Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Sanandrõsa ba gõ si no tebe'e sumange ba nadu niw̃a'õgu iada'e. Duhu si mane niw̃a'õ niha, "No onekhe ita fefu." Ba fa'onekhe andrõ ibali'õ fayaw̃a niha, ba hiza i'a'azõkhi niha fa'omasi.
2 Niha sanguma'õ no oya ni'ilania, sindruhunia lõ abakha wa'aboto ba dõdõnia.
3 Ba sangosindruhugõ wangomasi'õ Lowalangi, aboto ba dõdõ Lowalangi ia.
4 Sanandrõsa ba gõ si no tebe'e sumange ba nadu, ta'ila wa adu andrõ no dumaduma ba zi lõ boto. Ba ta'ila gõi wa ha samõsa Lowalangi; lõ hadõi tanõ bõ'õ.
5 Duhu oya nifotõi lowalangi ma so'aya; he si so ba mbanua si yaw̃a ba he si so ba gulidanõ.
6 Ba ba khõda, ha sambua Lowalangi. Ama Ia sombõi fefu hadia ia. Khõ-Nia auri ita. Ba ha samõsa gõi Zo'aya, ya'ia Yesu Keriso. Khõ-Nia tewõwõi fefu hadia ia, ba bõrõ Ia wa auri ita.
7 Hew̃a'ae si manõ, lõ fefu niha aboto ba dõdõra da'õ. So zi to'õlõ mamosumange adu mbõrõta. Tobali irugi iada'e lamane tõdõra wa õ si no tebe'e sumange ba nadu, no õ nadu. Andrõ na la'a gõ da'õ, mosala ira law̃a'õ; me ambõ aro wa'afaduhu dõdõra.
8 Sindruhunia lõ ihatõ'õ ita khõ Lowalangi õ andrõ. Na ta'a gõ andrõ, lõ hareda khõnia. Si manõ gõi na lõ ta'a gõ andrõ, lõ te'ala ita hadia ia.
9 Hiza mi'angenanõ! Bõi irege alua wa tobali si so horõ niha bõ'õ -- bõrõ me ambõ abõlõ wa'aro dõdõnia -- me milau manõ hadia ia zomasi ami.
10 Sedõna uw̃a'õ si mane: Na ya'ami, si no aro fa'afaduhu dõdõ, milau mudadao wemanga ba nomo nadu. I'ila ami niha bõ'õ mudadao manga ba da'õ. Na lõ aro wa'afaduhu dõdõ niha sangila ya'ami andrõ, hadia tenga tobali barani niha andrõ wemanga si no labe'e ba nadu andrõ?
11 Bõrõ da'õ, fa'afaduhu dõdõmi andrõ zamaelungu niha si lõ aro tõdõ andrõ. Ba hiza, ba khõnia gõi no mate Keriso andrõ.
12 Ba na milau zala si manõ khõ ndra talifusõmi Niha Keriso tanõ bõ'õ -- ya'ia wa mifakiko wamati zambõ aro tõdõ andrõ -- ba faoma no mifalua horõ khõ Keriso.
13 Bõrõ da'õ, na ifatumbu'õ horõ khõ dalifusõgu õ andrõ, ba lõ omasido sa'ae wemanga nagole da'õ. Ma ifatumbu'õ horõ khõ dalifusõgu bõrõ ndra'o.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA