Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Besak ia la'eneu nana'a-nininuk fo ala fen neu sosongo-tatango ka. Memak la'en sama leo hataholi la hala na lae, "Ita basa-basa tala malelak so." Tehu malela ka ana tao na hataholi a dadi manakoao-ndaeaok, ma susue-lalai ka nakatutuluk hataholi a tao malole.

² Hataholi fo naedaenga malela na ba'u ka ndia, tunga ndoo na hataholi ndia beita nalelak dede'a mademaina la fa.

³ Tehu hataholi fo te'e-te'e ana sue-lai Manetualai na, Manetualain nalelak hataholi ndia.

⁴ La'eneu na'a nana'ak fo nanafe basak neu sosongo-tatango ka, ita bubuluk tae, tunga ndoo na sosongo-tatangok ta. Boema ita boeo bubuluk basa, Manetualain ka'da esa; ta hapu fe'ek so'on.

⁵ Memak hapu buas ba'u ka ala foi na'de nala na'de manetualain ma lamatuak, nau nai lalai do nai daebafa ka boe.

⁶ Tehu ba'eneu ita soona, Manetualain ka'da esa. Ndia nde Amak, fo mana makadada'dik basa hata lala'ena. Fo ita taso'da soaneu Ndia. Ma Lamatuak ka'da esa boe, fo nde Yesus Kristus. Tunga Ndia de, Manetualain nakadada'dik basa hata lala'ena, ma hu ka nde Ndia boe, de ita taso'da.

⁷ Leomae leondiak boe, ta basa hataholi la lalelak dede'ak ndia fa. Sila fo makahuulu na ala senedo'ok neu sosongo-tatango ka, besak ia bei lame'da lae, nana'ak fo nanafe basak neu sosongo-tatango ka nde bee na nana'a sosongo-tatangok. Soona metema la'a nana'ak ndia soona, lame'da lae sila lasala-lasingo. Dede'ak ndia ana da'di hu ka nde namahehele nala beita latea-lahele fa.

⁸ Tunga ndoo na, nana'a-nininuk ta nde tao na ita tututi-nanaton to Manetualai na natea-nahele fa. Metema ita ta'a nana'ak ndia soona, ita ta hapu nanalak hata esa boen. Nasafali na, metema ita ta ta'a nana'ak ndia fa soona, ita boeo ta tu'da hata esa boen.

⁹ Tehu masanene'dak! Fo boso hu ka nde emi mi'a su'di bee ka, de emi tao ma hataholi fe'ek fo namahehele na beita natea-nahele fa ndia, da'di nasala-nasingo.

¹⁰ Au dudu'a nga leo iak: Leo uni ka emi namahehele na natea-nahele so, boema emi bei mangatuuk mi'a nai uma sosongok dale. Basa boema hataholi esa nita emi mangatuuk mi'a nai ndia. Metema hataholi ndia namahehele na beita natea-nahele fa soona, ade neukose emi ta nde tao ma hataholi ndia napalani na'a nana'ak fo nanafe basak neu sosongo-tatangok ndia fa do?

¹¹ Hu ndia de, emi namahehele na nde tao na hataholi fo namahehele na beita natea-nahele ndia la'ok sala eno ndoo sa. Te se'kona Kristus mate soaneu hataholi ndia boe.

¹² Ma metema emi tao salak leondiak neu emi tolanoom fo namahehelek esa, soona emi tao malutu hataholi tapandoe sala namahehele na de emi masala-masingo neu Kristus.

¹³ Hu ndia de, metema nana'a ka tao na au tolanoo kamaheheleng esa nasala-nasingo soona, neukose au ta u'a paa makandondook so'on. Nana boso nalosak, au tolanoong fo namahehelek esa ndia nasala-nasingo hu ka nde au.

1 Korintus

Video 1 Korintus 8

Ikuti Kami:

KONTAK | PARTISIPASI | DONASI