Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ne'ena ngoi tomau tabicara ma ngale 'o 'inomo gee 'isisubakau 'o barahalaka. Ngone panakokau 'o dolabololo gee 'ingose 'ato, "Ngone poodumu pobarijakau." Duga sababu pongose 'ato pobarijakau, ge'enau so 'o nyawa manga singina 'ikurutie. Ma 'o dora ge'ena 'o nyawa manga singina yosikuata.

² 'O nyawa gee yoma-maoku 'o gudaiou yanako, ge'ena ma ngale koyanako 'itiaiwasi 'okia naga gee salingou yanako.

³ Ma 'o nyawa gee ma gou-goungu ma Jo'oungu ma Dutu widora, 'ona ge'ena ma Jo'oungu ma Dutu wakinako.

⁴ Ma ngale ya'odomo 'o 'inomo 'isisubakau 'o barahalaka, ngone panako 'o barahala ge'ena 'isoka 'o kianikia gee koi'iwa. De ngone panako mita, ma Jo'oungu ma Dutu ge'ena kawomatengoka.

⁵ Ma goungu 'o gudai mita gee yosironga manga jo'oungu de manga jou, daku 'o diwangoka bolo 'o duniaka.

⁶ Ma nako ngone ge'ena ma Jo'oungu ma Dutu kawomatengoka. 'Una 'o Dea gee wosidadi-dadi 'o sagala moi-moi. Ngone po'ahu sababu 'una. De mita ma Jou ge'ena kawomatengoka duga, ge'ena la ma Yesus Kristus. Ma ngekomo 'una so 'o sagala moi-moi 'isidadi, de sababu 'una so ngone po'ahu.

⁷ Ngaro koge'ena ma 'o nyawa koiodumuwa yanako ge'ena. Naga munuka ma sira biasa 'o barahala yasuba. Ge'enau so sigado ma 'orasi ne'ena mita 'ona yamaoku 'o 'inomo 'isisubakau 'o barahalaka, ge'ena 'o barahala ma 'inomo. So nako ya'odomo 'o 'inomo ge'ena, 'ona yomamaoku yosowono, sababu to 'ona manga ngo-ngaku koikuatuawasi.

⁸ Ko 'o 'inomuwa 'isikuata to ngone nanga rimoi de ma Jo'oungu ma Dutu. Nako pa'odomo 'o 'inomo gee 'isisuba-subakau 'o barahalaka, ge'ena ma faedaa kokia-kiawa. De ngaro kopa'odomuwa ma 'inomo ge'ena, ma koporugiwa.

⁹ Ma ngaro 'idadi niodiai koge'ena ma salingou niomasidi-diai. 'Uwa sigado 'o nyawa 'iregu gee manga ngo-ngaku koikuatuawasi 'idadi yosowono.

¹⁰ To ngoi 'ai dumutu ge'ena koneda: Nako ngini 'ania ngo-ngaku 'ikua-kuata niogogeruku nio'odomo 'o barahala ma woaka sababu ngini nianako koyado'oawa, ge'ena ma raiokau dua gee manga ngo-ngaku koikua-kuatuwa nimake de 'ona mita yomoroini ya'odomo ngaro yamaoku koyadaenuwa ma.

¹¹ De ma sababu 'ania di-diai koge'ena, 'o nyawa gee manga ngo-ngaku koikua-kuatuwa 'idadi yoliba. 'Ena momongo ma Kristus wosongene ma dumutu 'ona mita.

¹² De nako ngini niadiai 'o sowono 'isoka koge'ena 'ania 'esa moika gee ka 'o ngo-ngaku moi, ge'ena ngini niatorou 'o nyawa gee manga ngo-ngaku koikua-kuatuwa. So ngini niosowono ma Kristusika.

¹³ Ge'enau so nako ma sababu 'o 'inomo gee ta'odo-'odomo so 'ai 'esa moi ka 'o ngo-ngaku moi yosowono, ge'ena ngoi dua ka ma eta ma kota'odomuawau 'o haewani. Sababu 'uwa sigado 'ai 'esa moi yosowono sababu ngoi.

1 Korintus

Video 1 Korintus 8

Ikuti Kami:

KONTAK | PARTISIPASI | DONASI