Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Angpapbií ing kami na'a mogogaid mita kon oaíidan i Kristus inta motanggung jawab mopota'au in roncana mita i Allah inta diaípa kinota'auan im bayongan intau kon dunia na'a.
2 Inta muna-munamai igumon kon intau mita inta mogogaid kon oaíidan natua in kototoinduduibií monia ko'i tuangnya.
3 Sin aka ko'inakoí, diaíbií pusingonkumai onu in -- singogon monimu andeka ki inekabií -- im mohakim ko'inakoí. Aku'oipa tontanií doiíbií mohakim ko'inakoí tontanií.
4 Iraikumai, diaíbií dodai onda aku'oi nogaid kon inta diaí mopia, tongaí tua in de'emanbií bukti kon diaí kotaḷaí in aku'oi. Sin tongaíbií ki Tuhan im mota'au monantuí kotaḷaí andeka diaí.
5 Lantaran de'emanpabií wakutunya daí dika limika-likat im mohakim kon intau, kotaḷaí andeka diaí. Oḷatdon dapot mo'iangoi ing ki Tuhan. Bambií Sia im mobukaí kon onu inta nongo'ibuni kon sindip bo mobukaí kon onu inta kom bonu ing gina mita intau. Bain kowakutu in tuata bo duiíon i Allah in intau mita podudui in oaíid mita monia.
6 Utatku mita! Onu inta mopia, nodaitdon inaidan naminda i Apolos ko'i monimu. Makusudnya kon tua, onu inta inontongdon monimu ko'inaminda mota'au monimu balajaron im mangale singog tana'a, "Tantuí kumadai kon atorang inta oyuíon." Aka natua yo diaíbií intau dumodia bo mopohinamai kon intau ibanea.
7 Diaíbií in inanggap totok moponting kon sigad monimu. Sin onu ing ko'i monimu, komintanbií nongkon i Allah. Manangka intua diaíbií mota'au dumodia, sin tua mita diaíbií no'uliímu tontanií.
8 O'obií kon diaí bidon moparaḷu kon onu bo onu im mo'ikow! Sin no'oyuíondon bo nobaliídon raja im mo'ikow, yo kami in diaí. Mopiabií totok aka mo'ikow bo totu-totu'udon nobalií raja, simbaí mota'au ing kami momarentah moyotakin monimu.
9 Sin aka kon raianku, kami inta aim binalií i Allah rasul na'a in intabií mo'ompaí totok, naí bií onda bo intau inta iḷabuían in hukuman mokopatoi kon tayowon intau moaíntoí bo totok ing giowan bayongan intau sim mopia-pia ing gina monia.
10 Kami in sinumombodok lantaran ki Kristus. Ta'e mo'ikow nopandoidon lantaran ain nopirisaya ko'i Kristus! Kami in diaídon mokopongonu, ta'e mo'ikow in noropotdon! Kami in tantuí irebeg in intau, ta'e mo'ikow umuran dinuií!
11 Uma'ai na'a umuranpabií ing kami gogoyon bo moyogang im bayongan yagi-yagi; ḷambung dongkadon kon awak bo roriga'anpa doman in intau; bo diaí doman ko tampat pogutunan;
12 ta'e umuranbií doman moramiji motayak ing kami. Aka odi-odian intau ing kami, tongaíbií tuliían nami barakatan; aka pogutuíon monia, mokoposabar ing kami;
13 aka singo-singogonmai intau ing kami, yo koḷuko'on nami im motubag. Kami na'a diaíbií no'iliu kon yoyatan in dunia na'a; bo inanggap bonok in dunia.
14 Aku'oi nomais kon na'a de'emanbií makusud mokopo'oyakmai ko'i monimu, ta'e monongginabií ko'i monimu saḷaku ki adiíku mita.
15 Umpakah ribuandon intau ing Keresten guru monimu, ta'e kom bonu im pirisaya monimu ko'i Kristus, tongaíbií aku'oi in nobalií ki amaí monimu sin aku'oibií na'a in nopoyaput in Habar Mopia ko'i monimu nodapot in nopirisayadon mo'ikow ko'i Kristus.
16 Tuamai po'igumonku, mo'ikow umuran dumayan kong kobobiagku.
17 Manangka intua pinotabaíkudon mangoi ko'i monimu ing ki Timotius. Saḷaku dumodudui i Kristus, sia inanggapkudon naí ki adiíku tontanií inta totok ing kotabiku. Sia na'a in adií inta totok im mojujur. Bain sia im mongonguman bui ko'i monimu soaáḷ kobobiagku wakutu in nopirisayadon aku'oi ko'i Kristus, tuata ing kobobiagku inta sinunduíkudon kom bayongan jama'at kon ondakadon.
18 Tongaí tongonudon degaí ing kon sigad monimu nobaliídon mododia, sing kai monia kamai daí diaí bidon mamangoi bui ko'i monimu in aku'oi.
19 Aka diaí in ḷabot yo diaí bidon mo'onggot in aku'oi bo bui mamangoi mokipodungkuḷ ko'i monimu. Bain kowakutu intua bo indoianku mongo onu im mota'au aidan in intau inta mongododia tatua; de'emanbií tongaí kom bibig monia.
20 Sin aka ki Allah momarentah kon intau tatua, daí buktinya in de'emanbií tosingogon intau tatua, ta'e kobobiagnyabií.
21 Tuamai piliídon onu ing ko'ibog monimu! Mo'ibog im mo'ikow simbaí mamangoi takin sambok in aku'oi andeka mamangoi takin pia ing gina?
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA