Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Beterus tiang serioq lẽq langit sopoq tande saq lain, saq ajaip dait luar biase gati. Araq pituq malaẽkat kance pituq bencane saq penutuq. Nike saq penutuqne Allah numpahang murke-Ne.

² Sesampun nike, araq tiang serioq maraq ruen segare kace becampur api. Tiang serioq ẽndah dengan-dengan saq sampun menang ngelawan binatang nike, tetatone nike dait angke saq jari tande binatang nike. Dengan-dengan saq menang nike nganjeng lẽq sedin segare kace sambil negel kecapi saq teicanin siq Allah tipaq ie pade.

³ Dait ie pade nyanyiang nyanyian Musa, hambe Allah, dait nyanyian Anak Dombe. Suarene: "Ya Allah, Tuhan Saq Mahekuase, agung dait ajaip gati karye-karye Deside! Raje selapuq bangse, adil dait kenaq tindakan-tindakan Deside!

⁴ Sai saq nẽnten takut lẽq Deside, ya Tuhan? Sai saq nẽnten kayun mulieang pesẽngan Deside? Deside doang saq suci. Selapuq bangse gen parek nyembah Deside lantaran keadilan Deside sampun tenyatayang tipaq selapuq dengan."

⁵ Sesampun nike tiang serioq Gedẽng Suci Allah lẽq sorge kebukaq, dait Kẽmah Tuhan araq lẽq dalemne.

⁶ Terus kepituq malaẽkat kance kepituq bencane nike sugul lẽman Gedẽng Suci Allah. Kelambi ie pade lẽman lẽnen saq bersi dait putẽq ngempor. Dait ie pade kadu tutup dade saq tepiaq lẽman emas.

⁷ Beterus salaq sopoq lẽman empat mahluk nike ngicanin tipaq kepituq malaẽkat nike pituq cawan emas saq penoq siq murke Allah, -- nike Allah saq idup selaẽq-laẽqne.

⁸ Make Gedẽng Suci Allah nike penoq siq pendet kemuliean dait kuase Allah. Dait sengonẽq kepituq bencane saq tejauq siq kepituq malaẽkat nike ndẽqman tutuq, ndẽq araq sopoq dengan juaq saq bau tame ojok dalem Gedẽng Suci Allah.

Wahyu

Video Wahyu 15

Ikuti Kami:

KONTAK | PARTISIPASI | DONASI