Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Isi surat niki mengenai Manik saq ngicanin idup, nike Manik saq sampun araq lẽman penembẽq. Tiang pade sampun dengah ie dait serioq mẽsaq. Tiang pade sampun perhatiang dait negel ie siq ime tiang pade.

² Idup nike sampun tenyatayang, dait tiang pade sampun serioq ie. Keranaq nike tiang pade ngebẽng kesaksian mengenai hal nike. Tiang pade beriteang lẽq side pade mengenai idup sejati dait kekel, saq araq bareng Bapa, dait saq sampun tenyatayang tipaq tiang pade.

³ Napi saq sampun tiang pade serioq dait dengah, nike ẽndah saq tiang pade beriteang tipaq side pade, adẽq side pade bareng kance tiang pade ẽndah, idup akrab kance Bapa dait kance Bije-Ne, nike Deside Isa Almasih.

⁴ Tiang pade nulis niki adẽq angente pacu-pacu gembire.

⁵ Niki berite saq sampun tiang pade dengah lẽman Almasih, dait saq tiang pade dait saq tiang pade sampẽang tipaq side pade: Allah nike cahaye, dait lẽq Ie tetu-tetu ndẽq araq saq peteng.

⁶ Lamun ite bebase bahwe ite idup akrab kance Allah, padahal ite idup lẽq dalem saq peteng, make ite beduste siq ucapan-ucapan dait siq perbuatan.

⁷ Laguq lamun ite idup lẽq dalem cahaye, maraq Allah araq lẽq dalem cahaye, make ite idup akrab, rukun sopoq kance saq lainne, dait daraq Deside Isa Almasih, Bije-Ne nike, nyuciang ite lẽman selapuq dose.

⁸ Lamun ite bebase bahwe ite ndẽq bedose, ite nipu diriqte mẽsaq; dait kebenaran ndẽq araq lẽq dalem ite.

⁹ Laguq lamun ite ngaku dose-dosente lẽq Allah, make Ie setie dait adil, sehingge Ie gen ngampunin dose-dosente dait nyuciang ite lẽman selapuq kejahatan.

¹⁰ Laguq lamun ite bebase bahwe ite ndẽq bedose, make setetune ite anggep Allah jari penduste, dait hal nike nyatayang bahwe Manik-Ne ndẽq araq lẽq dalem atẽnte.

1 Yohanes

Video 1 Yohanes 1

Ikuti Kami:

KONTAK | PARTISIPASI | DONASI