Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Essena sorat paneka parkara Dhabu se apareng odhi’, enggi paneka Dhabu se ampon badha dhari parmola’an. Kaula sadaja ampon mereng parkara dhabu ganeka, ampon nengale bi’ mata dibi’. Kaula sadaja ampon ngabas sareng mandeng, ampon nyedding bi’ tanang dibi’.

² E bakto odhi’ ganeka enyata’agi, kaula sadaja nangale. Lantaran ganeka kaula sadaja nyakse’e parkara ganeka. Kaula apareng oneng ka sampeyan parkara odhi’ se salerressa ban se langgeng, se badha e Rama sareng se ampon enyata’agi ka kaula sadaja.

³ Pa-ponapa se ampon etengale sareng se ekapereng kaula sadaja paneka se bi’ kaula sadaja etotorragi ka sampeyan, me’ olle sampeyan asareng kaula sadaja noro’ ahayadi odhi’ daddi settong sareng Rama, jugan sareng Pottrana, Isa Almasih.

⁴ Kaula noles sorat paneka sopaja panggaliyanna sampeyan sareng kaula sadaja perak ongguwan.

⁵ Paneka berta se etarema kaula sadaja dhari Pottrana, se bi’ kaula ekabala’a ka sampeyan: Allah paneka terrang, ban e dhalem Salerana tadha’ petteng sakale.

⁶ Mon oreng ngoca’ odhi’ daddi settong sareng Allah, tape odhi’ e pettengnga, oreng ganeka lecegan cacana ban lalakonna.

⁷ Nangeng mon oreng odhi’ e dhalem tera’na akadi Allah se badha e dhalem terrang, odhi’na reng-oreng ganeka rapet, rokon, ban dharana Isa, Pottrana, maberse reng-oreng ganeka dhari sa-dusana.

⁸ Mon oreng ngoca’ tadha’ dusana, oreng ganeka nepo aba’ dibi’; ban Allah tadha’ e dhalem atena oreng ganeka.

⁹ Nangeng mon sampeyan ngakone sa-dusana ka Allah, Allah tanto neptebbi janjina sareng alampa’agi ponapa se adil. Salerana tanto nyapora sa-dusana sampeyan, sareng maberse sampeyan dhari sadajana kasala’anna.

¹⁰ Nangeng mon oreng ngoca’ tadha’ dusana, oreng ganeka nganggep Allah paneka lecegan, ban ta’ nyempen dhabuna Allah e dhalem atena.

1 Yohanes

Video 1 Yohanes 1

Ikuti Kami:

KONTAK | PARTISIPASI | DONASI