Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ge'enaka de 'o Yesus wongose 'o nyawa yoku-kudaika de wi do-domoteika,

² "'O 'agamaka yodoto-dotoko de 'o Farisioka 'ona yakisiga-gao ma ngale yosiwaiti 'o Musa wi besesongo.

³ So 'okia naga yosuloko ge'ena niamoteke, ma 'uwa niamoteke 'isoka kokia naga 'ona yokadi-diai, sababu 'ona koyamotekuwa 'isoka gee yosidoto-dotoko.

⁴ 'Ona yogegoto 'okia sonaa 'isusa-susa, de yakikula 'o sagala 'atorangi 'itu-tubuso, ma 'ona ka ma eta ma koyakiriwowa gee 'o nyawa yadiai koge'ena.

⁵ 'Iodumu yokakadiai ge'ena duga kayomau la 'o nyawa yamake. 'Ona yoduaka yomasinoa 'o Buku 'Itebi-tebini ma bo-bula ma ngii ma bu-busuku 'ila-laagomo, de 'o baju ma renda-renda yaku-kurutuku.

⁶ Yoduaka 'o ngii de 'o go-gogere 'isure-sureka nako 'o rameka bolo 'o lo-lomu ma woaka.

⁷ 'Ona yoduaka 'o nyawa yakisiie-ie 'o pasarioka de yakisi'asoko, 'Rabi'.

⁸ Ma ngini 'uwa niomau nisi'asoko, 'Rabi!', sababu to ngini nia Guru duga kawomatengoka, de ngini nioodumu ge'ena ka 'o 'esa moi.

⁹ De 'o duniaka ne'ena ka moika ma 'uwa nio'asoko niakisiie-ie, ''Aba!', sababu to ngini nia 'Aba ge'ena kawomatengoka gee daku 'o sorogaaka.

¹⁰ De 'uwa ngini niomau nisi'asoko, 'Tuangi ma Amoko' sababu to ngini nia tuangi ma amoko duga kawomatengoka, ge'ena la ma Jo'oungu ma Dutu wi Ngiriki, gee ma Jo'oungu ma Dutu wojajiokau 'asa woboa.

¹¹ 'O nyawa gee 'ifoloi yoamoko de de ngini salingou yodadi nia yongosi.

¹² 'O nyawa gee yomadaduie ma Jo'oungu ma Dutu 'asa wakisidaduuku, de 'o nyawa gee yomasidaduuku 'asa wakisidaduie."

¹³ "Niotorouoka ngini 'o 'agamaka niodoto-dotoko de 'o Farisioka! Ngini niomataba'uca-'uca. Ngini niakitatoko 'o nyawa gee yomau yodadi ma Jo'oungu ma Dutu wi kawasa. Ngini ma sirete niooluku niodadi ma Jo'oungu ma Dutu wi kawasa, de gee 'o nyawa yomau-mau, ngini koniakisidabiwa.

¹⁴ [Niotorouoka ngini 'o 'agamaka niodoto-dotoko de 'o Farisioka! Ngini nimataba'uca-'uca. Ngini niakisihaga 'o bao-bao de manga kia sonaa nia'ese niabo-bootoka, de nia di-diai 'ito-torou ge'ena niositamunu de 'o lahidoa 'ikuru-kurutika. Ge'enau so to ngini nia hukumani dua 'ifoloi 'itubuso!]

¹⁵ Niotorouoka ngini 'o 'agamaka niodoto-dotoko de 'o Farisioka! Ngini nimataba'uca-'uca. Ngini niokakadagi 'o gurutika ma ngale niomau la moi yowosama to ngini nia 'agamaka. De gedagee yowosamokau de ngini niakidiai 'onasi 'ifoloika manga di-diai 'itorou de to ngini ma!

¹⁶ Niotorouoka ngini niomau 'o nyawa niakituda 'ena momongo ngini ma konimasimakewa! Sababu ngini niodotoko 'ato, 'Nako 'o nyawa yosasi de ma Jo'oungu ma Dutu wi Woa, ge'ena ngaro koyadiaiwa ma koido'oawa. Duga nako yosasi de ma Jo'oungu ma Dutu wi Woaka ma guraci, manga sasi ge'ena salingou yadiai.'

¹⁷ Ngini niohaga-haga de niopilo-piloko! Ka'ena 'ifoloi 'ibaraguna, 'o guraci bolo ma Jo'oungu ma Dutu wi Woa gee yositebini 'o guraci ge'ena?

¹⁸ Ngini niodotoko koneda mita: 'Nako moi yosasi de 'o su-suba yodu-dutuuku ma ngii, ge'ena ngaro manga sasi koyadiaiwa ma koido'oawa, ma nako yosasi de 'o su-suba gee to 'ena ma ngiioka, ge'ena salingou yadiai.'

¹⁹ Ngini posironga de niopilokoka! Ka'ena 'ifoloi 'ibaraguna? 'O su-suba bolo 'o su-suba yodu-dutuuku ma ngii gee yositebi-tebini ma su-suba ge'ena?

²⁰ Sababu ge'ena, nako la moi yosasi de 'o su-suba yodu-dutuuku ma ngii, ge'ena ma ngale yosasi de 'o su-suba gee ma ngiioka mita.

²¹ De nako moi yosasi de ma Jo'oungu ma Dutu wi Woa, ge'ena ma ngale mita ma Jo'oungu ma Dutuka. Sababu 'una womanoa ge'enaka.

²² De nako la moi yosasi de 'o sorogaa, ge'ena ma ngale yosasi de ma Jou wi go-gogere, de mita ma Jo'oungu ma Dutuka gee wogogerie ge'enaka.

²³ Niotorouoka ngini 'o 'agamaka niodoto-dotoko de 'o Farisioka! Ngini nimataba'uca-'uca. 'O rapa-rapa 'isoka 'o sulasi, 'o 'iri-'irisi, de 'o galiasaa ma niokula ma persen mogiooko ma Jouka. 'Ena momongo 'okia naga gee 'ifoloi 'ibaraguna 'o 'agama ma besesongoka 'isoka 'o loa, 'o sikamara'ai de 'o singounu, koniamotekuwa. 'Ena ge'enau 'ifoloi 'ibaraguna niamoteke, de 'iregu-regu mita niamoteke.

²⁴ Ngini ne'ena niosi'asa-'asa niopilo-piloko! 'O gu'uuru nia 'akeroka ge'ena niati-tisiokasi, 'ena momongo 'o 'onta ge'ena kanioasirou.

²⁵ Niotorouoka ngini 'o 'agamaka niodoto-dotoko de 'o Farisioka! Ngini nimataba'uca-'uca. Ngini nia 'ahu 'isoka 'o sawoko de nia sude ma dudunino nia'isoko niatebi-tebini monga, 'ena momongo ma dodaka kaige-ge'ewere, ngano 'okia sonaa niamake ge'ena ka de nia singina ma dorou de nia dopokana.

²⁶ Ee ngini 'o Farisioka konimasido-dongoowa! 'Isira nia'isoko niatebinikasi nia sawoko de nia sude ma dodaku, la ma dudunino mita 'itebini.

²⁷ Niotorouoka ngini 'o 'agamaka niodoto-dotoko de 'o Farisioka gee niomataba'uca-'uca! Ngini 'isoka 'o bo'osuku gee ma dudunino yacetioka, ma cet 'i'are-'arese so ma dudunika pamakeka ma sureka 'ena ma dodaka doka 'o kobongo de 'o boanga.

²⁸ Koge'enali mita ngini! 'O nyawa nimakeka nioloa, 'ena momongo nia singina ma dodaka ka 'o ngeluku de 'o dorou.

²⁹ Niotorouoka ngini 'o 'agamaka niodoto-dotoko de 'o Farisioka gee nimataba'uca-'uca! Ngini niodiai 'o nabii manga bo'osuku de 'o nyawa yoloa-loa manga tugu ma ngale niakingano-nganono.

³⁰ De niongose 'ato, 'Nako ngomi mio'ahu ma 'orasi 'amia edete de mia dotumosi, tanu ngomi komiomotekuwa mioto'oma 'o nabii-nabii.'

³¹ So nginiou ma sirete nimasidemo 'ato ngini ge'ena 'o nabii-nabii yakito-to'oma manga waata.

³² Nako koge'ena de tagi niosigila de niositotomika 'o so-sowono gee nia edete de nia dotumu yosikuruekau.

³³ Ee ngini ne'ena 'o ngowosana ma ngowa-ngowaka! Kokia ngini 'idadi nimasimada nia hukumanioka gee 'o narakaka?

³⁴ Sababu ge'ena, ngoi dua takisidingoto nginika 'o nabii-nabii de 'o nyawa yoca-cawaro de yodoto-dotoko; munuka dua niakito'oma, de munuka niakisidele 'o salipoka, de munukali niakisikisaa 'o lo-lomu ma woa-woaka, de niakiginiiki 'o kota moioka de 'o kota 'ireguka.

³⁵ Ge'enau so, ngini 'asa nihukumu sababu niakito'oma 'o nyawa gee manga sala koi'iwa 'ikurue 'o Habelioka, sigado 'o Zakharia 'o Berekhya wi ngowaka gee winito'oma ma Jo'oungu ma Dutu ma sirete 'awi Woa de 'o su-suba yodu-dutuuku ma ngii ma sigoronaka.

³⁶ Ngoi tinisidemo: Ma hali ne'ena 'iodumu dua 'o nyawa-nyawa ma 'orasi ne'ena naga yamoku."

³⁷ "Sioko Yerusalem ma nyawa! Sioko Ee! Ngini niakito'omakau 'o nabii-nabii! Niakiteto niakisongenoka ma Jo'oungu ma Dutu 'awi su-suloko! 'Igi-giliou tomau tiniriwo 'isoka 'o namoro ma 'esa ma ngowaka yajagano yaporonuku, ma ngini niooluku!

³⁸ Sababu ge'ena ma Jo'oungu ma Dutu ko de de nginiwau.

³⁹ Niongano-nganono! Ngini 'asa konimakewau ngoi. Dua sigado niongose 'ato, ''Alele! Wisibarakati 'una gee woboa de ma Jou wi kuasa!', 'asa de nimakeli."

Matius

Video Matius 23

Ikuti Kami:

KONTAK | PARTISIPASI | DONASI