Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ale Togakku Titus! Aku néné sipuoni si Paulus, iaté sara pagugulet Taikamanua, sambat apostel Kristus, amasigalai surat néné ka tubum. Aipiliy samba aikoiniaké aku Taikamanua masirop'aké sia sipiliy Taikamanua, bulé imaron tonem bagadda ka tubut Jesus Kristus. Aku leú et kaku, buítá kupalulu sia bulé raagai arat bulat sibulatnia, siripot sigelaiakenen ka aratta.
2 Ngantoman néné iaté sipaalei pukakaronan baga, masikua sisilóta nia purimanuaiat sipulelelek sambat sitaitatatá. Aitonéakéan Taikamanua puririmanua néné, ainangan tá babara tetre néné, samba ka sia Taikamanua, tá maboko nia.
3 Ka sara gogoi sipasesese, patoilánangan nia pakerekat bagania néné, ka patonekatnia. Oto patonekat néné aiakéan ka tubukku kupaarepnia ka guglut Taikamanua Sipaarau sita.
4 Ale Titus, bulat bakkat togakkungan lé ekeu néné, kalulut aku kaku sambat ekeu kekeu néné, apakeréan atamatonem baga ka tubut Kristus. Bulat aikukakaroni baga, bulé isukat'aké samba ibujai ekeu Taikamanua Ukkui sambat Jesus Kristus Rimata Sipaarau sita.
5 Akugalak'aké ekeu ka Kereta, bulé nupasikeli sitaimakolou peilé. Samba leú et bulé nupauddet sia tai bajá ka senen laggai. Tápoi repdem sikuakku néné:
6 Senen tai bajá buítá sitá kuat tubu; ka sikataí buítá sarat sara sinanalepra; tatogadda buítá amatonem'an bagadda ka tubut Kristus samba sitaimaarep simakopé pukekelat paatuat samba sitaiagai perú.
7 Panei-nei paamian iaté sara sipasikeli galajet Taikamanua, oto tá momoi ibara kuat tubunia ka sikataí. Tá momoi imabuak paatuatnia samba buí simagolú, elé simapuinengen kalulut puloló ló simapuinengen, siobá palabá; elé simaalau baga ka bulagat.
8 Buítá siobá masirauma tairauma ka lalepnia, iobá simaerú, masurú tubunia, maroipo bagania, maliná paatuatnia, samba makolou puririmanuania.
9 Buítá iomet'aké nganturat bulat katonemiet sipulelelek, kelé singantruakenenku ka tubumui. Kalulut néné, bailiu oi ipangantru sirimanua sabagei, siripot arat sibulatnia, samba oi ipoiliat seledda, sipasisasaggangi nia.
10 Aipoí maigi sia simalawan, sarapei sia sibabara ka arat Jahudi; sarat masipataju sabagei lé ragagalai, ka tiboietda sitá baga.
11 Buítá tuaséaké sia rapumeng-meng, aipoí ai lé rapaiingo pupaatuananda tatogat paamian ka senen lalep, kalulut nganturatda sitaipasesese. Ragagalaiaké nia geti kelé néné, sarat kalulut obára lé masigaba uktuk sitaimateú!
12 Ai sara nabidda leú et, sibabara ka laggai Kereta, sipasikukua, "Sarat paboboko lé ragagalai tai Kereta, bulat kelé tarimeu simasagbang sikataí pueereu samba sitaimamalá le sia."
13 Oto sikuania si nabi néné, bulat maipó. Iaté lulunia buíta maron nuaséaké galai tubudda néné; bulé mariu-riu raomet'aké arat bulat sibulatnia,
14 sambat táan raomet'aké mitsá pungu-nguanda tai Jahudi, elé peraturan sigalaira sirimanua, sitaiobá masisiló nganturat arat sibulatnia.
15 Sangamberinia lé maliná ka tubudda simaliná paatuat. Tápoi ka sia geti simalolit paatuat sambat sitaimatonem baga ka tubut Jesus Kristus, bulat beri sara simaliná, aipoí paatuatda sambat agai bagadda ka baga, amalolit'an!
16 Arakua geti raagai nia Taikamanua, tápoi sigalaiakenenda nenda te masiputatatá. Oto bulat kasit-sit'akenen lé sia néné, bulat tá mareddet sia; samba bulat tá momoi ragalaiaké apa pá simaerú.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA