Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Onogu Tito! Ya'o, Faulo, zanura sura andre si no enoni Lowalangi ba sinenge Yesu Keriso. Nifatenge ndra'o ba wanolo niha si no Itutuyu Lowalangi tobali banua-Nia. Lõ tola lõ utolo ira ba wondrou'õ famati khõ Lowalangi. Lõ tola lõ udõnia'õ ira ba wangi'ila fa'aduhu wamahaõ ba agama khõda.
2 Famahaõ da'õ modanedane ba wanõtõna wa tatema wa'auri sindruhu ba si lõ aetu. Lowalangi zi no mamabu'u fa'auri andrõ fõna wa lõ mu'a'asogõ gulidanõ -- ba Lowalangi andrõ lõ falimo.
3 Ba ginõtõ si faudu, no Ifa'ele'õ wa'auri andrõ Lowalangi ba huhuo-Nia ba gulidanõ. Oroisa-Nia andrõ no Ifaduhusi tõdõ khõgu, ba u'ombakha'õ ia dali wareta Lowalangi Sangorifi ya'ita.
4 Tito, ya'ugõ zindruhundruhu nonogu, bõrõ me ya'ugõ ba ya'o no faoma mamati khõ Yesu Keriso. Manõtõna ndra'o wa Lowalangi Ama ba Yesu Keriso, Razo Sangorifi ya'ita, zangomasi'õ ya'ugõ ba same'e fa'ohahau dõdõ khõu.
5 No urõi ndra'ugõ ba Gareta fõna, ena'õ õ'asiwalisi nasa ngawalõ halõw̃õ sinangea mu'ohalõw̃õgõigõ. Fataro ndra sondrõnia'õ banua Niha Keriso ero banua misa. Ba tõngõni menemenegu andre:
6 Sondrõnia'õ banua Niha Keriso, ena'õ niha si lõ sinegu; lõ tola lõ ha samõsa ndrongonia; iraononia no mamati khõ Keriso, ba tenga iraono si teturia lõ ngaroro, ba ma iraono si tebai mufatõrõ.
7 Sondrõnia'õ banua Niha Keriso andrõ ba no sangonorogõ tõdõ halõw̃õ Lowalangi, ba lõ tola mosinegu ia. Lõ tola fayaw̃a ia ba ma sofõnufõnu ba ma si mabumabu, ba ma si lõ sõkhi, ba ma sangisõ kefe.
8 Lõ tola lõ ohahau dõdõnia ba wanema niha ba nomonia, somasi ngawalõ zi sõkhi, i'ila itaha dõdõnia, atulõ, ohahau ba ahonohono.
9 Lõ tola lõ aro ia wololohe turia soroi Lowalangi andrõ. Ya'ia duria si tola mufaduhusi tõdõ, si mane si no mufahaõ khõnia. Ba wolau si manõ tola i'amenesi niha dania sodanedane ba wamahaõ sindruhu, ba tola iforoma'õ zala niha samadaõ ya'ia.
10 Ato niha si lõ molo'õ, si ofõna sibai niha soroi agama Yahudi mege; lafaelungu niha bõ'õ faoma huohuora si lõ boto.
11 Niha si mane da'õ lõ tola lõ niduhõ mbawania, bõrõ me no ato wongambatõ tobali fawuka ba wamahaõ si tenga sinangea andrõ. Lalau da'õ ha bõrõ ba wangalui hare si lõ atulõ!
12 No irai so samõsa zama'ele'õ khõra, si otarai Gareta gõi, sanguma'õ, "Niha Gareta ba no tuka wolau faya manõ, urifõ safaito, solu'alu'a ba sareu."
13 Hadia niw̃a'õ zama'ele'õ da'õ ba no sindruhu. Da'õ mbõrõ wa lõ tola lõ õ'abe'e'õ wanegu ya'ira; ena'õ lõ tebulõ faduhu dõdõra khõ Lowalangi ba wa'aduhu.
14 Ba lõ sa'ae mamati ba hikaya wayaw̃aya niha Yahudi ba ma amakhoita niha, nifazõkhi niha solaw̃a famahaõ soroi Lowalangi.
15 Fefu hadia ia ba ohahau ba niha sohauhau. Ba ba niha si ta'unõ fangerangera ba si lõ mamati khõ Lowalangi, sambalõ lõ sohauhau, bõrõ me fangerangerara ba tõdõra no ta'unõ!
16 Law̃a'õ aboto ba dõdõra Lowalangi, ba ba nilaura, ba lalaw̃a Ia. Tõdõra lõ sõkhi ba lõ omasi molo'õ; ya'ira ba no niha si tebai mamalua sambalõ zi sõkhi.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA