Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Sura si’i yako resi aku, i Paulus, pasi yako i Silas pasi i Timotius. Sura si’i kami mangantulisika komi to mangaya i Pue Yesu to siromu nja’u kota Tesalonika. Komi seja samba’a pei i Pue Allah, Pa’a pasi i Pue Yesu Kerisitu. Wali kami makai-kai see i Pue Allah, Pa’a ngkita pasi i Pue Yesu Kerisitu, damampaponsanika komi kanotoNya pasi damangawaika komi karodo ndaya.
2 Wali kami sangkani manganto’oka i Pue Allah tarima matao apa saba komi, pasi tempo kami makai-kai resi Ia, kami mampokaikaika seja komi.
3 Naka pei kami manganto’oka i Pue Allah, Pa’a ngkita, tarima matao, apa tempo kami makai-kai resi Ia kami sangkani mampobuuka lengko to nuika ngkomi mangampolengkoka pangaya ngkomi. Pasi kami mampobuuka palaong to nuika ngkomi apa saba komi mamporayang i Pue. Pasi kami mampobuuka seja kasabara ngkomi ri raya ngkasusa. Komi bae sabara apa mansarumaka i Yesu Kerisitu, Pue ngkita.
4 Wali a’i-a’i, komi seja naporayang i mPue Allah. Pasi kami kunsani Ia roomo mangampilis komi damangika seja palaongiNya.
5 Naka pei kami kunsani komi napilis i mPue Allah apa Ia semo to mangansawang kami tempo kami mampakarebaka kareba matao resi komi seore. Tempo etu gombo mami si’a ojo yako to lino. Yako kuasa i mPue Allah, pasi yako pansawang i Nosa Mapasing semo. Pasi kami mangansani gombo mami etu monso kojo. See naka komi maroso pangaya ngkomi resi kareba matao etu. Pasi si’a ojo gombo mami to yako pansawang i mPue Allah, pasi lengko ngkatuwu mami tempo kami maroo ri oyo ngkomi nasawang seja i mPue Allah. Wali komi mangkita lengko ngkatuwu mami etu pasi komi mangansani samparia to kami mangika tempo etu, kami mangika paka damangansawang komi.
6 Wali manasa komi mangaluluka lengko mami etu pasi lengko i mPue, apa nempo bae kasesa to nurata ngkomi apa saba mangaya kareba to napakareba mami resi komi etu, pei komi tiroo ndende raya ngkomi mangaya kareba etu. Naka pei ndende raya ngkomi apa saba kandende ndaya to nawaika i Nosa Mapasing komi.
7 Wali see naka komi mawali tondong resi samparia tau to mangaya to nja’u propinsi Makedonia pasi Akhaya see naka sira mangaluluka seja lengko ngkomi.
8 Naka pei komi mawali tondong, apa yako resi komi semo see naka kareba mangkonong i Pue natikareba-reba, si’a ojo ri lipu ngkomi, etu semo propinsi Makedonia pasi propinsi Akhaya. Pei samparia lipu-lipu to yusa tau mangansani mangkonong pangaya ngkomi resi i Pue Allah. Wali tamore batuanginya kami manganto’oka tau ri lipu-lipu etu.
9 Apa samparia tau etu, sira semo to mangansaritaka sa’e mangkonong ewa wimba nuika ngkomi mangantima kami seore. Pasi sira mangansarita mangkonong ewa wimba nuika ngkomi to Tesalonika mangandolika tangomu yako mampue tau-tau damampue wo’u mampakabae i Allah to tuwu pasi to monso.
10 Pasi komi mangandolika tangomu yako ri tau-tau etu damangampea nakama’i nu Ana i mPue Allah yako ndate saruga. Etu semo i Yesu to nawangu muni i mPue Allah yako ri kapateNya, pasi to mampalaes kita yako ri huku i mPue Allah. Huku etu danarata nto lino apa saba i Pue Allah maja’a rayaNya mangkita dosanya. Pei kita to mangaya taa mangarata huku etu.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA