Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Hun bani si Paulus, si Silpanus pakon si Timoteus, hubani kuria na i Tessalonika, na ibagas Naibata Bapa pakon Tuhan Jesus Kristus: Idop ni uhur ma bani nasiam ampa damei!
2 Mangkatahon tarima kasih do hanami tongtong hubani Naibata halani nasiam haganup, anjaha itarsingati hanami do nasiam ibagas tonggonami.
3 Idingat hanami do totap i lobei ni Naibata horja haporsayaon nasiam, horja holong nasiam ampa hatotapon ni pangarapan nasiam bani Tuhanta Jesus Kristus.
4 Ai ibotoh hanami do, nasiam na hinaholongan ni Naibata, na dob pinilih-Ni do nasiam,
5 ai pangambilankonnami bani Ambilan Na Madear in bani nasiam seng pitah ibagas hata masa ai bani nasiam, tapi homa ibagas hagogohon ampa ibagas Tonduy Na Pansing do, marhasoman atok ni uhur na gok. Ibotoh nasiam do, sonaha marparlahou hanami i tongah-tongah nasiam halani nasiam.
6 Ase domma gabe sipaniru nasiam bannami ampa bani Tuhan in, ai ibagas buei sitaronon do ijalo nasiam hata in, marhasoman malas ni uhur na humbani Tonduy Na Pansing,
7 gabe siusihan do nasiam bani sagala na porsaya i Makedonia ampa i Akaya.
8 Ai humbani nasiam do tarambilan Hata in, seng pitah i Makedonia ampa Akaya, tapi bani ganup ianan do sar haporsayaon nasiam bani Naibata, gabe seng pala be taringatannami pasal ai.
9 Ai sidea sandiri do mambaritahon pasal sonaha parmasuknami bani nasiam, anjaha sonaha parmubah nasiam humbani sisombah-sombahon hubani Naibata, laho mambalosi Naibata na manggoluh ampa na sintong in,
10 anjaha paima-imahon bani Anak-Ni roh hun nagori atas, na pinapuho-Ni humbani na matei, ai ma Jesus, na paluahkon hita humbani ringis na sihol roh.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA