Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Titus adiíku! Aku'oi, ki Paulus nomais kon surat tana'a saḷaku mogogaid kon oaíidan i Allah bo rasul i Yesus Kristus. Aku'oi im pinilií bo pinotabaí simbaí motuḷung kon intau mita inta aim pinilií i Allah simbaí umuran moropot im pirisaya monia ko'i Tuhan Yesus. Bo mustibií umuranku tunduíon im mosia simbaí totokdon im monota'au kon onu inta mo'itutui podudui in agama naton.
2 Totunduí tatua im pinodoyonbií kon harapan kong kita im motarimabií kong kobiagan inta mopia bo mononoi. Kobiagan tatua pinodandi bidon i Allah ko wakutu in dunia na'a diaípa pinomia. Ki Allah in diaíbií monguboḷ.
3 Sing ko wakutu inta ain sinantuí-Nya, pinonyata-Nyadon in dandi-Nya tatua kom bonu ing koyow-Nya. Koyow-Nya tatua inta pinokiaíid-Nya ko'inakoí, bo tuata im pinota'au-ta'auku makow podudui im parentah i Allah inta mopoposaḷamat naton.
4 Titus, ikow ule totu-totu'u bidon nobalií ki adiíku, sing kitada in tumpaḷadon nopirisaya ko'i Kristus. Manangka intua umuranku po'igumon makow simbaí ki Allah, ki Amaí naton bo ki Kristus Yesus Raja Mopoposaḷamat naton, umuran mobogoi im barakat bo kobiagan mopia ko'inimu.
5 Ule Titus, sinu'odkubií sinaḷaían in ikow kong Kreta simbaí mopoyotutui kon onu inta paraḷupa poyotutuion. Naí doman tua, baí ikow momiliídon kon intau mita inta mota'au baliíon itoi kom bonu in jama'at inta kong kota-kotaíannya. Umurai tarukira in singogku mita tana'a:
6 Intau inta baliíon itoi kon jama'at mustibií intau mopia, bo tongaí kobuḷoi kon tobatuí, bo ki adiínya mita mustibií inta komintandon nopirisaya ko'i Kristus bo diaí doman mokaḷakuang, bo mo'ibog doman mokidongog kong guyanga.
7 Sin itoi kon jama'at tua im mogaidbií kon oaíidan i Allah, manangka intua mustibií intau inta mopia, diaí mododia bo diaí morogi, de'emanbií intau inta umuran moḷoḷangu, de'eman doman intau inta mo'ibog-ibog motayak kom mokorogenggeng bo diaí doman dinoit.
8 Mustibií intau inta mo'ibog motuḷung kon intau ibanea, mo'ibog kon inta mopia, mokotahang kom bibig, mojujur bo motoindudui kon ibog i Tuhan.
9 Sia musti umuran kumadai moropot kon totunduí inta mobanar, naí inta ain sinunduí ko'inia. Takin natua sia mota'au mononggina kon intau podudui kon totunduí inta nobanar, bo mopo'ontong kon onu inta no'itaḷaí kon intau mita inta moḷawang ko'inia.
10 Sin nobayongdon in intau nobiag diaí no'itutui, torutama mosia inta nokadai kon hukum i Musa. Mosia mongonguman kon diaí totu'u sim makusud monguboḷ kon intau.
11 Intau mita natua mustibií tokohukumon im bibig monia, sin onu in sinunduí monia tua, tongaíbií mopotomba'uk kon raian in intau mita inta nobiag tobaḷoian. Tua mita pinomia monia sim motayak kong ka'untungan inta diaí pantas.
12 Noko'imontandon in nabi monia inta nongkon lipuí doman monia nosingog nana'a: "Intau mita ing Kreta umuran monguboḷ, naondabo mahaḷuk inta mokoka'an kon tumpaḷa mahaḷuk, moturaí ta'e maḷas."
13 Bo totu'ubií in singog in nabi tatua. Manangka intua musti tonggina'anmu kopira'an im mosia tua, simbaí mosia umuran kumadai kon onu inta mo'itutui.
14 Diaídon tongaí umuran mokidongog kon o'uman mita in intau Yahudi bo hukum in intau mita inta doií motarima kon inta no'itutui.
15 Bayongan rupa-rupa nodaritbií aka kon intau mita inta nodarit in raian. Ta'e aka ko'i monia inta raian mokotor bo inta diaí mopirisaya ko'i Tuhan, yo diaíbií in tobatuímai im modarit, sin raian bo gina monia komintan domandon mokotor!
16 Mosia mongaku kon nonota'audon ko'i Allah, ta'e oaíid monia in diaíbií no'idudui kon inta kino ibog i Allah. Oaid monia tua mokorongoí bo diaí doman motoindudui. Mosia tua in intaubií mita inta diaídon mokomampu mogaid kon inta mopia.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA