Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Rat ni Paulus, rasul Keristus Yésus maya' pian Allah— Kuan amung lun manu luk déi' Epesus luk lutep bang Keristus Yésus:
2 Do' katu idi awang ratnan Allah Taman tau idi Tuhan Yésus Keristus ngedengan nemuyuh.
3 Do' tau ngubur Allah, Taman Tuhan tau Yésus Keristus! Ngaceku Ieh pangeh nengeperuan netau bang Keristus dengan amung-amung baré Roh luk rat surga.
4 Kareb nateh tana' ini pinudut, Allah nemili' netau bang Keristus ineh, pad tau meligan idi na mesala' pa kiung Tuhan. Ngaceku awaNeh,
5 Allah pangeh nengeletep netau atun mangun ku anak-anakNeh ngaceku ratnan Yésus Keristus, maya' luk petulu dengan pinianNeh.
6 Do' tau ngubur Allah ngaceku katuNeh luk pelaba rayeh, luk biréNeh kuan tau bang anakNeh luk inanNeh mawa!
7 Ngaceku ratnan dara' Keristus tau pangeh inuli', ieh ineh Allah maré do' ratnan amung-amung sala', maya' katuNeh luk mela ineh,
8 luk biré dengan mela kuan tau. Dengan amung ilehNeh idi do' kali',
9 Allah nenganau' luk pianNeh, pad Ieh nengegala' kuan tau terawéNeh luk inalum ineh, luk litepNeh miak uen ngeriput lemaba Keristus.
10 Allah pian ngacing terawéNeh bang kareb luk petulu; ieh ineh Ieh pian ngamung amung-amung luk pinudut, do' luk bang surga idi luk luun tana', mangun ku sebuleng pa liang Keristus luk rayeh.
11 Amung-amung miak ruen maya' pian idi terawé Allah. Idi Allah nemili' netau mangun ku pupuNeh bang Keristus, ngaceku pinianNeh sebuleng, maya' kudeng luk litepNeh rat pun-pun.
12 Ngaceku ineh, do' tau ini luk pun-pun merapet inan Keristus ineh, ngubur rayeh Allah!
13 Kudeng ineh teh muyuh, kareb muyuh neninger bala luk matu, ieh ineh Bala luk Do' luk nengulun nemuyuh, idi muyuh pangeh manu inan Keristus, idi muyuh pangeh itu ku Roh Meligan luk pangeh pijani' ineh.
14 Idi Roh mangun ku etu ratnan tau ngalap babpat idi puit luk pijani' Allah kuan pupuNeh sebuleng. Do' tau ngubur rayeh Allah.
15 Ngaceku ineh, kareb ui pangeh neninger ratnan anu muyuh inan Tuhan Yésus idi awa muyuh kuan amung-amung lun manu,
16 na ui ugka' ngubur Allah ngaceku muyuh. Ui neten nemuyuh bang sembayangku,
17 idi mutuh Allah Tuhan tau Yésus Keristus, ieh ineh Taman luk buren ineh, maré kuan muyuh Roh luk nganau' nemuyuh mileh, idi luk ngegala' Allah kuan muyuh pad muyuh ngiti Neneh.
18 Ui mutuh Tuhan ngukab terawé muyuh pad muyuh miak nier rasatNeh, idi pad muyuh kali' anunké rapet ineh luk inan muyuh tinawarNeh, idi kudeng apeh do' amung peruan luk rayeh ineh luk pinaji'Neh kuan amung-amung lun manu;
19 idi kudeng apeh rayeh laludNeh kuan tau luk manu. Lalud luk ngakem bang netau mepad kudeng lalud rayeh
20 luk pikai Neh, kareb Ieh nenui Keristus rat arang lun naté, idi nengetudo Neneh pa tinuehNeh déi' surga.
21 Keristus meluun dita' ratnan amung lalud, idi tueh, idi luk ngimet déi' surga. Ieh pa luun amung-amung lalud bang tana' ini, idi bang tana' luk miak macing muci pana'.
22 Idi luk amung-amung inau' Allah pa liang kukud Keristus, idi Ieh biré Allah kuan sidang mangun ku luk rayeh pa luun luk amung-amung.
23 Ngaceku sidang ineh burur Keristus, luk riniput Tuhan luk ngeriput amung-amung bang luk amung-amung.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA