Initializing audio Loading audio...

1 Lohon suratẹ̌ ini kai mạanung Hengetang makạgěllịu pẹ̌bawiahẹ̌, kụ kai Hengetang nạung seng tẹ̌be ene rokeng bọu tẹ̌tạe. Sembeng kinaringihi kami ringangu sembeng kinasilom matang kami hala. I kami e seng nakasahidi, ringangu sem bọu nikahẹ̌gong limang kami.
2 Piạ pẹ̌bawiahẹ̌ e niapakal᷊ahẹ, ute i kami mamben nakasilo. Hakịu ene i kami makasahiding ene. I kami e měhabarẹ̌ si kamene habaru pẹ̌bawiahẹ̌ tutune ringangu kakalẹ̌, kụ pẹ̌bawiahẹ̌ e kai nạung dingangi Amang, kụ sembem bọu nipakal᷊ahẹ si kami.
3 Apang kụ seng kinasilong kami ringangu kinaringihi kami e, ene mal᷊aing ilẹ̌habari kami e si kamene, tadeạu i kamene ringangi kami e makahěngang mangal᷊en mẹ̌biahẹ̌ masěmbaụ dingang'i Amang dingangu Ahus'E i Yesus Kristus.
4 I kami e namohẹ u ini e mědeạu i kitẹ e kahěnga-hěngang masukụ u ral᷊uasẹ̌.
5 Kai ini e habarẹ̌ kinaringih'i kami wọu Ahus'E ringangu ilẹ̌habari kami e si kamene: Duata e kai tualagẹ̌, kụ mang tawẹ marěndunge sarang kạdidị-didị si Sie.
6 Kereu i kitẹ mẹ̌berau i kitẹ mẹ̌biahẹ̌ masěmbaụ dingange, kutẹu i kitẹ kawe mẹ̌biahẹ̌ su ral᷊ungu kararěndunge ute i kitẹ e kawe měkẹ̌konti su wawera ore lai su kakanoạ.
7 Arawe kereu i kitẹ mẹ̌bẹ̌biahẹ̌ su ral᷊ungu tualagẹ̌ kerẹewe Mawu Ruata e kawe su ral᷊ungu tualagẹ̌, ute i kitẹ e měbẹ̌biahẹ̌be mạkakauhẹ̌ maghaghighilẹ̌ sěmbaụ su wal᷊ine mase rahan Yesus Ahuse e namurẹ̌siwe si kitẹ bọu rosa e.
8 Mageng i kitẹ měberau i kitẹ tawẹ dosang kitẹ e, ute i kitẹ kai mạngakal᷊ẹ̌ batangeng i kitẹ. Kụ Mawu e tawẹ dịe su ral᷊ungu naungi kitẹ.
9 Arawe kereu i kitẹ měngakuwen dosang kitẹ su těngon Duata e, ute i Sie sarung mapakasěhụ u kẹ̌don'E ringangu mẹ̌koạbe apang kụ adilẹ̌. I Sie sarungbe měngampung dosang kitẹ dingangu mamurẹ̌si si kitẹ bọu patikụ kakanoạ i kitẹ nẹ̌sal᷊a.
10 Kamageng i kitẹ mẹ̌berau i kitẹ tawe němpẹ̌dosa, ute i kitẹ kai tabidạu mạnompol᷊u Mawu e kai makonti ringangu i kitẹ e tawe měndaresọ u hengetangu Mawu e su ral᷊ungu naung i kitẹ.
1 Yohanes 1
Studi Alkitab lengkap, silahkan lihat Alkitab SABDA :: 1 Yohanes 1
Studi Alkitab mobile, silahkan lihat Alkitab Mobi :: 1 Yohanes 1
Download Aplikasi Alkitab Karaoke (BETA) Android:
https://play.google.com/store/apps/details?id=org.sabda.alkitabkaraoke
Kunjungi Alkitab Audio Diglot:
AYT - KJV
YLSA SABDA

Ikuti Kami:

IG sabda_ylsa FB Yayasan Lembaga SABDA TW sabda_ylsa Link Selengkapnya
YT SABDA Alkitab Spotify Google Podcast Podcast SABDA Slideshare Slideshare SABDA
KONTAK | PARTISIPASI | DONASI

Copyright © 2014 - Yayasan Lembaga SABDA (YLSA). All Rights Reserved.
Bank BCA Cabang Pasar Legi Solo - No. Rekening: 0790266579 - a.n. Yulia Oeniyati
WA: 0881-2979-100 | Email: ylsa@sabda.org | Situs: ylsa.org - sabda.org