Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Pirimani u mo'otumulo u ma woluwo lonto u mulo-mulolo lomayi ma ilodungohe lami, ilontonga wawu diledeto lami lo olu'u lami lohihilawo. Uwito u ma tiluladeyi lami to tulade boti ode olimongoli.

² Tou Tiyo ta mongohi mayi tutumula kakali lopobiloheyi lo batanga-Liyo, Tiyo ma ilontonga lami wawu Tiyo boyito ta hepopotunggulo mayi lami ode olimongoli. Tiyo pe'epe'enta wolo Allahuta'ala ti Papa wawu ta ma pilopopatatayi lo Allahuta'ala ode olami.

³ Pirimani u ma ilodungohe wawu ilontonga lami boyito pilopotunggulayi lami ode olimongoli, alihu timongoli mowali tuwawu wolami wawu ito mowali tuwawu wolo Allahuta'ala ti Papa wawu mowali tuwawu olo woli Isa Almasih Walao Allahuta'ala.

⁴ Pasali boyito tiluladeyi lami to tulade boti alihu ito mengahe da'a.

⁵ Utiye habari u ma ilodungohe lami lonto Walao Allahuta'ala wawu u pilopotunggulayi lami ode olimongoli. Allahuta'ala yito tinelo wawu to o-Liyo diyaluwo dioloma openu bo ngointi mao.

⁶ Wonu ito hemoloiya deu tutumulunto tuwawu wo-Liyo padahali ito tumu-tumula to delomo diolomo, ito hemohimbulo wawu diyaluwo mao u banari to olanto.

⁷ Bo wonu ito hetumula to delomo tinelo odelo Tiyo, ito mowali tumumula tuwawu wolo tawu-tawuwala ta paracaya ode o-Liyo wawu Allahuta'ala mopo'osuci olanto monto nga'amila dusa moli opopate lo Wala-Iyo ti Isa Almasih to salipu.

⁸ Wonu ito hemoloiya deu ito dila o dusa, ito hemongakali batanganto lohihilawo wawu diyaluwo u banari to olanto.

⁹ Bo wonu ito mongaku nga'amila dusanto, Allahuta'ala boyito banari wawu Tiyo ma mopo'opolu mayi lo janjiya-Liyo. Tiyo mongambungu dusanto wawu mopo'osuci olanto monto nga'amila u dila banari.

¹⁰ Bo wonu ito hemoloiya deu ito dila o dusa, ito hemotohuyimbulo to Allahuta'ala wawu Pirimani lo Allahuta'ala diyaluwo to delomo hilanto.

1 Yohanes

Video 1 Yohanes 1

Ikuti Kami:

KONTAK | PARTISIPASI | DONASI