Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 O kinanak-kinanakku luk manu inan Tuhan tau Yésus Keristus luk rayeh ineh, aleg muyuh mili' lemulun maya' ayudeh.
2 Pinginudneh, seburur lemulun semuet bang tebubpun muyuh luk inan susing amas idi ayung luk meraga, idi teh seburur lun masi' semuet luk nengayung ku kibung luk medarak.
3 Kudeng muyuh ngerayeh lemulun luk nengayung ku luk meraga ineh idi pebala, "Do' iko tudo ieni su luk do'," idi kuan lemulun luk masi' muyuh pebala, "Tuped iko déi'," kian "Tudo su luk inan tapin kukudku,"
4 muyuh pangeh mesala'. Muyuh mili' arang muyuh sebuleng idi mangun ku lun luk mutut besara' dengan terawé luk dat.
5 Do' muyuh ninger, O kinanak-kinanak luk inanku mawa, bakenké Allah mili' lemulun luk masi' bang tana' ini mangun ku lun do' bang anu idi ngalap babpat Imet luk pangeh pijani'Neh kuan amung-amung lemulun luk mawa Neneh?
6 Iamo' muyuh ini ngebeneh nelun masi'. Bakenké lun do' luk ngedereh nemuyuh, idi luk ngeruid nemuyuh amé' matun besara'?
7 Bakenké ideh ineh luk nguyo ngadan luk do', luk pangeh biré kuan muyuh?
8 Iamo' kudeng muyuh maya' ukum Imet, mepad kudeng ayat bang Surat Allah, "Do' iko mawa inan lun denganmu mepad kudeng bururmu sebuleng," idi kekamen muyuh ineh do' teh.
9 Iamo' kudeng muyuh nier ayu lemulun, muyuh nganau' sala', idi muyuh miak kumin ku Ukum ineh mangun ku lemulun luk ngelaba ukum.
10 Kudeng idé-idé ngelaba sebuleng ukum ineh, lemulun ineh pangeh nengelaba amung ukum ineh.
11 Ngaceku Ieh luk pangeh nepebala, "Aleg pasét," Ieh ineh teh nepebala, "Aleg ngaté." Kudeng iko pasét, iamo' iko ngaté, iko pangeh nengelaba ukum.
12 Do' mala kudeng ini idi maya' kudeng ineh teh mepad kudeng lemulun luk kumin ku ukum luk muit lemulun.
13 Ngaceku Allah na méi' kareb Ieh ngukum lemulun luk na méi'; iamo' éi' ineh meluun rayeh ratnan ukum.
14 O kinanak-kinanakku, anunké ulekneh kudeng seburur lemulun pebala, "Ui inan anu," iamo' kekamenneh na ngegala' anu ineh? MIakké anu ineh ngulun neneh?
15 Pinginudneh, inan kinanak deléi idi decur luk na petap ayung idi luk kenen kuan anid-anid aco.
16 Anun ulekneh muyuh pebala nedeh, "Do'-do' lawé, do' muyuh ngelau' burur muyuh, idi kuman pad macing mebor," kudeng muyuh na maré kuandeh anun-anun luk petulu barén kuan ulundeh?
17 Kudeng ineh teh anu, kudeng na dinengan ratnan kekamen, ieh sebuleng miak maté.
18 Iamo' inan luk pebala, "Iko inan anu idi ui inan kekamen." Do' mada' anumu ineh sirenku dengan na kekamenmu, idi ui pana' miak mada' kuanmu anuku ratnan kekamenku.
19 Manuké iko ku Allah ineh Sebuleng? Matu! Amung-amung ada' pana' manu teh, idi megegker ku tot.
20 O lun luk mebacé, pianké iko kali' idi anu dengan na kekamen ineh na uang?
21 Bakenké tepun tau Ibrahim inau' matu ratnan kekamen, kareb ieh sikal ngeseb Isak anakneh ineh luun bubpun?
22 Idi megala' kuan muyuh idi anu dengan kekamen ineh pangeh nengakem pad-pad, idi ngaceku kekamen Ibrahim anuneh ineh pangeh mangun meligan.
23 Ratnan luk kudeng ineh ayat bang Surat Allah pangeh nacing, luk pebala, "Ibrahim pangeh manu inan Allah, idi ineh luk iniap kuanneh mangun ku luk matu." Idi ieh teh bila mangun ku lun rurum Allah.
24 Idi megala' kuan muyuh lemulun ruen matu ngaceku kekamenneh, idi baken ngaceku anuneh mo'.
25 Kudeng ineh teh Rahab seburur decur luk mesawa' ineh pana'. Ieh inau' matu ngaceku ratnan kekamenneh, ratnan ieh nenganak idi nengecuk lemulun luk duken rumuat maya' dalan luk baken?
26 Ngaceku mepad kudeng burur dengan na roh ineh maté, kudeng ineh teh anu dengan na kekamen ineh maté.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA