Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Noa sa ma'ila, na tedudugõ nomo -- ya'ia mboto -- ni'iaigõda ba gulidanõ andre, I'a'asogõ khõda sambua nomo Lowalangi ba zorugo, ni'otomosi Lowalangi samõsa ba saro irugi zi lõ aetu.
2 Ba nomo si so iada'e, mangarõngarõ ita, bõrõ me omasi sibai ita torõi ba nomoda andrõ si so ba zorugo.
3 Omo andrõ no botoda si bohou.
4 Sagõtõ fe'asoda ba nomo si otarai gulidanõ andre, mangarõngarõ ita, bõrõ me abua noroda. Tenga bõrõ me omasi ita aefa moroi ba mbotoda si otarai gulidanõ andre wa mangarõngarõ ita, no bõrõ me omasi ita ta'owaru mboto soroi zorugo andrõ, ena'õ botoda si tola mate andre i'okhõgõ ia sauri.
5 Sama'anõ ya'ita ba da'õ ya'ia Lowalangi samõsa, Ibe'e Geheha-Nia khõda tobali we'ewe'e dõdõ.
6 Bõrõ da'õ lõ mamalõmalõ terara dõdõma. No ma'ila wa sagõtõ so ndra'aga ba mboto andre, no arõu ndra'aga ba nomo ni'onahiama dania si fao awõ Zo'aya.
7 Ba wamati auri ndra'aga, ba tenga dali ni'ila hõrõ. Da'õ mbõrõ wa terara dõdõma.
8 Ba abõlõ omasiga sa aefa ndra'aga ba mbotoma andre, ena'õ tola ahono ndra'aga khõ Zo'aya.
9 Andrõ maforege wangomusoi'õ tõdõ-Nia, he fatua so ndra'aga ba nonoma ba da'e, he na zui ba da'õ.
10 Lõ'õ sa tola lõ te'ohe ita fefu fõna dadaoma ba wanguhuku andrõ khõ Keriso, ba itema zulõ nilaunia zamõsana ba gulidanõ, he si sõkhi, ba he si lõ sõkhi.
11 No aboto ba dõdõma hadia geluaha wangata'ufi Lowalangi; da'õ mbõrõ wa ma'odõdõgõ ena'õ faduhu dõdõ niha ba khõma. Noa sa I'ila ndra'aga Lowalangi, ba madõnadõna gõi wa ba dõdõmi no mi'ila ndra'aga.
12 Lõ omasiga ma'andrõ ena'õ misuno ndra'aga. Ha da'õ zomasiga, mabe'e khõmi danedane si sõkhi wanunomi ya'aga, ena'õ mi'ila hewisa wanemami li niha sangofõna'iõ mamaigi rufo moroi ba gamuata.
13 Na sindruhu hulõ zowõhõ ndra'aga, ba no ba zoguna khõ Lowalangi da'õ. Ba na hulõ zi so era'era ndra'aga, ba no ba zoguna khõmi.
14 Fa'omasi Keriso zi no mangu'uni ya'aga; ba no aboto ba dõdõma wa na no mate samõsa salahi zato fefu, da'õ geluahania no mate zato fefu.
15 No mate Keriso salahi zato, ena'õ dozi sauri, tenga sa'ae khõra auri ira, no khõ Keriso si no mate ba si no ifuli auri, bõrõ ira.
16 Andrõ bõrõ da'õ lõ sa'ae masu'a niha dali zu'asu'a ba niha. Ba mbõrõta no irai masu'a Keriso dali zu'asu'a wa'aniha, ba lõ'õ sa'ae malau da'õ iada'e.
17 Niha si no ha sambua khõ Keriso, niha da'õ no tobali si bohou mufazõkhi ia. No aheta zi tohõna sa'ae, ba hiza no tobali bohou ma'afefu.
18 Fefu da'õ Lowalangi zangohalõw̃õgõigõ. Lowalangi zangohalõw̃õgõigõ irege atulõ ita khõ-Nia, bõrõ Keriso, Ifatenge gõi ita mohalõw̃õ ena'õ atulõ gõi niha bõ'õ khõ Lowalangi.
19 Andrõ maturiagõ wa ba khõ Keriso I'ohalõw̃õgõigõ wangatulõ Lowalangi, irege atulõ niha khõ Lowalangi. Lowalangi zamalua da'õ, lõ Isofu ngawalõ zala si no ifalua niha khõ-Nia. Ba no Ifohalõw̃õ ndra'aga Lowalangi ba wanuriaigõ turia andrõ.
20 Bõrõ da'õ ya'aga andre ba no sinenge Keriso. Ba fahuhuo ndra'aga khõmi hulõ na Lowalangi samõsa zi fahuhuo khõmi. Andrõ bõrõ da'õ, ba dõi Keriso ma'andrõ sibai, ena'õ mitema wa'ahakhõ dõdõ Lowalangi si tola mangatulõ'õ ya'ami khõ-Nia.
21 Lõ horõ Keriso, ba no Ibali'õ Ia Lowalangi solu'i horõda, ena'õ bõrõ wa ha sambua khõ Keriso, tobali sõkhi gamakhaitada khõ Lowalangi.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA