Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ "Dea-dea de 'o riaka dodoto nioodumu, ngoi tomadasangosi so bika niosigisenosi!"

² 'O nyawa yoku-kudai go'ona gee yo'isene 'o Paulus wobi-bicara de 'o Ibranioka manga demo, de kayoriidi monga. So 'o Paulus wosigilali wobicara,

³ wongose 'ato, "Ngoi 'o Yahudi ma nyawa, tolahiri 'o Tarsus ma kotaka 'o Kilikia ma daeraaka, ma ngoi toamoko ne'ena 'o Yerusalem ma kotaka. De 'o Gamaliel 'o guru ma amoko moi woisidotoko wosidiaioka 'o besesongo gee 'o Musa wosidoto-dotokokau nanga edete de nanga dotumika, sigado ngoi tomagae ma sala tadiai ma Jo'oungu ma Dutu 'awi manarama, 'isoka nginioli nioodumu ne'enaka gee ne'ena ma wange.

⁴ De ngoi takisikisaa sigado takito'oma 'o do-dotoko ma sungi yamote-moteokau go'ona. Ma ngeweka de ma nauru yoodumu takitagoko de takisingosama 'o buika.

⁵ Ma 'Imam ma Amoko ma sirete de 'o 'Agamaka ma Hakimi 'idadi yasakisii kotoelukuwa. Sababu 'onau ma sirete 'ai surati yosisupu, ma dumutu 'o Yahudi ma nyawaka 'o Damsyikoka. De ma surati ge'ena, ngoi 'idadi takitagoko 'o nyawa yongaku-ngaku 'o do-dotoko ma sungika go'ona, de taki'asa 'o Yerusalemuka ma ngale yakihukumu."

⁶ "Gee ngoi 'ai do-dagi ma sigoronaka 'o Damsyikika ta'adonou 'o wange 'ikoronako, de 'o darangi posironga 'iletongoka daku 'o diwanguku 'idisiwara kayasorogaku 'isigilolitino.

⁷ Ge'enaka de toruba 'o tonauku, torubaku de 'o 'ilingi moi to'isene 'ingose ngoino, 'Saulus, Saulus! 'Ido'oa so noisikisaa?'

⁸ De ngoi tosango, 'Ngona nago'ona 'Aba?' De 'ena 'isango, 'Ngoi 'o Yesus 'o Nazaret ma nyawa, gee noisisikisaa!'

⁹ 'O nyawa miomatuo-tuono gee 'ona mita yamake 'ileto-letongo ge'ena, duga ma 'ilingi gee 'ibicara ngoino 'ona koyo'isenuwa.

¹⁰ Ge'enaka de katosanokauoli, 'Jou, salingou 'okia todiai?' Ma Jou wosango, 'Nomomiki de nosikaika 'o Damsyikika. Kadoka dua 'asa nomagi'isene 'okia naga 'iodumu gee ma Jou womau nadiai.'

¹¹ Ma 'orasi ge'ena ngoi kotomasimakewau, sababu ma letongo ge'ena 'ai akoku yadaene. So 'ai ma-manai 'ituda miosikaika 'o Damsyikika.

¹² 'O Damsyikoka wimoi wi ronga 'o Ananias. 'Una wi 'ahu 'itebi-tebini de wosingounu ma Jo'oungu ma Dutu 'awi besesongo gee 'o Musa wositota-totara. 'O Yahudioka yomanoa-noa 'o Damsyikoka gee yoodumu wisigisene.

¹³ 'Una woboa woilega, de woma'okode ge'ena 'ai dateoka de kawongosekau, ''Esa moi Saulus, ne'ena nomasimakeli!' Kage'ena de tomadutumu 'ena towimakekau.

¹⁴ Ge'enaka de kawongosekau ngoino, 'Ma Jo'oungu ma Dutu gee nanga edete de nanga dotumu wisuba-suba, woniiriokau la nasahe to 'una 'awi mau, de wonimake 'o Yesus ma Jo'oungu ma Dutu 'awi Ro-riwo wosingou-ngounu, de nosigisene 'o Yesus ma sirete wi 'ilingi.

¹⁵ Ngona 'asa nosakisii ma ngale nosihabari 'o nyawa 'iodumika 'okia naga no'isenokau de namakekau.

¹⁶ Ka kone'enasi 'uwa nosito-to'ingo. Nomomiki, de nomasisarakani ni'osiki. Nomasigasoko ma Jouka la 'ani so-sowono ma Jo'oungu ma Dutu kowosi-singinawau.'"

¹⁷ "Tolioka 'o Yerusalemuoka de gee tomalahidoa ma gu-gudaioka ma Jou wi Woaka, de 'o Ngomasa 'Itebi-tebini 'ipareta.

¹⁸ Ma Jou towimake kawongosekau ngoino, 'Taitika nomagoraka 'o Yerusalemuoka, sababu 'o nyawa ne'enaka koyadawonguwa 'ani sakisii ma ngale ngoi.'

¹⁹ Ngoi katosangokau, 'Jou, 'ona 'ikokinakokau 'ato ngoi 'o lo-lomu ma woa tosinoi-noimi towosanga takitagoko de takitifo-tifo 'o nyawa yongaku-ngaku ngonaka gee.

²⁰ Koge'enali mita 'ani sakisii 'o Stefanus wito'oma, ngoi ma ge'enaka de ngoi mita takarana wito'oma. De ngoiou ne'ena yoto-to'oma 'unaka gee manga baju tojagano.'

²¹ Duga ma Jou wongoseli ngoino, 'Kanotagi bato, sababu ngoi tonisuloko notagi 'o daeraa 'ikuru-kurutika ko 'o Yahudiwa ma nyawaka.'"

²² 'O nyawa kayosigisenosi 'o Paulus wobicara, ma gee wi demo ma du-du'uruokau de yosigasoko yaamo-amokie, "'O nyawa koge'ena ngaro pato'omaka. 'Una koyadaenuwa wo'ahude!"

²³ Yoma'ore-'orese ma de manga baju yosiwira-wira de 'o kakawo yosibiakoro 'o ngawa-ngawade.

²⁴ So 'o Romaka manga solodado ma balusu gu'una wosuloko 'o Paulus wi'asa manga ngiika la wipirikisaa ma de wisikisaa ma ngale womau wanako 'okia ma sababu sigado 'o Yahudioka wigore-gorese koge'ena.

²⁵ Ma gee wipusukinou ma ngale wipesanou, de 'o Paulus kawongosekau ma solodado wimoika gee ge'enaka woma'okode, "Kaidadi? 'o Roma ma kawasa moi kopaki'urusuawasi de 'isira kapakipesana?"

²⁶ Ma solodado gu'una wo'isenoka koge'ena, de wotagi manga balusika de kawongosekau, "'Okia nodiai dua 'Aba? 'Una ne'ena ka 'o Roma ma nyawa!"

²⁷ So ma solodado ma balusu gu'una waika 'o Paulusika de kawosanokau, "Bika nosidemo; ngona 'o Roma ma nyawa?" 'O Paulus wosango, "Ia, ngoi 'o Roma ma nyawa."

²⁸ Ma solodado ma balusu gu'una kawongosekauoli, "Ngoi todadi 'o Roma ma nyawa ge'ena tofangu ko ma etawa!" 'O Paulus wosango, "Ma ngoi katolahirukosi, 'ena 'o Romau ma nyawa."

²⁹ Kage'ena de ma solodado gee yomau 'o Paulus wipi-pirikisaa de wisikisaa go'ona yosikaika manga dudunika, de manga balusu gu'una ma wimodongukou, sababu 'o Paulus ka 'o Roma ma nyawa de wipusuokau so.

³⁰ 'O Romaka manga solodado ma balusu gu'una womau wanako ma gou-goungu 'ido'oa so 'o Yahudioka wisisala 'o Paulus. Ge'enau so ma bibinoka de 'o 'Imam ma Amoko de 'o 'Agamaka ma Hakimi wakikoki'asoko la yomalomu. Ge'enaka de 'o Paulus wi bu-busuku widosose, de wi'asa wisitaari 'onaka.

Kisah Para Rasul

Video Kisah Para Rasul 22

Ikuti Kami:

KONTAK | PARTISIPASI | DONASI