Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Wali kami taa mosa mangika palaong i mPue Allah apa kami mangansani koro ngkita raporapaka ewa tenda to napake ngkita ri lino si’i. Wali kami taa mawali mayu’u raya mami apa kami mangansani ane mate yau koro ngkita, ane ewa see, koro ngkita si’i danabolosika i mPue Allah koro to tamo damate. Koro to etu raporapaka ewa banua to singkasaenya to si’a naika nto lino, pei to naika i mPue Allah ndate saruga.
2 Wali ri rayanya kita tuwu ri lino si’i kita mangepe mandasai apa rani kojomo rayanta dayau ri saruga see tonii ngkita damangarata koro to ndate saruga to darapaposunsuka resi kita ewa baju to bou.
3 Wali ri rayanya kita tuwu ri raya ngkoro to raporapaka ewa tenda si’i, kita mangepe mandasai apa mabeu taepe ri raya ngkatuwu ngkita si’i. Pei si’a batuanginya kita rani mate yau ojo mangawonsu yau koro to si’i, pei pamporani ngkita mansaka rabolosika koro to bou. Apa ane tonii ngkita roomo rapaposunsuka wo’u koro to bou etu, ane ewa see re’e muni bombongi ntonii etu. Wali kita rani kojo mangarata koro to bou etu apa koro to bou etu taa damate, wali koro etu to bae-bae batuanginya pei koro to damate si’i.
4 (5:3)
5 Wali a’i-a’i, i sema to nangika songka to magaya etu? I Pue Allah semo! Ia semo to roomo mampasilonga kita damangarata koro to bou etu. Pasi Ia roomo mangawaika kita i Nosa Mapasing damampakatantuka resi kita palaong etu damawali kojo. Wali i Nosa Mapasing mawali tondong parajanji i mPue Allah, see naka kita matantu kojo kita damangarata koro to bou to naparajanjika i mPue Allah kita etu.
6 Wali see naka kami sangkani maroso raya mami. Kami mangansani ane kita tiroo tuwu ri koro si’i, kita tawa siwaka pei i Pue.
7 Batuanginya, kita tawa maya mangangkita Ia ewa damawali ri tempo to darata. Pei nempo Ia tawa nakita nu matanta, kita tiroo mangalulu Ia ri raya ngkatuwunta apa kita mangaya Ia.
8 Wali see naka aku manganto’o, kami maroso raya mami. Pei ane ewa pampobuuka mami, to tao-tao kami mate yau mampiyaika koro mami si’i see maya siwaka pei i Pue. Pasi kami mangansani monso pu’u kita dasiwaka pei Ia.
9 Wali nempo re’ewa ri raya ngkoro si’i, bara nempo mate pei yau siwaka pei Ia, kami tiroo rani mangika palaong to mampakasanang Ia.
10 Wali naka pei kami rani mangika palaong to mampakasanang Ia apa darata temponya i Kerisitu damangabotus kita to mangaya. Wali tempo etu kita taa maya taa mampotango gadera to napotunda i ngKerisitu damangabotus kita etu. Pasi tempo etu kita samparia damangarata anu to masipato kita damangarata samba’a pei samba’a. Wali anu to danarata ngkita etu dasingkonong pei palaong to naika ngkita samba’a pei samba’a ri raya ngkatuwunta ri lino si’i, bara matao, bara maja’a. Wali see naka kita rani mangika palaong to mampakasanang Ia ri raya ngkatuwunta ri lino si’i.
11 Wali saba kami mangansani batuanginya mampalaika i Pue saba manga’angga Ia, see naka kami magombo resi tau see tuwutuwuja sira damampalaika seja Ia. Tare yusa songka mami tempo mampotundeka tau. Kami ojo mamporani sira mampolaika i Pue. Wali manasa resi i Pue Allah kami tare songka to maja’a. Pasi tuwu-tuwuja komi manasa seja kami tare songka to maja’a.
12 Wali gombo mami manganto’o “kami tare songka to maja’a”, gombo etu si’a batuanginya kami mangabarong wo’u koro mami. Si’a kojo. Pei ane komi buya rayamu mampasimbalika pasi mangabarong kami apa saba komi mangansani kami tare manganto’o anu to taa monso, etu matao seja, see tau to manganto’o maja’a kami damangansani pampobuuka ngkomi. Pasi ane ewa see, re’e yami pasono to danuto’o ngkomi damangansono tau to ojo manga’angga pangka ntau, pei taa manga’angga raya ntau.
13 Wali re’e tau to manganto’oka kami tau wando apa sira mangkita palaong mami resi i Pue. Kamonsonya kami taa wando, pei taa mawei sira mampobuuka ewa wetu, apa palaong mami resi i Pue etu naka pei mawali see i Pue Allah darabarong. Pasi ane re’e wo’u tau to mampobuuka palaong mami masilonga, matao kojo, apa palaong etu mawali see kami maya mangansawang komi.
14 Saba pamporayang i ngKerisitu semo to mampakakoro raya mami mangika palaong to si Ia, apa kami masanang mampobuuka pamporayanginya etu resi kita. Apa kami mangaya kojo i Kerisitu, ojo Ia semo to namate mangkapateka samparia tau. Wali see naka samparia kita to mangaya Ia paka rato’oka ewa mate seja.
15 Pasi Ia mangkapateka samparia tau see kita maya mangarata katuwu. Pei kita to mangarata katuwu etu, kita tamo ojo damangaluluka yau pamporani ndaya ngkita samba’a pei samba’a. Kasimbalinya yako etu, kita jamo damangaluluka pamporani i ngKerisitu to roomo nangkapateka kita etu pasi roomo seja nambangu muni yako ri kapateNya.
16 Wali apa saba etu, see naka pampobuuka mami si’amo ewa seore. Apa tempo ruyu kami mangabotus tau ojo mampobuuka pangkanya, si’a rayanya. Pasiwa i Kerisitu nabotus seja mami ewa wetu tempo ruyu. Pei tempo si’i kami tamo mangabotus tau ewa wetu.
17 Apa i sema-sema tau to samba’a pei i Kerisitu, tau etu mawali tau to bou. Wali tiliumo katuwunya to masae pasi ratamo katuwunya to bou. Wali ojo raya ntau to kami mangabotus, si’amo pangkanya.
18 Wali samparia palaong to etu paka naika i mPue Allah. Ia semo to mangawali kita see maya masingkatao pei Ia apa saba to naika i Yesu Kerisitu. Pasi Ia roomo mansarumakaka kami mampakarebaka resi tau mangkonong ewa wimba sira maya mawali masingkatao pei Ia.
19 See naka kami manganto’oka samparia tau, “I Pue Allah mangawali raya nto lino see maya masingkatao pei Ia apa saba to naika i ngKerisitu. Pasi Ia tamo mangkitanaka sala ntau to masingkatao pei Ia etu. Pasi Ia roomo mansarumakaka kami mampakarebaka resi tau mangkonong ewa wimba sira maya mawali masingkatao pei Ia.” Etu semo kareba to nasarumakaka i mPue Allah kami.
20 Wali see naka kami mawali pomakau i ngKerisitu to mamporata resi komi paposia i mPue Allah. Wali paposia i ngKerisitu to iporata mami etu, etu semo kami mamporapika resi komi, waika i Pue Allah mangawali raya ngkomi see maya masingkatao pei Ia.
21 Wali Ia semo to nangika jaya see kita maya masingkatao pei Ia. Apa i Kerisitu tare dosaNya, pei saba kita to lino madosa see naka i Pue Allah manganto’oka Ia mampongakung yau dosa ngkita. Wali yako palaong to etu see naka kita maya nato’o i mPue Allah tare dosanta apa saba kita samba’a pei i Kerisitu. Wali etu semo jaya to naika i mPue Allah see kita maya mawali masingkatao pei Ia.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA