Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Tapi pasal gulei na dob ginalangkon, ibotoh hita do, paboa haganup do hita marnah habotohon. Na pabanggal-banggalhon diri do habotohon, tapi na padear-dearhon do holong ni uhur.
2 Anggo adong na mangagan, na dob dong binotohni, seng ibotoh ai ope sonaha habotohon na sasintongni.
3 Tapi barang ise na mangkaholongi Naibata, ai do na tinanda ni Naibata.
4 Pasal na mangankon gulei na dob ginalangkon, ibotoh hita do, paboa seng dong naibata-naibata i dunia on, anjaha seng adong Naibata sobali Sisada-sada in.
5 Ai age pe dong igoran naibata i langit sonai i tanoh on, ai buei do tongon iparnaibata ampa ipartuhan,
6 tapi banta sada do Naibata, Bapa in, parmulaan ni haganup anjaha hita hu Bani; anjaha sada do Tuhan, in ma Jesus Kristus, parhiteian ni haganup, anjaha marhiteihon-Si do hita adong.
7 Tapi seng haganup simada habotohon ai, adong ope na mangankon ai songon galangan tongon, halani somal iparhatongon naibata-naibata ronsi nuan, gabe butak ma panggora ni uhur ni sidea na hurang toguh in.
8 Tapi seng ipadohor sipanganon hita bani Naibata. Anggo seng napangan ai, seng harugian hita, anjaha napangan pe seng maruntung hita.
9 Tapi jaga ma, ulang ma kuasa nasiam in gabe parsangsian bani halak na galek.
10 Ai anggo adong na mangidah ham, simada habotohon ondi, hundul mangan i rumah panumbah-numbahan, ai lang na mangojur panggora ni uhur ni na galek ai ma ai, mangankon gulei sigalangkononkon bani naibata-naibata?
11 Gabe magou ma na galek in halani habotohonmu in, ai ma sanina, na hinopkop ni Kristus marhitei parmatei-Ni.
12 Anggo mardousa nasiam sonai bani sanina ai, anjaha isedai nasiam panggora ni uhur ni na galek ai, mardousa do nasiam homa ijai bani Kristus.
13 Halani ai, anggo sangsi do saninangku halani sipanganon, sabonar lang be panganonku gulei lalab, ase ulang sangsi saninangku hubahen.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA