Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Idi teh ui nenier aceh tanu' luk déi' langit luk pelaba rayeh idi luk inan mawa. Inan tudu' melaikat luk ngimet tudu' dereh luk kekiped; ngaceku bang ineh amung-amung useh Allah pangeh meriput.
2 Idi ui nenier mepad kudeng ayu abpa' rayeh luk mesor puar dengan apui, idi amung-amung lemulun luk pangeh metueh ratnan pung ineh idi akangneh, idi lemulun luk kuan ngadanneh ineh pangeh iniap, tuped tangeb abpa' rayeh luk mesor, idi ideh nengimet amung-amung giula' Allah.
3 Ideh menani ku nani Musa, demulun Allah ineh, idi nani Allah Dumba ineh teh, kenanideh, "Tuhan, Allah luk Melalud, kekamenMu rayeh idi inan mawa! O Raca' amung-amung pupu, amung dalanMu mesiri idi matu!
4 Idéké luk na matot Namu, O Tuhan? Idéké luk ara' mada' rayehMu? Iko sebuleng mo' luk meligan. Amung-amung pupu miak amé' sembayang pa kiungMu, ngaceku kekamenMu luk matu pangeh megala'.
5 Pangeh ineh ui nenier ruma' Allah dengan Lepo su luk inan papu' Tuhan luk pangeh mukab déi' surga.
6 Idi tudu' melaikat neremuat rat bang ruma' Allah ineh. Ideh ngimet tudu' dereh ineh, idi nengayung ku kibung pu luk mebuda' idi merasat, idi ruukdeh inabet ku nuper amas.
7 Idi sebuleng ratnan apat pudut luk mulun ineh nemaré bigan amas kuan tudu' melaikat, luk panu' ku useh Allah luk mulun ruked-ruked ineh.
8 Idi ruma' Allah ineh pinu' ku rabpun luk ratnan rayeh Allah, idi ratnan laludNeh; idi seburur pana' na miak semuet bang ruma' Allah ineh pad tudu' dereh luk bang palad tudu' melaikat ineh mabud.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA