Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Dungkuḷmai noyagi-yagimaidon daya i Allah im mosingog kom mogoguyang naton, singog-Nya tatua pinoyaput pinongin nabi mita.
2 Ta'e kon singgai tumi na'a ki Adií-Nyadon tontanií im pinotabaí-Nya nopoyaput in singog-Nya tatua ko'i naton. Ki Adií-Nya doman tana'a inta pinopodoyonan i Allah nomia kon dunia na'a. Sia sinantuí domandon i Allah motarima kom bayongan kapunya'an-Nya.
3 Sia doman na'a im moponyata ing kamulia'an i Allah inta diaí im poliuan tua. Bo nonyatadon totok ko'i-Nia in rupa i Allah tontanií. Singog-Nya inta mokawasa totok tua pinakeí-Nya moḷukad kon dunia na'a. Bo naonda in sinobus-Nyadon in dosa mita intau, ilimituídon in Sia kon ḷolituían pomomarenta'an kon soroga moyotakin i Allah Ponguwasa inta totok moḷantud.
4 Kadudukanbií Adií i Allah im moḷantu-ḷantud totok nongkon malaekat mita, bo tangoi-Nyabií inta pinonangoi i Allah ko'i-Nia in lebe noterhormat nongkon tangoi inta pinonangoi i Allah kom malaekat.
5 Sin diaíbií dodai onda ki Allah noguman kon tobatuímai malaekat, "Ikow ing ki Adií-Ku, singgai na'a Aku'oi nobalií ki Amaí-Mu." Bo diaíbií doman dodai onda ki Allah noguman kom malaekat mita nana'a: "Aku'oi mobalií ki Amaí-Nya, bo Sia mobalií ki Adií-Ku."
6 Ta'e wakutu ing ki Allah nopotabaí ko'i Adií-Nya guya-guyang tatua namangoi in dunia na'a, ki Allah noguman nana'a: "Bayongan malaekat i Allah musti mosumbah kon Adií tatua."
7 Aka soaáḷ malaekat mita, nana'a in guman i Allah, "Binalií i Allah im malaekat-Nya mita tompot, bo bobantung-Nya mita binalií-Nya dokot in tuḷu."
8 Ta'e ki Allah noguman ko'i Adií-Nya nana'a: "ḷolituían pomomarenta'an-Mu, umuranbií mononoi, moaídil totok im pomomarentah-Mu.
9 Inta moaídil ing ko'ibog-Mu bo inta motombogaí kodoií-Mu: Manangka intua ki Allah, ki Allah-Mu nomilií ko'i-Nimu; bo nobogoi ing kahormatan inta mokopoaíngoi kon ḷunganga ing gina inta mo'iliu kon yobayat-Mu mita."
10 Ki Allah noguman doman, "Ikow, Tuhan nongkon pinomangkoianpamai nomia kon butaí, bo Ikow doman in nomia kon ḷangit.
11 Tua mita diaíbií im mononoi, bo mokoyonganbií naonda bo pakeang; ta'e Ikow in diaíbií mobaḷui.
12 Dunia na'a ing kopiíon-Mubií naí ḷambung, bo baḷuian-Mubií in ibanea makow. Ta'e Ikow in diaíbií mobaḷu-baḷui, bo mononoibií ing kobiagan-Mu."
13 Diaíbií dodai onda ki Allah noguman kom malaekat mita: "lituídon kon dotaí ing koḷanan-Ku, dapot im bayongan saturu-Mu potungkudon-Ku kon tayowon-Mu."
14 Aka natua, onubií im malaekat mita tatua? Mosia tua in rohobií mita inta mobantung ko'i Allah, inta pinotabaí i Allah mamangoi motuḷung kon intau mita inta bain motarima kong kasaḷamatan.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA