Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Naonda im mopuḷuhdon bo opat notaong kon tua, aku'oi bui minayak in Yerusalem takin i Barnabas, bo i Titus.
2 Aku'oi minayak in Yerusalem sing ki Allahbií in nopotabaí. Bo kon tobatuí pinoyodungkuḷan takin itoi mita kon tua, aku'oi noginsilang kon Habar Mopia inta pinoyaputku kon intau mita inta de'eman Yahudi. Sin doiíbií in aku'oi aka usahaku kolipod bo masa in tana'a, tongaí mobalií diaí baraguna.
3 Ki Titus inta noyotakinku tua intau in Yunani ta'e diaíbií in sia pinoki sunatku naí kon atorang in agama Yahudi.
4 Umpakahbií oyuíon intau in totok momakisa ko'inia. Mosia tua intau mita inta umuran kumapog ko'i naton bo mongaku kom mosia ing ki utat naton. Mosia tua in umuni-uni makow monarukira kon onu kabií in aidan naton saḷaku intau inta ain notobatuí takin i Kristus Yesus. Ibogon monia ing kita mobui kong ka'ada'an naton kolipod saḷaku ki ata monia.
5 Ta'e topilikmai diaíbií ing kami umundok ko'i monia, sin ibogon nami Habar Mopia tatua tantuíbií mo'itutui bo mo'itonop makow kong gina monimu.
6 Bo soaáḷ mosia inta inanggap in intau mita mongopenting -- tua in diaíbií mobalií soaáḷ ko'inakoí, sin aka ko'inakoí yo diaíbií in yoposi intau, intau moḷoben ande intau moyangkoí, sing ki Allah in diaíbií momilií kon intau.
7 Mala inaíku bidon in intau mita inta nobalií itoi, kong ki Allahbií in nobogoi oaíidan ko'inakoí simbaí aku'oi mayak mopoyaput in Habar Mopia kon intau mita inta de'eman Yahudi, naonda bo ki Allah inta nopotabaí ko'i Petrus minayak nopohabar in Habar Mopia kon yuaí-yuaík intau Yahudi.
8 Sing ki Allah inta nobogoi ko'i Petrus in ropot baí mobalií rasul kon sigad in intau mita Yahudi, Siabií doman tua inta nobogoi in ropot ko'inakoí simbaí mobalií rasul kon yuaí-yuaík in intau de'eman Yahudi.
9 Bo naonda in noko'ontong kon totabi inta inogoi i Allah ko'i nakoí, daí ki Yakobus, ki Petrus, bo ki Yohanes inta nobaliídon itoi kon jama'at, nopirisayadon kong ki Allahbií in nobogoi oaíidan tana'a ko'inakoí. Sahingga in nodati im mosia ko'i naminda i Barnabas saḷaku tanda yoyobayatan. Bo nosatuju bidon ing kami kong kami im mayak mopohabar in Habar Mopia kon yuaí-yuaík in intau mita inta de'eman Yahudi, bo mosia im mayak kon sigad in intau mita Yahudi.
10 Tongaí topasaḷ im pino'igum monia ko'i nami, musti tarukiraan in intau mita bogaí. Bo memang tuabií doman inta kino'ibo-ibogku aidan.
11 Wakutu ing ki Petrus namangoi in Antiokhia, taran-tarangandon sinogurku in sia, sin no'itaḷaídon in o'idnya.
12 Sim muna-munamai in sia nonga'an noyotakin in intau mita inta diaí sinunat. Ta'e naonda in no'iangoidon intau mita inta pinotabaí i Yakobus, sia iyumayukdon kon utat mita inta diaí sinunat bo doií domandon nonga'an noyotakin monia, sin sia mo'ondok kon intau mita inta nomakisa simbaí bayongan intau musti sunaton.
13 Intau mita in Yahudi ibanea dinumudui domandon kon aid i Petrus natua, sahingga ki Barnabas no'idudui doman kon aid monia natua.
14 Bo naonda inontongku in oaíid monia inta diaí nososuai onu inta sinunduí kon Habar Mopia i Tuhan, daí aku'oi noguman nana'a ko'i Petrus kon tayowon intau moaíntoí inta kon tua, "Aka kobobiagmu ule saḷaku intau in Yahudi, naonda bo kobobiag in intau inta de'eman Yahudi, yo nongonu sin ikow im momakisabií kon intau ibanea simbaí mobiag naonda bo kobobiag in intau Yahudi?"
15 Aka podudui ing katurunan, yo kami na'a intaubií in Yahudi bo de'emanbií "intau de'eman Yahudi inta binaradosa".
16 Umpakah natua yo kinota'auanbií nami kon diaíbií in tobatuímai intau im posaḷamaton i Allah sin dinumudui kon hukum i Musa. Ta'e intau posaḷamatonbií sim pirisaya ko'i Yesus Kristus. Tuamai kami tontanií nopirisayadon ko'i Yesus Kristus, simbaí kami im posaḷamaton doman, de'emanbií posaḷamaton sin dinumudui kon onu inta kon hukum i Musa.
17 Ta'e aka kami inta umuran moramiji mobiag moyodame i Allah bo motobatuí i Kristus, ta'e kino kadapatan doman nogaid kon inta diaí no'itutui, naí aid in intau mita baradosa, bo naí doman intau mita de'eman Yahudi, yo mota'au degaí in singogon kong ki Kristusbií in nokopopisií sahingga in nogaid ing kami kon inta no'itaḷaí? Tantuí diaíbií mota'au!
18 Sin aka aku'oi bo moramijibií bui moposindog kon onu inta ain irumbunku, yo tua im mangalenya kon aku'oi aindon nobalií intau inta nomaḷawang kon hukum i Musa.
19 Sin aku'oi aim minatoi bon hukum in Musa tatua -- sing kopontingan in hukum tatua -- simbaí aku'oi mobiagdon motoindudui ko'i Allah. Aku'oi aindon pinopopakuí kong kayu pinoyotalempang takin i Kristus.
20 Tongaí aku'oi in nobiag, ta'e de'eman bidon aku'oi, sing ki Kristus bidon in na'a kon awakku. Bo kobobiagku tana'a makow ing kobobiag bidon inta pinodoyon kom pirisayaku ko'i Adií i Allah inta notabi ko'inakoí, bo inta ain noposarahkan in awak-Nya tontanií sing kopontinganku.
21 Diaíbií sinolakku in totabi i Allah. Sin aka kuma bo oyuíon ing kasaḷamatan aka dumudui kon hukum in agama, yo diaí bidon mangale ing kinopatoian i Kristus!
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA