Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Tano mengenai kanikan sai dikeniko sebagai persembahan jama berhala. Sangun temon injuk cawa ulun, "Ram sunyinni radu pandai." Kidang kepandaian nyani jelma jadi mepungah, sedang kasih ngebangun pribadi jelma.

² Jelma sai nyangko bahwa ia pandai lamon, sebenorni makkung pandai serelom-relomni.

³ Kidang jelma sai temon-temon mengasihi Allah, ia dikenal ulih-Ni Allah.

⁴ Tentang persoalan kanikan sai radu dipersembahko jama berhala, ram pandai bahwa berhala ngegambarko sai sebenorni mak ngedok. Rik ram pandai juga bahwa Allah angkah sai rik mak ngedok sai bareh.

⁵ Sangun lamon juga api sai disebut diwa rik tuhan; baik sai wat di langit maupun sai wat di atas bumi.

⁶ Kidang bagi ram, Allah angkah sai. Ia Bapa sai nyiptako sunyin hal. Untuk Iado ram hurik. Rik Tuhan angkah sai juga, yakdo Isa Almasih. Liwat Ia sunyin hal diciptako, rik mani Iado maka ram hurik.

⁷ Meskipun injuk reno, mak sunyin jelma pandai hal ano. Wat sai tumbai biasani nyumbah berhala. Jadi, ulihni seno sampai tano pun tian masih ngerasa bahwa kanikan sai radu dipersembahko jama berhala, yakdo kanikan berhala. Maka kik tian nganik kanikan udi, tian ngerasa bedusa; mani keyakinan tian makkung kuat.

⁸ Sebenorni kanikan tenggalan mak nyani hubungan ram jama Allah jadi lebih akrab. Kik ram nganik kanikan udi, ram pun mak mansa untung api-api. Sebalikni kik ram mak nganik kanikan ano, ram pun mak rugi api-api.

⁹ Kidang, hati-hati! Dang sampai tejadi bahwa ulun bareh jadi bedusa -- mani keyakinanni makkung kuat -- ulih sebab Puari bebas ngelakuko api gaoh.

¹⁰ Maksudku injuk reji: Seandaini Puari, sai ngedok keyakinan sai kuat, sedang mejong nganik di kuil berhala. Kak raduni sai jelma ngeliak Puari mejong nganik di dudi. Kik keyakinan ulun udi mak kuat, bukankah udi haga nyani ulun udi bani nganik kanikan sai radu dikeni jama berhala udi?

¹¹ Rik ulihni seno, maka keyakinan Puari nyani jelma sai keyakinanni mak kuat udi jadi sesek. Padahal Almasih mati untuk ulun udi juga.

¹² Rik kik Puari ngelakuko kesalahan injuk udi tehadap puari-puari Kristen -- yakdo Puari nyadangko keyakinan tian sai lemoh -- maka Puari bedusa jama Almasih.

¹³ Udi sebabni, kik kanikan nyebabko puariku bedusa, maka nyak sama sekali mak haga nganik daging lagi. Mani dang-dang puariku bedusa ulihni nyak.

1 Korintus

Video 1 Korintus 8

Ikuti Kami:

KONTAK | PARTISIPASI | DONASI