosia pernahbií doman nogaid kon soaáḷ mita natua.
19 Daí bayongan mogogonow tatua nosipundon kom buk mita monia bo sinokotubaí kon tayowon intau moaíntoí. Boli im buk mita tatua aka rekengon mangoi degaí lima nopuḷuh noribu doit perak.
20 Natuata in nobalií, daí pirman i Tuhan totokdon in no'ibaya-bayak makow bo totokdon moropot im pongaruhnya.
21 Naonda nopaḷut ing kajadian mita tatua, ki Paulus nogamaídon kong kaputusan mayak im Makedonia bo Akhaya bo tumurus kon Yerusalem. Sia noguman, "Mopaḷut kon tua, aku'oi musti mayak doman in Rum."
22 Daí muna in sia nopotabaí kon simpaḷnya doyowa, ki Timotius bo ki Erastus umuna ko'inia mayak im Makedonia, sin sia mogutunpa tongonumai nosinggai kon Asia.
23 Degaí ko wakutu in tuata bo nobalií in ropatoi moḷoben kon Epesus sin lantaran habar soaáḷ ki Yesus.
24 Sing kong kotaí tatua oyuíon intau mogogaid kom perak, tangoinya ki Demetrius, sia mogaidmai doman kom baḷoi mita in dewa sim pogutunan i Dewi Artemis. Oaíidan intau tatua mobogoi ing ka'untungan moaíntoí kom mogogaidnya mita.
25 Tuamai sinipunnea nodait in intaunya mita takin mogogaid kom perak mita ibanea bo noguman nana'a, "Utat mita! Kinota'auanbií monimu kon oaíidanbií tana'a ing ko'uliían naton kon hasil.
26 Bo tana'a aindon inontong bo dinongog monimu tontani'' onu in inaidan i Paulus. Sia noguman kon dewa mita inta pinomia intau in de'emanbií totu-totu'u dewa. Bo nobayongdon totok intau in nopirisaya kon onu im pinogumannya tua, de'eman tonga' kon Epesus na'a, ta'e gogioídon bo komintan Asia na'a.
27 Bahayanya kon tua in diaídon mopia tangoi in porusaha'an naton na'a. De'emanbií doman tongaí tua, ta'e sedang baḷoi i Dewi Artemis bo diaídon im mangalenya. Padahaḷ bo sia tua in Dewi Artemis inta umuran duiíonmai im bayongan intau kon Asia bo bayongandon intau kon dunia na'a!"
28 Naonda in nokodongog kon singog tatua in intau mita tatua, nosakií totok ing gina monia bo mosia totokdon nomaḷuí bo moguman, "Mobiag ing ki Artemis, dewi intau in Epesus!"
29 Daí nokacau im bayongan intau kong kotaí tatua. Bo intau mita inta nongacau tatua nodomok ko'i Gayus bo ko'i Aristarkhus, intau im Makedonia inta nogindua ko'i Paulus kom bonu im binaya'annya bo pinoḷuai monia kon tampat pomomanyayian tatua.
30 Mayak rumuaík ing ki Paulus kon intau moaíntoí kon tua, ta'e diaí inogoi in intau mita kon tua inta mopirisaya ko'i Yesus.
31 Natua doman in intau mita inta moḷoben kon Asia, inta yobayat mita i Paulus. Mosia nongoyow kon intau simbaí ki Paulus diaí mayak in tampat pomomanyanyian tatua, bo mokipogontong.
32 Intau mita inta noyosipun kon gedung tatua nokacaudon. Oyuíon momaḷuí nana'a, oyuíon doman momaḷuí natua. Nobarongbií intau in diaí nonota'au mongo onu in nobalií bo nongonu sin noaíntoíbií intau noyosipun kon tua.
33 Kai'n intau kamai kon tua daí ki Aleksanderbií in nokopopisií kon tua mita, sin sinuḷud in intau Yahudi pinobayak im muna in sia. Daí notonggoí kon lima in sia sin moginsilang kon onu inta nobalií kon tayowon intau moaíntoí kon tua.
34 Ta'e naonda in inontong monia kon intaubií Yahudi in sia, daí noyododaidon im mosia nomaḷuí. Doyowa nojam ing pinomaḷuían monia tua, kai monia, "Mobiag ing ki Artemis, dewi intau in Epesus!"
35 No'onggotmai kon tua daí jurutulis in sidang kong kotaí tatua nokopo'onow kong ka'ada'an tatua. Sia noguman, "Hei intau mita in Epesus! Kinota'auanbií im bayongan intau kong kitabií inta kon Epesus na'a in intau inta totok monompiamai kom baḷoi i Dewi Artemis bo batu mosuci inta moḷabuímai nongkon ḷangit.
36 Bo diaíbií im mota'au momayow kon tua. Manangka intua poko'onowdon bo dika baḷuí kinoaíi-aidea.
37 Tana'a mo'ikow aindon nodia mangoi kon intau tana'a, inta diaíbií nogagow kom baḷoi i dewa andeka noporomu-romukmai ko'i dewi naton.
38 Aka ki Demetrius takin mogogaidnya mita bo mopongadu sin oyuíon taḷaí intau tobatuí, yo dona'aibií makow im popongaduan monia kom pongadilan. Sin diaíbií larangon im pomarentah bo pomarentah in tantuíbií oyuíon.
39 Tongaí aka diaípa doman mopuas im mo'ikow daí mota'aubií in yosingogon bui kon rapat takin guhanga mita in lipuí.
40 Sin onu in nobalií singgai na'a, mokobahayabií ko'i naton. Sim mota'aubií poyobuion in singog kon kitabií in nomarontak, sin diaíbií im mota'au naton baliíon dodoyonan nongonu sin nogaidbií ing kita kong kakacauan tana'a."
41 Naonda in noguman kon tua mita, bayongan intau kon tua nodaitdon pinokipobuian i jurutulis tatua.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA