Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Bagat surat néné, siorak ka pagalaiat Tiboiet sibaraaké purimanuaiat, iaté, Tiboiet siturerere baranangan ka panandaatnia peilé. Akuarep'an kai, samba bulat tubumai amasiitsó. Akukirenengan kai nia, samba bulat kabeimaian amasiomet'aké.

² Akuitsóan kai ka tetret atupatoilá purimanuaiat néné. Iaté lulunia kumumuneng'aké kai nia pagalaiat tubunia. Kupaagai kai ka kam pagalaiat purimanuaiat sipulelelek samba simatom, sikukuddu ka tubut Ukkui, samba sipatoilá nia ka tubumai.

³ Apa kuarep kai elé kuitsó kai, nia leú té nenda kusesegéaké kai ka tubumui, bulé sambatta masipuuktungi puririmanua sipatatabbra ka tubut Ukkui sambat ka tubut Togania Jesus Kristus.

⁴ Akugalai kai surat néné ka tubumui, bulé imasappru puaangkat bagatta.

⁵ Néné te katuareman siarepmai sibara ka Togania, sisegéakenenmai ka tubumui: Pató lé nia, ka sia Taikamanua néné, samba bulat tá anai gep-gep ka tubunia.

⁶ Ké takua ai sita patatabbra ka tubunia, tápoi ai lé sita mukukuddu ka pugep-geman, oto apabokongan lé sita ka titiboat samba ka galai tubu.

⁷ Tápoi ké ka pató takuddu kam, kelé kukudduna ka sia Taikamanua ka pató, bailiu maronnangan patabbaratta, samba paabantangan pasasambatta, iageti buinangan leú et jotta logau Jesus, iaté Togania.

⁸ Ké takua baí kam tá anai jotta, oto atabokoían te kam tubutta; bailiu tá anai Taikamanua ka bagat paatuatta.

⁹ Tápoi ké geti taseseaké kam jotta ka matat Taikamanua, bailiu riu-riu iaké sitonéakenennia samba galaiakénangan keadilan. Appéakénangan jotta samba palinánangan leú et sita ka sangamberi puseleatta.

¹⁰ Tápoi ké geti takua kam tá anai jotta, ataaddéakéan lé te kam nia Taikamanua néné simaboko, samba toilá tá aitasisiddoni kam tiboiet Taikamanua ka bagat paatuatta.

1 Yohanes

Video 1 Yohanes 1

Ikuti Kami:

KONTAK | PARTISIPASI | DONASI