Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Malekaik tu manunjuakkan pulo kabake ambo, batang ayie, nan ayienyo mambari kahidupan. Batang ayie tu janiah bakilok-an, janiah nan sajaniah-janiahnyo, ma ilie dari kurisi Allah, sarato jo dari kurisi Anak Domba,

² di tangah-tangah jalan di kota tu. Di tapi batang ayie tu, di subalah-manyubalahnyo, ado batang kayu tampaik asa kahidupan, nan babuwah duwo baleh kali dalam satawun, iyolah sakali sabulan. Daunnyo di ambiak untuak mancegakkan sagalo banso.

³ Di dalam kota tu, indak ado ciyek juwo doh sasuatu nan kanai kutuak Allah. Kurisi Allah jo kurisi Anak Domba ka talatak di dalam kota tu. Pisuruah-pisuruah Baliau ka ba ibadaik kapado Baliau,

⁴ sarato ka maliyek roman muko Baliau. Namo Baliau ka disurekkan di kaniang pisuruah-pisuruah-Nyo tu.

⁵ Urang-urang tu indak ka mamaralukan lampu lai, atau cahayo matoari, dek karano malam indak ka ado lai, Tuhan Allah sandirilah nan ka manaranginyo. Mako urang-urang tu ka mamarentah sabagai rajo untuak salamo-lamonyo.

⁶ Sudah tu malekaik tu bakato kabake ambo, "Sagalo kato-kato ko bana, sarato dapek dipicayoi. Tuhan Allah nan mambarikan Roh-Nyo kabake nabi-nabi, Baliau lah ma utuih malekaik-Nyo, untuak ma agiah tawu kabake pisuruah-pisuruah-Nyo, apo nan musti sugiro ka tajadi."

⁷ "Paratikanlah ko!" kecek Isa Almasih, "Ambo ka sugiro datang. Babahagialah urang nan layi mamatuahi kato-kato nubuat dalam kitab ko!"

⁸ Ambo, si Yahya, lah mandanga sarato lah maliyek kasadonyo ko. Sasudah ambo salasai mandanga jo maliyeknyo, ambo tasungkua di adok-an malekaik, nan lah manunjuakkan kasadonyo tu kabake ambo, mako ambo bamukasuik nak ka manyambahnyo,

⁹ tapi inyo bakato kabake ambo, "Jan! Jan disambah pulo ambo! Sambahlah Allah! Dek karano ambo ko hanyo pisuruah, saroman jo angkau, saroman pulo jo sudaro-sudaro angkau nan nabi-nabi, sarato jo kasadonyo urang nan layi mamatuahi, sagalo pasan-pasan dalam kitab ko!"

¹⁰ Sudah tu inyo bakato pulo, "Janlah dirasiyokan, kato-kato nubuat nan di kitab ko, dek karano lah dakek wakatunyo, kasadonyo ko ka tajadi.

¹¹ Urang nan jahek, biyalah taruih babuwek jahek; urang nan najih, biyalah manajihkan dirinyo; urang nan layi manuruikti kamauan Allah, biyalah taruih manuruikti kamauan Allah, urang nan sangajo iduik untuak Allah, biyalah inyo taruih iduik sangajo untuak Allah."

¹² "Paratikanlah ko!" kecek Isa Almasih, "Indak lamo lai Ambo ka datang, sambia mambawok upah untuak pambaleh ka satiyok urang, sasuwai manuruik apo nan lah dipabuweknyo.

¹³ Ambolah nan indak ba awa, Ambolah nan indak ba akie; Ambolah Tuhan dari sajak Samulo sampai ka Akienyo."

¹⁴ Babahagialah urang nan manyasah jubahnyo sampai barasiah, sainggo urang-urang tu bahak, mamakan buwah dari batang kayu kahidupan, sarato bahak masuak ka dalam kota tu, malalui pintu kaporonyo.

¹⁵ Tapi, urang-urang nan mangarajokan karajo-karajo nan buruak, nan mampagunokan alemu capak-capak baruak, urang-urang nan mangarajokan karajo-karajo nan cabul, nan mambunuah, nan manyambah barhalo, sarato jo urang-urang nan baduto, biya jo kato-kato ataupun jo pabuatan, kasadonyo urang tu, tampaiknyo diluwa kota tu.

¹⁶ "Ambo, Isa Almasih, lah mangirin malekaik Ambo kabake angku-angku, supayo inyo ma agiah tawu sagalo parkaro ko, untuak kapantiangan jamaat-jamaat. Ambo ko katurunan Nabi Daud; Ambolah bintang timur nan tarang tu."

¹⁷ Roh Allah sarato jo Anak Daro bakato, "Molah!" Satiyok urang nan mandanga ko musti pulo bakato, "Molah!" Siya nan auih, andaklah inyo datang! Siya nan ma inginkan, andaklah inyo ma ambiak ayie nan mambari kahidupan tu, sacaro perai.

¹⁸ Kabake satiyok urang nan mandanga, kato-kato nubuat dalam kitab ko, ambo, si Yahya, ma agiah paringatan bakcando iko: jikok ado urang nan manukuak manambahkan sasuatu, di kato-kato nubuat ko, mako Allah ka manambahkan ukunan urang tu, jo sagalo bala bancano nan tatulih dalam kitab ko.

¹⁹ Jikok ado urang nan mangurangi sasuatu, dari kato-kato nubuat ko, mako Allah ka mangurangi pulo bagiannyo, nan lah tatulih dalam kitab ko -- iyolah bagian dari batang kayu kahidupan, sarato jo bagian dari kota suci tu.

²⁰ Baliau nan manyampaikan kasadonyo barito ko bakato, "Batua, Ambo ka sugiro datang!" Amin! Datanglah, ya Tuhan Isa Almasih!

²¹ Mudah-mudahan Tuhan Isa Almasih mambari barakaik-Nyo kabake sadonyo umaik Allah!

Wahyu

Video Wahyu 22

Ikuti Kami:

KONTAK | PARTISIPASI | DONASI