Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Utatku mita, soaáḷ wakutu koaíngoian bui i Tuhan diaí bidon paraḷu paison nami ko'i monimu.
2 Sing kinota'auan bidon monimu kon singgai koaíngoian bui i Tuhan naonda bo singgai koaíngoian im mononakow kowakutu in doḷom.
3 Aka intau bo moguman nana'a: "Komintanpabií noaíman, diaíbií in onu bo onu," daí kon dodai doman tuata tubuan in onu inta mokoputuí ko'i monia bo diaí tobatuímai mokoḷagui im mosia. Tua mita daliíbií mo'iangoi naonda bo nakit im bobay mononggadií inta mo'iuma ko'i monia inta mononggadiídon.
4 Ta'e aka mo'ikow yo de'emanbií intau inta nobiag kon sindip, sahingga in singgai tatua diaíbií mokotalikokog ko'i monimu naonda bo ko'oangoi im mononakow.
5 Utatku mita mo'ikow nion komintanbií intau inta nobiag kon nobayag, mo'ikow no'ibonu kom bayag inta motarang. Kita in de'emanbií intau inta nobiag kon sindip, ande intau inta no'itu'ot kon doḷom inta mosindip.
6 Tuamai kita dona'ai tongaí umuran mosiug makow naí intau mita ibanea, ta'e umuran koratakon in raian bo tantuí kiḷuka-ḷukadmai.
7 Doḷom mosiug im mosia bo monginum doman dapot im moḷoḷangu.
8 Ta'e kita na'a intaubií inta nobiag kon singgai inta nobayag; manangka intua musti doman mobayag in raian naton, bo tantuí mopirisaya ko'i Tuhan bo mositabian doman bo umuran moharap kom bonu im pirisaya kom posaḷamatonbií i Allah ing kita. Tuabií in sonjata inta pakeíon naton moḷawang kon inta mosindip.
9 Pinilií i Allah ing kita, de'emanbií baí oyuíon in hukumon, ta'e baí posaḷamaton i Tuhan naton ki Yesus Kristus.
10 Sia minatoi sin lantaranbií kita, simbaí ko wakutu in Sia mamangoidon bui -- inta minatoi ande inta nobiagpa -- moyotakin-Nya mobiag.
11 Tuamai umuranbií positonggina'an bo mosiporigonan kong gina naí inta biasamai aidan monimu.
12 Utat mita po'igum nami totok ko'i monimu, hormatonbií im mosia inta nogaid kon yuaí-yuaík monimu; intau inta aim pinilií i Tuhan nobalií itoi bo monononggina ko'i monimu.
13 Umuranbií hormat bo kotabi im mosia tua, sin oaíidan inta inaidan monia tatua de'emanbií tongaí ibo-ibog. Kobiagbií motompia bo umuran mototabian i mo'ikow.
14 Utatku mita na'a doman dugang in tonggina nami ko'i monimu: Togur pia-pia makow im mosia inta doií mogaid bo tantuí irigonai ing gina intau mita inta mongo'ondok, bo dika koliongan im motuḷung kon intau mita bogaí bo mokoposabar in tumayow kon intau inta noyagi-yagimai in oaíid.
15 ḷukadai simbaí diaí mosituliían intau kon soaáḷ mita inta mora'at. Umuran poramiji mogaid kon inta mopia kon intau mita.
16 Tantuí kosanang ing gina,
17 bo dika koliongan mosambayang.
18 Naíondakabií ing ka'ada'an monimu, yo tantuíbií posukur, sin tuata ing kino ibog i Allah aidan monimu saḷaku intau mita inta ain nobiag notobatuí i Yesus Kristus.
19 Dona'ai monahang kon onu ing kino ibog in Roho i Allah.
20 Bo dona'aibií anggapon monimu kon diaí im mangale in habar mita inta inogoi in Roho i Allah ko'i monimu.
21 Bayongan yagi-yagi musti ujionpa muna, onda im mopia, tua in aidan.
22 Bo mokopoyayuk kom bayongan inta mora'at.
23 Po'igumon makow simbaí umuran i Allah ogoian ing kobiagan motompia bo baliíon-Nya im mo'ikow umat inta tongaí mopirisaya bo mobiag takin i Allah. Po'igumon doman makow baí ḷukadandon i Allah in roho, gina bo awak monimu, sahingga in diaíbií im moga'at ko wakutu ing koaíngoidon bui i Yesus Kristus ki Tuhan naton.
24 Tua komintan aidanbií i Allah inta ain nogoinií ko'i monimu sin diaíbií dodai onda Sia monguboḷ.
25 Ule utatku mita, tantuí sambayangai ing kami.
26 Aher makow poyaputpa in salam nami kom bayongan utat pinodoyon kon totabian saḷaku intau inta mopirisaya ko'i Kristus.
27 Podoyon kong kawasa i Tuhan, po'igumonku totok ko'i monimu, simbaí surat tana'a baca'an monimu kon tayowon bayongan utat inta mopirisaya ko'i Kristus.
28 Po'igumon doman makow ki Tuhan naton ki Yesus Kristus umuran mobogoi im barakat. Hormat nami, Ki Paulus
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA