Initializing audio Loading audio...

1 Naupu haitu, nikitaku ri suruga naria sangayapa tanda nambaso anu nipokumaaka. Naria papitu *malaeka ante pitu-ngaya pepandasa kaupuna. Ante pepandasa haitu maupumo rau rara nu Alatala mompokarau manusia ri dunia.
2 Bo naria sangaya nikitaku eva tasi nevayo mpo kaca bo nogalo apu. Bo ri bivi ntasi haitu nikitaku tona dea neangga. Tona gahaitumo nombadagi binata nadaa sabana ira ledo ntoto nombasomba ia, bo ledo nombasomba *pinoito binata haitu, bo ledo nombatarima mere nu binata haitu, haitumo lamoro nirapaka sangana. Pura-pura ira neangga ri bivi ntasi haitu nantipale kacapi nidekei nu Alatala ka ira.
3 Bo nipodadekaramo dade Nabi Musa, batua nu Alatala nggaulu. Bo nipodadekara muni dade mombabila Ana Bimba ivei: "O Pue Alatala, neliu mpuu KakuasaMiu! PoviaMiu naoge bo mpuu-mpuu nipokumaaka. Komiumo Magau nu pura-pura manusia ri dunia! Pura-pura pokaingguMiu nakana bo nanoa.
4 Pue, pura-pura manusia mekou nte Komiu. Pura-pura tona mombabila bo mombatoiya kaogeMiu, sabana aga Komiu mpuu-mpuu nagasa. Pue, pura-pura tona ri dunia makava mombasomba Komiu, sabana nisanira pura-pura pobotusiMiu nanoa."
5 Naupu haitu nikitaku tona nangungge Banua nu Alatala ri suruga, ante Tenda nTupu riarana.
6 Bo lako riara Banua nu Alatala haitu nesuvumo papitu malaeka nanggeni pitu-ngaya pepandasa kaupuna. Pakeara nipovia lako ri kae naramputi nenggila, bo bambarara nibeve bulava.
7 Neongapa malaeka haitu, saito lako nte ampa Anu Natuvu nombadekei ka ira pitu-ntonga tubu bulava naponu ante rau rara nu Alatala, Alatala anu natuvu sampe ri kasae-saena.
8 Bo Banua nu Alatala ri suruga kaliu-liu naponu ante unu nu apu anu nesuvu lako ri kaoge bo kuasa nu Alatala. Ledo ria saitoa namala mesua riara Banua haitu ane dopa naupu papitu pepandasa anu nikeni nu malaeka papitu haitu.
Wahyu 15
Studi Alkitab lengkap, silahkan lihat Alkitab SABDA :: Wahyu 15
Studi Alkitab mobile, silahkan lihat Alkitab Mobi :: Wahyu 15
Download Aplikasi Alkitab Karaoke (BETA) Android:
https://play.google.com/store/apps/details?id=org.sabda.alkitabkaraoke
Kunjungi Alkitab Audio Diglot:
AYT - KJV
YLSA SABDA

Ikuti Kami:

IG sabda_ylsa FB Yayasan Lembaga SABDA TW sabda_ylsa Link Selengkapnya
YT SABDA Alkitab Spotify Google Podcast Podcast SABDA Slideshare Slideshare SABDA
KONTAK | PARTISIPASI | DONASI

Copyright © 2014 - Yayasan Lembaga SABDA (YLSA). All Rights Reserved.
Bank BCA Cabang Pasar Legi Solo - No. Rekening: 0790266579 - a.n. Yulia Oeniyati
WA: 0881-2979-100 | Email: ylsa@sabda.org | Situs: ylsa.org - sabda.org