Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ ”Weyi mongowutata wawu mongodula'a, watiya mongohi mayi katarangani ode olimongoli wolo u ma lowali wawu dungohi.”

² Tou tawu ngohuntuwa boyito lo'odungoheo oliyo hemobisala to delomo bahasa lo Ibrani, timongoliyo ma lebe lepo'oyo mao. Tiyo loloiya odiye,

³ ”Watiya botiya tawu lo Yahudi, pilotutuliyo to kota lo Tarsus to propinsi lo Kilikiya, bo lonto ukikio lomayi watiya tilumumulo wawu helobalajari to kota boti. Ti guru Gamalil wolo umotulete helongajari olatiya lo hukum lo mongotiyombunto, tunggulo watiya lowali tawu ngota ta to'otutuwa hemokaraja ode Allahuta'ala, odelo timongoli nga'amila masatiya boti.

⁴ Wawu watiya helongarinaya ta hedudua pongajari li Isa Almasih sambe timongoliyo lopowate. Mongololai wawu mongobuwa hewaupo latiya wawu hepoipomaso mao latiya ode tutupa.

⁵ Mongoimamu da'a wawu nga'amila anggota lo Mahkama lo agama motota lo pasali boti. Monto olimongoliyo watiya lololimo tuladu ode mongowutata to kota lo Damsik wawu watiya lonao oditomota wolo patuju modeupa ta hedudua pongajari boyito wawu modelo mayi olimongoliyo ode kota lo Yerusalem mota hukumaniyoliyo.”

⁶ Te Pawulus loloiya poli odiye, ”Bo to delomo nonao latiya oditomota, tou ma hemembide mota ode kota lo Damsik, to hulonu lo dulahu, debolo ma tiliminelayi tinela u mo'otulopa mato lonto soroga longulunga olatiya.

⁷ Watiya ma lebalata ode huta wawu woluwo suwara tuwawu ilodungohe latiya hemobisala mayi odiye, ’Sawulus, Sawulus! Yilongola yio hemongarinaya ola-U?’

⁸ Tametao latiya odiye, ’Tatonu Ito, Eya?’ Suwara boyito lolametayi odiye, ’Wau botiya ti Isa tawu lo kota lo Najaret ta ilarinayamu.’

⁹ Wawu timongoliyo ta henaowa wolatiya pe'enta memangi lo'onto tinela boyito, bo suwara u hemobisala mayi ode olatiya dila ilodungohe limongoliyo.

¹⁰ Lapatao watiya loloiya odiye, ’Eya, wolo u musi pohutuwo latiya?’ Eya loloiya mayi odiye, ’Bongulo wawu ponaolo ode kota lo Damsik. Tetomota ma mowali otawamu wolo kohondaki lo Allahuta'ala u ma tilatapu-Liyo mayi musi pohutuwomu.’

¹¹ Watiya ma lowali didu mo'onto sababu tinela u mo'otulopa mato boyito. Mongotamani latiya lodihu olu'u latiya lonao ode kota lo Damsik.

¹² Tetomota woluwo tawu ngota ta tanggu-tanggula te Ananiyas ta salehe ngota wawu ta'ati to hukum lo Tawurat. Nga'amila tawu lo Yahudi ta hetolawa teto hepoloiyawa deu tiyo tawu ngota mopiyohe haleliyo.

¹³ Te Ananiyas lonao mayi tilimihula to tili latiya wawu loloiya odiye, ’Sawulus wutatu'u, yio ma muli mowali mo'onto!’ Wawu tou boyitolo u bilohe latiya ma lowali lobango wawu watiya lo'onto oliyo.

¹⁴ Lapatao tiyo loloiya ode olatiya odiye, ’Allahuta'ala Eya lo mongotiyombunto ma lopotatapu mayi olemu motota lo kahandaki lo Allahuta'ala, mo'onto oli Isa Almasih ta banari wawu modungohe suwara mokaluwari mayi monto tunggi-Liyo.

¹⁵ Sababu yio ma motombangao ode tawu nga'amila tomimbihu pasali u ma ilontongamu wawu u ma ilodungohemu.

¹⁶ Wawu masatiya, yilongola yio donggo bimbangi? Bongulo wawu wuduwa lomao batangamu lihuwaliyo. Ponguwatio lomola ode Eya mohile turungi alihu dusamu ambunguwo mayi lo Allahuta'ala.’”

¹⁷ Te Pawulus loloiya poli odiye, ”Lapatao watiya ma lohuwalinga mota ode kota lo Yerusalem. To wakutu tuwawu watiya donggo hemodua to pango bele lo Eya, roh latiya kilawasa mayi lo Roh lo Allahuta'ala.

¹⁸ Watiya lo'onto oli Isa Eya wawu Tiyo loloiya mayi ode olatiya odiye, ’Po'olinggahulo yio wawu lato tolayi mao kota lo Yerusalem boti, sababu timongoliyo dila mololimo u hebisalamu tomimbihu Wau.’

¹⁹ Tametao latiya odiye, ’Eya, otawa limongoliyo lohihilawo deu watiya ta hemonao ode bele-beleyala hepotabiyalo wawu timongoliyo ta paracaya ode Ito Eya hepiloipomaso mao latiya ode tutupa wawu hepiloiwumbadeo latiya lo bubo'o.

²⁰ To wakutu tawu-tawuwala lohinggi nyawa le Stepanus ta hemopotunggulo habari tomimbihu Ito Eya, watiya woluwo teto wawu satuju lo huhutu boyito wawu watiya ta lodaha kayini limongoliyo ta lohinggi nyawaliyo.’

²¹ Bo Eya loloiya mayi ode olatiya odiye, ’Ponaolo! Wau ma mopoahu olemu ode umolamingao monteye, deuwitoyito ode bangusa-bangusa wuwewo.’”

²² Tawu ngohuntuwa boyito turusi hepodungohe ole Pawulus hemobisala. Bo tou te Pawulus loloiya deu Eya lopoahu oliyo ode tawu ta dila Yahudi, timongoliyo ma longuwatiayi odiye, ”Pateya lomao tawu botiye! Tawu boti dila patuti tumumulo!”

²³ Timongoliyo turusi hewuwatia wawu hepopongolabe mola lo jumba limongoliyo wawu hepopola'a mola lo peyahua ode yitato.

²⁴ Uwitolo sababuliyo panglima lo pasukan longohi mao parenta modelo ole Pawulus ode markas mota parakisaliyo wawu poiwumbadiyo mao lo bubo'o, alihu tiyo mongaku longola tawu ngohuntuwa boyito hewuwatia ode oliyo.

²⁵ Bo tou te Pawulus ma tilihutiyo wawu ma wumbadeliyo lo bubo'o, tiyo lohintu ode tauwa lo pasukan ta o tugasi boyito odiye, ”Moturuti mao hukum, mowali meyalo dila timongoli mohumbade to tawu lo Roma tou dipo lodehu putusani li hakimu?”

²⁶ Lo'odungoheo yiyintu boyito, tauwa lo pasukan lolapuru mao ode panglima lo pasukan odiye, ”Wolo u ma pohutuwo li panglima? Tawu botiye raiyati lo yiladiya lo Roma.”

²⁷ Lapatao panglima lo pasukan boyito lonao mao ode le Pawulus wawu loloiya odiye, ”Poleleya mayi, banari meyalo dila yio boti tawu lo Roma?” Te Pawulus lolametao, ”Banari.”

²⁸ Panglima lo pasukan boyito loloiya odiye, ”Wau lowali raiyati lo yiladiya lo Roma lomayari mahale da'a.” Te Pawulus lolametao odiye, ”Wau ma tawu lo Roma lonto u pilotutuliyo lomayi.”

²⁹ Mongopajule ta tilugasiyaliyo mohumbade ole Pawulus, ma lato lotowuli wawu panglima lo pasukan boyito ma yilohe tou ilotawaliyo mao te Pawulus ta ma piloitihutiyo boyito tawu lo Roma.

³⁰ U hepopotuludu lo tawu lo Yahudi ode le Pawulus ohila otawa lo panglima lo pasukan boyito wolo umopatato. Uwitolo sababuliyo lolombuliyo mola tiyo lomarenta mao mongotauwa lo imamu wawu nga'amila anggota lo Mahkama lo agama moambuwa. Lapatao tiyo loipopokaluwari mayi ole Pawulus lonto markas wawu lodelo oliyo mota pilopotaluwoliyo wolimongoliyo nga'amila.

Kisah Para Rasul

Video Kisah Para Rasul 22

Ikuti Kami:

KONTAK | PARTISIPASI | DONASI