Initializing audio Loading audio...

1 Idi ratnan akan luk biré inan akang, idi tauh kali' idi "tau amung-amung inan ileh." Idi "ileh" ineh ngerayeh burur néi' sebuleng, iamo' awa ineh ngepicet niat.
2 Kudeng lemulun ngerawé bururneh kali' ratnan anun-anun setuneh luk kali'neh ineh na meriput.
3 Iamo' kudeng idé lemulun luk mawa inan Allah, ieh ineh luk initi Allah.
4 Ratnan kuman luk kenen luk biré inan akang ineh, tau kali' idi na luk idi akang luk inan ulun bang tana' ini, idi teh na luk idi Allah baken iamo' luk Sebuleng ineh mo'.
5 Ngaceku kudeng inan luk titen "allah-allah" pana', do bang langit idi bang tana', idi sagan pana' inan mula' luk titen "Allah" idi "lalud",
6 iamo' kuan tau inan Sebuleng mo', ieh ineh Allah Taman, idi luk amung-amung rat Neneh mo' punneh, idi tau pana' kuanNeh, idi Tuhan pana' Sebuleng teh, ieh ineh Yésus Keristus, ngaceku luk amung-amung rat Neneh punneh, idi tau pana' mulun rat Neneh teh.
7 Iamo' baken amung-amung lemulun kali' ini. Idi inan tuda'-tuda' lemulun luk macing nekini pekalai nan akang. Ideh kuman luk pangeh biré inan akang, pad teruayen niatdeh melaya' idi melutak.
8 Setuneh akan na nguit netau meluun muneng inan Allah. Kudeng tau na kuman tu pana; nateh rugi' tau, idi kudeng tau kuman pana', nateh taduk tau.
9 Matar do'-do', pad puit muyuh ineh na ngacing sabeng kuan lemulun luk melaya' anu, pad ideh nganau' sala'.
10 Ngaceku kudeng selemulun luk melaya' anuneh nier namu luk inan "ileh" ineh tudo kuman bang ruma' akang, naké ieh mekuu' kuman akan luk biré inan akang ineh?
11 Dengan luk kudeng ineh "ilehmu" ineh ngesabeng kinanakmu luk melaya' anu ineh, pad ieh meraruh. Idi Keristus naté kuanneh teh.
12 Dengan luk kudeng ini muyuh mesala' pa kiung Keristus, ngaceku muyuh mesala' pa kiung kinanak-kinanak ineh idi ngurat teruayen niatdeh luk melaya'.
13 Kudeng akan ngacing sabeng kuan kinanakku ineh pad ieh mesala', na tu-tu sikal kuman uang pung, pad ui na ngacing sabeng kuan kinanakku.
1 Korintus 8
Studi Alkitab lengkap, silahkan lihat Alkitab SABDA :: 1 Korintus 8
Studi Alkitab mobile, silahkan lihat Alkitab Mobi :: 1 Korintus 8
Download Aplikasi Alkitab Karaoke (BETA) Android:
https://play.google.com/store/apps/details?id=org.sabda.alkitabkaraoke
Kunjungi Alkitab Audio Diglot:
AYT - KJV
YLSA SABDA

Ikuti Kami:

IG sabda_ylsa FB Yayasan Lembaga SABDA TW sabda_ylsa Link Selengkapnya
YT SABDA Alkitab Spotify Google Podcast Podcast SABDA Slideshare Slideshare SABDA
KONTAK | PARTISIPASI | DONASI

Copyright © 2014 - Yayasan Lembaga SABDA (YLSA). All Rights Reserved.
Bank BCA Cabang Pasar Legi Solo - No. Rekening: 0790266579 - a.n. Yulia Oeniyati
WA: 0881-2979-100 | Email: ylsa@sabda.org | Situs: ylsa.org - sabda.org