Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Dijaman saisuak, lah acok kali Allah mangecek kabake niniak muyang kito, malalui nabi-nabi, jo bamacam-macam caro.

² Tapi dijaman nan tarakir ko, Baliau mangecek kabake kito jo parantaroan Anak-Nyo. Malalui Anak-Nyo ko lah, Allah manjadikan kasadonyo alam nangko. Nan Allah lah manantukan, baraso Anak-Nyo ko pulolah, nan bahak mamiliak-i sagalo sasuatu.

³ Anak-Nyo ko lah, nan mamancakan cahayo kamuliaan Allah nan gilang-gumilang; Baliaulah gambar nan nyato dari diri Allah sandiri. Baliau pulolah nan mamaliaro kasamparonoan alam nangko, jo firman-Nyo nan sangaik bakuwaso. Sasudah Baliau mamungkinkan manusia untuak dilapehkan dari doso-dosonyo, mako Baliau manduduak-i kurisi pamarentahan di sarugo, samo-samo jo Allah, Panguwaso nan paliang tinggi.

⁴ Anak Allah tu mandapek pangkaik nan jauah labiah tinggi dari malekaik, baitu pulo namo nan dibarikan Allah kabake Baliau, jauah pulo labiah ta aromaik daripado namo nan dibarikan kabake malekaik.

⁵ Indak panah doh Allah bakato bakcando iko, kabake salah surang pun malekaik, "Angkaulah Anak-Den; di ari iko Aden manjadi Bapak angkau." Indak panah pulo doh Allah bakato bakcando iko, tantang malekaik, nan nama pun juwo, "Aden ka manjadi Bapaknyo, nan inyo ka manjadi Anak-Den."

⁶ Tapi, pado maso Allah ma utuih Anak-Nyo nan suluang ka dunie ko, Allah bakato bakcando iko, "Kasadonyo malekaik Allah wajib manyambah Anak tu."

⁷ Tantang malekaik-malekaik, Allah bakato bakcando iko, "Allah mambuwek malekaik-malekaik-Nyo manjadi angin, sarato palayan-palayan-Nyo manjadi nyalo api."

⁸ Tapi kabake Anak tu, Allah bakato, "Kurisi Angkau, ya Allah, ka kaka salamo-lamonyo! Pamarentahan Angkau adolah pamarentahan nan adie.

⁹ Angkau suko kabake ka adielan, sarato jajok kabake nan curang; itulah sababnyo Allah, Allah Angkau, mamiliah Angkau sarato mambarikan kabake Angkau ka aromatan nan mandatangkan sukocito, malabiahi dari kanti-kanti Angkau."

¹⁰ Allah bakato pulo, "Angkau, Tuhan, pado mulonyo manjadikan bumi, nan Angkau sandiri mambuwek langik.

¹¹ Kasadonyo tu ka ilang lanyok, sarato ka lusuah bakcando pakaian; tapi nan Angkau indak ka barubah.

¹² Kasadonyo alam ko ka Angkau lipek bakcando baju, sarato ka Angkau tuka jo nan lain. Tapi nan Angkau indak panah ka barubah, nan iduik Angkau indak ka bakasudahan."

¹³ Allah indak panah doh bakato bakcando iko, kabake salah surang pun malekaik, "Duduaklah di sabalah suwok-Den, sampai musuah-musuah angkau Den tunduakkan kabake angkau."

¹⁴ Jikok baitu, malekaik-malekaik tu apo nan sabananyo? Inyo adolah roh-roh nan malayani Allah, sarato nan disuruah dek Allah, untuak manolong urang-urang nan ka manarimo kasalamatan.

Ibrani

Video Ibrani 1

Ikuti Kami:

KONTAK | PARTISIPASI | DONASI