Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ma sira ma Jo'oungu ma Dutu ma gudai wobicara nanga edete de nanga dotumika ma cara 'i'ini-'inioka ma ngekomo 'o nabii-nabii.

² Ma ma 'orasi ne'ena ge'ena la 'o 'orasi ma du-du'uruokau, ma Jo'oungu ma Dutu wobicara ngoneno ma ngekomo 'awi Ngowaka. De ma ngekomo 'awi Ngowaka nu'unau, ma Jo'oungu ma Dutu wosidadi 'o diwanga de 'o tonaka de ma kia sonaa 'iodumu. De ma Jo'oungu ma Dutu wositantuuokau 'ato 'awi Ngowaka nu'unau wapareta 'o sagala moi-moi.

³ 'Unakau 'o nyawa yamake ma Jo'oungu ma Dutu 'awi kumati. 'Una 'awi di-diai de wi gokoie kaimatero de ma Jo'oungu ma Dutu. 'Unau mita wapa-paliara 'o diwanga de 'o tonaka ne'ena de 'awi demo gee posironga de ma kuasaka. Ma ngale 'unau so 'o nyawa manga sowonoka yakisipidili, ge'ena 'ipasa de womasidapareta de ma Jo'oungu ma Dutu gee 'awi kuasa de 'awi kumati ma batingi koi'iwa.

⁴ Ge'ena 'iodumu 'isidumutu 'ato 'o Ngowaka gu'una 'ifoloi wodaduie de 'o mala'ekati 'iodumu, de 'una wisironga ma Jo'oungu ma Dutu 'awi Ngowaka ge'ena ma horomati 'ifoloi 'idaduie de 'o sagala mala'ekati.

⁵ Ka 'o mala'ekati moika ma koma'iwa ma Jo'oungu ma Dutu wongose konee, "Ngona to ngoi 'ai Ngowaka, ma 'orasi ne'ena tosikawasa 'ato ngoi ne'ena to ngona 'ani Dea." Ma ngale 'o mala'ekati ka'ena naga bato, koma'iwa mita ma Jo'oungu ma Dutu wongose konee, "Ngoi 'asa todadi to 'ena ma dea, de 'ena 'asa 'idadi to ngoi 'ai Ngowaka."

⁶ Ma gee ma Jo'oungu ma Dutu wisuloko 'awi Ngowaka gee wi pareta 'ifoloi 'iamoko gu'una 'o duniaku ne'ena, de wongose konee, "'Ai mala'ekati 'iodumu, salingou wisuba 'o Ngowaika gu'una."

⁷ Ma ngale 'o sagala mala'ekati, ma Jo'oungu ma Dutu wongose konee, "Ngoi tadiai 'ai mala'ekati gee 'ile-leleani 'iodumu 'idadi 'isoka 'o dadoko, de 'o 'uku ma lurusu."

⁸ Ma 'o Ngowaika gu'una ma Jo'oungu ma Dutu wongose konee, "Ngona ge'ena ma Jou, ngona ge'ena nokoana kaisi'ado-'adonika de 'ani pareta ge'ena 'iloa.

⁹ Ngona noduaka 'o loa, de nodu'uduku 'o dorou; ge'enau so ngoi ma Jo'oungu ma Dutu noisuba-suba tonigoraka nodadi Koana de tonikula 'o kumati de 'o morene 'ifoloide de 'ani ma-manai."

¹⁰ Ma Jo'oungu ma Dutu wongose mita 'awi Ngowakika, "Jou, ma sira 'o sagala moi-moi koi'iwasi, ngonau nosidadiokau 'o dunia de 'o diwanga.

¹¹ 'Iodumu ge'ena 'asa 'iisanga, 'o dunia de 'o diwanga 'asa 'ipereki 'isoka 'o pakeangi so kaitorouoka; ma ngona dua naga kaisi'ado-'adonika.

¹² 'O dunia de 'o diwanga ne'ena 'asa napelele de na'umo 'isoka 'o baju gee konaparaluuwau, de 'asa natagali de 'iregu gee ma sungi. Ma ngona dua 'asa koma'iwa nongali de 'ani 'ahu ma batingi koi'iwa."

¹³ Ka 'o mala'ekati moika ma koma'iwa ma Jo'oungu ma Dutu wongose konee, "Nogogeruku 'ai ginirakoka ma ngale nopareta de de ngoi 'o ngii 'isure-sureka, sigado 'ani musu-musu tadiai 'ani dou ma ha-hangi ma ngale yo'isene ngonaka."

¹⁴ Nako koge'ena de 'o sagala mala'ekati ge'ena 'okia? 'Ena ge'ena ka 'o ngomasa gee ma Jo'oungu ma Dutu wile-leleani de wasulo-suloko ma ngale yakiriwo 'o nyawa-nyawa gee 'asa yamake 'o laha.

Ibrani

Video Ibrani 1

Ikuti Kami:

KONTAK | PARTISIPASI | DONASI