Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Tombonu in surat tana'a in soaáḷbií Pirman inta mobogoi ing kobiagan, Sia tua im Pirman inta koyongan bidon oyuíon nongkon pinomangkoianpamai. Pirman tatua ain inontong bo ain doman kinadaian nami tontanií.
2 Wakutu ing kinobiagan tatua pinonyata, noko'ontong doman ing kami. Tuamai kami mobogoi ing kosaksian soaáḷ Sia. Kami im mopota'au ko'i monimu soaáḷ kobiagan mopia bo mononoi moyotakin i Amaí, sin tua aindon pino'ontong ko'i nami.
3 Onu inta ain inontong bo dinongog nami, tuabií doman im pota'au nami ko'i monimu, simbaí mo'ikow motobatuí domandon nami bo motobatuí domandon i Amaí bo i Kristus ki Adií-Nya.
4 Na'a komintan pinaisdon nami, simbaí gina naton totu-totu'udon moḷunganga.
5 Na'adon in habar inta ain dinongog nami nongkon i Adií-Nya bo inta poyaput nami ko'i monimu: "Ki Allah tua im bayagbií bo ko'i-Nia diaíbií in sindip topilikpamai.
6 Aka kita moguman kong kita nobiag notobatuí takin-Nya, ta'e kita umuranpa doman nobiag kom bonu in sindip, daí kita in nonguboḷ bidon, pinomayak tosingogon andeka oaíid.
7 Ta'e aka kita mobiag kom bonu im bayag naí ki Allah inta kom bonu doman im bayag, daí kita im mustibií mobiag modagin, motompia bo mositabian tobatuí bo tobatuí. Bo duguí i Yesus, ki Adií-Nya tua, mondarit ko'i naton nongkon bayongan dosa.
8 Aka kita moguman kong kita diaí kodosa, daí monguboḷbií ing kita ko'i naton tontanií, bo ki Allah in doií bidon mogutun kom bonu ing gina naton.
9 Ta'e aka akuondon naton in taḷaí mita naton ko'i Allah, daí aidan-Nyabií onu inta aim pinodandi-Nya bo pobayak-Nya doman onu inta moaídil. Ampungan-Nyabií im bayongan dosa naton poḷat daritan-Nya doman ing kita nongkon bayongan oaíid inta mora'at.
10 Ta'e aka kita moguman kong kita na'a diaí kotaḷaí, daí inanggapdon naton kong ki Allah tua in naonda bo mo'uboḷ, bo onu inta siningog-Nya diaídon sinaguí makow naton kom bonu ing gina.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA