Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Sindruhu hadia niw̃a'õgu andre dania bõrõ me okhõta Keriso ndra'odo. Lõ falimodo. Tõdõgu nifatõrõ Geheha Lowalangi, zanga'aro'õ tõdõgu wa sindruhu niw̃a'õgu.
2 Abu sibai dõdõgu ba tefakao gera'eragu,
3 bõrõ ndra talifusõgu si sambua soi khõgu. Utehegõ I'elifi ndra'o Lowalangi bõrõ ira ba utehegõ mufabali moroi khõ Keriso.
4 Banua nifili ira ba no Ibali'õ ira Lowalangi tobali iraono-Nia ba Iforoma'õ wa'abõlõ-Nia khõra. I'a'asogõ wawu'usa li khõra ba Ibe'e khõra huku agama. I'ombakha'õ khõra Lowalangi hewisa wamosumange Ya'ia ba no gõi latema wawu'usa li-Nia.
5 Nga'õtõ wurugõda ira. Ba molo'õ fa'aniha, khõra i'otarai Keriso. Abõlõ ebua Ia moroi khõra fefu. Nisuno Lowalangi irugi zi lõ aetu. Yaduhu.
6 Lõ omasi ndra'o uw̃a'õ wa no lõ moguna sa'ae wawu'usa li Lowalangi; ba hiza tenga fefu niha Gizera'eli tobali banua nifili Lowalangi.
7 Tenga fefu nga'õtõ Gaberahamo tobali iraono Lowalangi. Bõrõ me no Iw̃a'õ Lowalangi khõ Gaberahamo, "Ha nga'õtõ Giza'aki nifotõi nga'õtõu dania."
8 Eluahania nga'õtõ Gaberahamo nifotõi iraono Lowalangi ha nga'õtõnia si tumbu bõrõ wawu'usa li Lowalangi; ba tenga fefu nga'õtõnia.
9 Si mane wawu'usa li Lowalangi, "Ba ginõtõ si no muhonogõi, mangawuli dania Ndra'odo, ba so khõ Zara'i dania samõsa nono matua."
10 Ba si mane gõi da'e: Mo'ono Rebeka darua ono matua moroi ba zi samõsa ama, ya'ia Giza'aki furugõda.
11 Fatua lõ tumbu ndraono andrõ, no Ihonogõi nifili-Nia dania Lowalangi. Fanuyu Lowalangi niha tenga bõrõ me tola ifalua hadia ia si samõsa niha, no bõrõ wanuyu Lowalangi. Bõrõ me fatua tebai lalau hadia ia zi sõkhi ma si lõ sõkhi iraono Rebeka si darua andrõ ono matua,
12 Imane Lowalangi khõ Rebeka, "Mõi barõ mbawa nakhinia nono sia'a."
13 Ba Mbuku Ni'amoni'õ no musura wa Imane Lowalangi, "U'omasi'õ Yakobo, ba fa'udu ndra'o khõ Gezau."
14 Hadia rahurahu iada'e? Hadia lõ atulõ Lowalangi andrõ? No tatu wa atulõ Lowalangi!
15 Bõrõ me Imane Lowalangi khõ Moze, "U'oroma'õ wa'asõkhi dõdõ-Gu ba niha somasi-Do U'oroma'õ wa'omasi dõdõ-Gu, ba omasi-Do U'oroma'õ wa'ahakhõ dõdõ-Gu ba niha somasi-Do Uhakhõsi tõdõ."
16 Tobali tenga bõrõ wa edõna niha, ba tenga bõrõ wamorege niha, no nilau dõdõ Lowalangi da'õ ba nifili-Nia andrõ.
17 Bõrõ me no tesura ba Mbuku Ni'amoni'õ, "Imane Lowalangi ba razo Miserai, 'Ubali'õ ndra'ugõ Razo bõrõ gohitõ dõdõ zi sambua andre, ya'ia ena'õ ba khõu, U'oroma'õ kuaso-Gu ba Ubali'õ tehõngõ dõi-Gu ba gulidanõ ma'asagõrõ.'"
18 Tobali, ahakhõ dõdõ Lowalangi ba zi samõsa niha, na omasi Ia zi manõ. Ba tola Ibali'õ hulõ gara dõdõ niha, na omasi Lowalangi da'õ gõi.
19 Lau, tatu mimane khõgu, "Na si manõ hana nasa wa Isalaikõ niha Lowalangi? Hadia, tenga lõ niha si tola momba'agõ somasi Lowalangi?"
20 Hiza, ya'ami ira talifusõ! No niha si to'õlõ ami. Ba lõ barani ami wanema li Lowalangi! Hadia tola manofu nahia mbunga ba zamazõkhi ya'ia wanguma'õ, "Hana wa õmane wamazõkhi ya'o?"
21 Hadia tenga ba zomasi dõdõ zamazõkhi nahia mbunga andrõ ifangamõi la'uri? Moroi ba zi sagokhõ la'uri, hadia tola ifazõkhi dombua nahia mbunga: sambua zi sõkhi, ba sambua zambõ sõkhi.
22 Si manõ gõi nilau Lowalangi. Omasi Ia Itura'õ wõnu-Nia ba I'oroma'õ kuaso-Nia. Ba hiza, ebolo dõdõ-Nia ba khõra si lõ tola lõ'õ nihuku me la'andrõ wõnu-Nia.
23 Ba omasi gõi Lowalangi Iforoma'õ khõda wa'ohahau dõdõ sabõlõbõlõ, niduwagõ-Nia ba khõda ni'omasi'õ-Nia. No Ifa'anõ ita ba wanema fa'ohahau dõdõ da'õ.
24 Ya'ita zi no Ikaoni, tenga ha moroi ba niha Yahudi, no ba soi bõ'õ gõi.
25 Bõrõ bakha ba Mbuku Hosea sama'ele'õ Imane Lowalangi, "Niha si tenga banua-Gu, Ufotõi dania 'Banua-Gu'. Soi si lõ U'omasi'õ, Ufotõi 'Omasiõ-Gu'.
26 Ba ba nahia heza law̃a'õ ba niha, 'Tenga banua-Gu ami,' ba da'õ lafotõi ira iraono Lowalangi sauri."
27 No iw̃a'õ sibai Yesaya sama'ele'õ sanandrõsa ba soi Gizera'eli, "Hew̃a'ae hulõ gawu ba nasi wa'ato soi Gizera'eli, ha ma'ifu ni'orifi dania;
28 bõrõ me lõ ara tõ I'etu'õ huku Lowalangi ba nõsi gulidanõ."
29 Imane nasa Yesaya sama'ele'õ, "Na lõ ena'õ Ibe'e khõda nga'õtõ Lowalangi, lõ zi lõ tobali ita hulõ Zodoma ba Gomora."
30 Tobali si mane rahurahunia: Soi bõ'õ si tenga soi Yahudi ba lõ la'alui lala ena'õ sõkhi mangawuli gamakhaitara khõ Lowalangi. Ba hiza bõrõ wa'afaduhu dõdõra, andrõ wa Ihaogõ mangawuli Lowalangi gamakhaitara khõ-Nia.
31 Ba zi tambai da'õ laforege wolo'õ huku ya'ira niha Yahudi ena'õ sõkhi mangawuli gamakhaitara khõ Lowalangi. Ba hiza lõ lasõndra.
32 Hana wa lõ lasõndra? Bõrõ me lalau da'õ tenga bõrõ wa'afaduhu dõdõra khõ Lowalangi, no ba wa'abõlõra samõsa manõ. Andrõ wa manendre ira ba "Gara Anendrea" andrõ.
33 Sanandrõsa ba gara andrõ no musura bakha ba Mbuku Ni'amoni'õ, "Mitõngõni da'e: No Utaru'õ gara ba Ziona nitendre niha dania; kara sebua solaugõ niha. Ba hiza niha si faduhu tõdõ khõ-Nia tenga saila dania."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA