Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Iate sura’ lu dio mai Paulus sia Silwanus anna Timotius diparampo lako kombongan to Tesalonika, tu lanna Puang Matua, Iamotu Ambe’ sia Puang Yesu Kristus. Narampoimorokomi pa’kamasean sia kamarampasan.

² Tontong bangkanni ma’kurre sumanga’ langngan Puang Matua belanna kamu sola nasang sia kisa’bu’komi lan mintu’ passambayangki.

³ Tae’ ka’tunna kikilalai dio oloNa Kapenombanta, iamo Ambe’ta, tu penggauran bu’tu lu diomi mai kapatonganan, sia sara’ bu’tu lu diomi mai pa’kaboro’, sia penaa kalebu ba’tu lu diomi mai kapa’rannuanan diona Puangta Yesu Kristus.

⁴ Belanna kiissan tu diona kamu, kumua mangkamokomi ditonno’, e sangsiulurangku tu Napakaboro’ Puang Matua.

⁵ Belanna iatu Kareba-kaparannuan kipa’peissanan, rampomo lako kalemi tangia kumua kada manna, sangadinna situru’ duka kamatotoran sia Penaa Masallo’ sia kamanassan tongan, susitu inang miissanmo kumua tumba tu katorroangki misisolan tu belanna kamu.

⁶ Na kamu te to menturu’ lakomokomi kaleki sia lako Puang; moi anna lambi’komi ba’tu pira-pira kamaparrisan, mangkamo mitarima tu kada iato situru’ kaparannuan lu dio mai Penaa Masallo’,

⁷ ammi dadi passangkaran lako mintu’ to ma’patongan dio Makedonia sia Akhaya.

⁸ Belanna diomo mai kalemi nanii tiranda tu kadanNa Puang, tae’ anna dio manna Makedonia sia Akhaya, sangadinna lan mintu’ inan naniimo kalelean kapatonganammi langngan Puang Matua, naurunganni tae’mo namanggi’ la kipokada tu apa diona to.

⁹ Belanna ia kalenamo unnuleleanni tu diona kami, tumba tu diona kamitarimangki sia tumba tu kamembokorammi dio mai deata, ammi lu lako Puang Matua, la umpenombai tu Puang Matua matontongan sia tongan,

¹⁰ sia untayan kasaeanNa AnakNa dao mai suruga, tu mangka Napamalimbangun dio mai to’ to mate, iamotu Yesu, tu ullendokangki’ dio mai kasengkean la sae undinna.

1 Tesalonika

Video 1 Tesalonika 1

Ikuti Kami:

KONTAK | PARTISIPASI | DONASI