Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ri lamba pamulana nariamo samba'a to niposumba Alatala manggeni tesa to nombawai katuwua. Tapi naupa I'a naria nggari lamba pamulana I'a niepe kami bo nikita kami ante mata kami mboto. I'a nikita kami ante nanoto pade korona nisoko kami ante pale kami mboto.

² I'a nipopokita ri dunia e'i pade kami nanggita I'a. Pade we'i-we'i kami nompakanoto ka komi nuapa to nikita kami. Kami nompatolele ka komi tesa Yesus Kristus to nombawai katuwua sampe ri kasae-saena. Ri lamba pamulana I'a naria mamimo nosanggani-nggani ante Umata Pue Alatala, pade nggapurina I'a nipopokita ka kami.

³ Jadi nuapa to nikita kami pade to niepe kami, etumo rapatolele kami ka komi wo'u, ala komi mosanggani-nggani ante kami mamala masintuwu belo ante Umata Pue Alatala bo Anana Yesus Kristus.

⁴ Etu sampe kami nantulisi pura-pura tesa e'i ka komi ala mpu'u-mpu'u madamba rarata mpasanggani-nggani.

⁵ Iwe'imo kareba to niepe kami nggari ja'i Yesus pade rapatolele kami ka komi: Alatala I'amo reme pade da'a ntoto ria karumauna ri ja'ina.

⁶ Ane kita manguli, "Kita e'i nasintuwu belo ante Alatala," tapi kita aga matuwu riara rumau, kita nodawa, pade powiata da'a nantuki pepatuduki to nakonona.

⁷ Tapi ane kita matuwu riara reme nasimbayu ewa Alatala riara reme etu, kita masintuwu belo samba'a bo samba'a, pade lei Yesus, Anana, mompakagasa kita nggari pura-pura silakata.

⁸ Ane kita manguli, "Da'a ria silakata," kita mombabagiu korota mboto. Etu tandaina da'a ntoto ria pepatuduki to nakonona naboli riara nta'ita.

⁹ Tapi ane kita mompangaku silakata ri ja'i Alatala, I'a namala raparasaya mowia to nanoana, etumo I'a kana mombaampungi silakata pade mompegasa kita nggari pura-pura kaja'ana.

¹⁰ Ane kita manguli, "Kita da'a nowia silaka," kita nompopodawa Alatala. Da'a ntoto naria tesana naboli riara nta'ita.

1 Yohanes

Video 1 Yohanes 1

Ikuti Kami:

KONTAK | PARTISIPASI | DONASI