Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Roo indo, kuita mbulimi i langi hambua tanda au mahile hai au mewulungai: pitu malaeka hai pitu pakana pepopeahi-ahi au kahopoana. Ane hopomi pepopeahi-ahi ide, ina ope karumpuna Pue Ala i tauna i dunia.

² Hai kuita ara au nodo tahi kamaembana, lenggena nodo kaca mogalo api. Hai i wiwi ntahi au nodo kaca iti, kuita bosa tauna meangka. Tauna itihe au monangi binata kadake, lawi barahe menomba iria, barahe menomba i lenggena binata iti, hai barahe modoko angka binata iti au lempona hangana. Tauna au menangi iti, meangkahe i wiwi ntahi au nodo kaca, hai mokingkihe dunde au naweihe Pue Ala.

³ Monanimohe, mamponani nanina nabi Musa, hawina Pue Ala hangkoya, hai nani pebilanda i Ana Dimba. Nodemi naninda: "O Pue Ala, mahile hai maroa ntepuu babehiaMu, Melumbu kuasaMu hangko i hinangkana! Ope-ope au Nubabehi, batena manoto hai tou. Oyomi datunda ope-ope tauna i dunia.

⁴ Pue, hema pae au bara meula Irio? Hema pae au bara mopangaku kamasukuna tuwoMu? Lawi Oyo pea au malelaha. Ope-ope tauna batena menomba Irio, Lawi tongawami katouna pobotusiMu i hinangkana."

⁵ Roo iti, kuita tebungkahimi Souna Pue Ala au i suruga, au rahanga Bambaru Penombaa i Pue Ala.

⁶ Hai pitu malaeka au moanti pitu pakana pepopeahi-ahi mesuwumohe hangko i Souna Pue Ala. Hampinda rababehi hangko i bana au bula meningki hai au mengkila-ngkila. Pondanda rawewehi koloro bulawa.

⁷ I pesuwunda malaeka iti, hambaa hangko i pinatuwo au iba moweimohe pitu mbuana pambolia hangko i bulawa au moihi karumpuna Pue Ala au tuwo duuna kamahae-haea.

⁸ I tempo iti wori, Souna Pue Ala i suruga unga pea buke rambu au mesupa hangko i peawana Pue Ala hai hangko i kuasaNa. Bara ara hadua au peisa mesua i lalu, ane bara mani hopo pitu pakana pepopeahi-ahi au raanti malaeka au pitu.

Wahyu

Video Wahyu 15

Ikuti Kami:

KONTAK | PARTISIPASI | DONASI