Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Bang kareb luk mon Allah megéi' pebala kuan tepun tau maya' tuda-tuda' dalan dengan dila' nabi-nabi.
2 Iamo' kekipedneh Ieh nepebala kuan tau lemaba AnakNeh luk inau'Neh lutep pad miak ngalap luk amung-amung, idi rat Neneh teh pangeh inau' amung-amung luk pinudut.
3 Ieh merasat ku rasat rayeh Allah; Ieh mepad ayu dengan ulun Allah. Ieh ngimet luk amung-amung dengan balaNeh luk melalud. Kareb Ieh pangeh nengiu' amung-amung sala', idi Ieh netudo pa tinueh Luk Meluun Rayeh déi' dita'.
4 Anak ineh inau' meluun rayeh ratnan melaikat mepad kudeng ngadan luk biré Allah Neneh meluun rayeh ratnan ngadandeh.
5 Ngaceku Allah na nepebala nan melaikat-melaikatNeh, "Iko ini AnakKu; Aco sini Ui nenganak Namu." Idi teh, Allah na nepebala inan seburur melaikat, "Ui ini mangun ku TamanNeh, idi Ieh pana' mangun ku AnakKu."
6 Idi teh kareb Anak buleng ineh inuitNeh iné' bang tana', idi Ieh nepebala, "Do' melaikat-melaikat Allah tekeradung sembayang Neneh."
7 Idi ratnan melaikat-melaikat ineh, Ieh nepebala, "Ieh mudut melaikat-melaikatNeh mangun ku bui, idi lun dukenNeh ku budung apui."
8 Iamo' ratnan AnakNeh Allah nepebala, "KerusiMu O Allah, inan ruked-ruked, idi rukud luk matu, ieh ineh rukud ImetMu.
9 Iko mawa ku luk matu, idi megateh ku luk dat; ineh punneh Iko panegh inumau Allah TuhanMu, ku umau awang meluun ratnan amung-amung lun denganMu."
10 Idi teh, kebalaNeh, "Iko ini, O Tuhan nengerareng tana' ini rat pun-pun, idi langit ineh pana' inau' ticu'Mu.
11 Amung-amung ineh miak musag, iamo' Iko luk meruked; amung-amungneh ineh miak melu, mepad kudeng kibung.
12 Mepad kudeng tarub Iko miak ngelulun neneh, idi mepad kudeng aceh kibung amung-amung ineh miak misu'. Iamo' Iko luk na misu', idi Iko na miak mengered."
13 Melaikat sapehké luk inanNeh nepebala, "Tudo Iko pa tinuehKu, pad Ui ngebeneh bunu'-bunu'Mu mangun ku tapin kukudMu?"
14 Idéké melaikat-melaikat ineh? Bakenké amung-amung ini roh luk ngakem kuan Allah, luk icukNeh ngedengan lemulun luk ngalap ulun luk meruked, pad ideh miak ngasa' nedeh?
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA