Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ale kam Sasarainamai simakayo! Arep'aké peité kam nganturatku néné. Kauan nupusou kam, elé kauan nupului-lui kam, aipoí mangongorik'an lé kam!
2 Amabutéan pukayoatmui. Bibiletmui leú et aigut-gut'an tabbubulut.
3 Emas sambat perakmui amakaop'an; kaopnia néné te ibabailiu saksi, ilawan kam samba ikokom tubumui pat pí-pí kelé api. Aipoí anururúaké kam pukayoatmui ka legret iaili gogoi kalepakatnia.
4 Tá anubaya kam upadda sipugagalai ka monemui. Oto kineneiget arep'aké kam hoi-hoira! Sia sipasimomonei buat siuremannu, kineneiget ai sia mugegerei masitiddou paromannu, samba gereira néné aiarep'an Taikamanua, Tuhan Sipulugege.
5 Bulat amulegeian erúnia puririmanuamui samba anunanam'an kam pusanangan ka polak néné. Tápoi kéan lé ainumomó-móaké kam tubumui ibara jájaket ka gogoi pasijájakat.
6 Anupaukumingan kam sia elé anupamateian kam sia sitá anai sele, samba tá aralawan kam.
7 Oto kalulut néné, ale kam sasaraina, kau nuom'aké kam nia masiorik pangoringan, teret iaili tetrenia kaoijanan Tuhan! Itsó peité kam om bagadda sipasigagalai mone, rangena ibara buat siuremanda ka monenda, kelé oniakenenda puuktunganda sabeu. Raom'aké rangena ibelé urat ka rura sigoisó samba ka rura sabeu.
8 Ialeú et kau imaom bagamui samba kau imaabeu ka paatuatmui, aipoí amalegrengan iaili kaoijanan Tuhan.
9 Bá putetetet kam, elé bá pasesele kam katubu, bulé tá iukum'aké kam Taikamanua. Tápoi néné lé repdemenmui! Amalegrengan te nia si Hakim, aipatarek'an tubunia ioi.
10 Repdem peité kam kelé ka sia tai nabi sipungangantoman ka onin Tuhan. Maom bagadda samba maron paatuatda masiorik pangoringan. Oto sia te nenda nuuului kam ka kam.
11 Atuoniakéan sia simauktuk, kalulut ron paatuatda masiorik. Ialeú et anuarep'an kam puoom bagat Job. Kelé leú siagaimui, tá aisoppi aipanukani nia si Tuhan. Aipoí bulat simakopé nuntut baga samba simakopé erut baga lé nia si Tuhan.
12 Oto bulat siabeunia, iaté: Buí nupusuppa, elé ka onin manua, elé ka onin polak, elé ka onin apa páonia. Ké bulatnia "Oo", kuanungan oo, iageti ké bulatnia, "Tá", kuanungan leú et tá; bulé tá iukum'aké kam Taikamanua.
13 Ké ai ka talagamui simareu-reu baga, kau rapaniddou ka tubut Taikamanua. Ké ai sia sipuaangká baga, kau rapuurai masiumun'aké Taikamanua.
14 Ké ai sia simabesí, kau rasogai sipugagalai ka paamian, bulé ratiddouaké sia simabesí néné, ka tubut Taikamanua. Lepá lokot'akérangan leú et tula, masitulaji nia ka onin Tuhan.
15 Oto ké bulat sibara ka tonem bagadda ka tubut Tuhan Jesus baí nia, rasegéaké paniddogatda néné ka tubut Taikamanua, tá isoppi ialeaké nia simabesí néné, Taikamanua. Iageti jo sigalai nia leú, appéakénangan nia.
16 Oto kalulut néné, buítá nuseseaké kam jomui ka pasasambamui saalei, samba leú patiddouaké kam katubu ka tubut Taikamanua, bulé ialeaké kam. Aipoí bulat makopé gegenia paniddogatda sirimanua ka tubut Taikamanua, ké mareddet sia ka teú bagania.
17 Si Elia ka sia, makeré lé pusisirimanuanta. Kelé aipaniddou ka tubut Taikamanua, bulat tubut sibara ka paatuatnia, bulé tá iaké urat, taibelénangan leú et urat, telu ngarura sitenga burúnia.
18 Lepá paniddounangan mitsá ka tubut Taikamanua. Oto akénangan uratnia mitsá manua, pat bara mitsá buat siureman ka mone.
19 Ale kam sasarainamai! Ké ai sia sara ka talagamui sitaiobá masitut nganturat Taikamanua, lepá oi sia sabagei masitoiliaké nia mitsá ka tubut Taikamanua,
20 repdem kam ka sitususurat ka ruang néné: Sipasitotoiliaké sara sirimanua sijo, bulé ibauaké paatuatnia, nia té sipasibebelaaké sirimanua sijo néné, ka kamateiat, samba leú et kalulut néné, bailiu maiginangan jo tuappéaké. Hormatmai, Jakobus
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA