Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Saamponna ganeka kaula nengale e langnge’ badha barang se ajib ban talebat lowar biyasa. Badha malaekat papetto’ ban balai se dhi-budhi papetto’. Paneka’ dhi-budhina Pangeran se neba’agi babendunna.

² Saamponna ganeka kaula nengale barang se katon akadi tase’ kaca acampor apoy. Kaula jugan nengale reng-oreng se mennang ka keban ban arcana ka’issa’, ban mennang ka reng-oreng se nyamana etandhai sareng angka. Reng-oreng se mennang ganeka manjeng e penggirra tase’ kaca sambi neggu’ calempong paparengnga Allah ka aba’na.

³ Ban reng-oreng ganeka anyanye nyanyeyanna Mosa, abdina Allah, ban nyanyeyanna Cacempe. Sapaneka monyena: "Pangeran, Allah Se Mahakobasa, sadaja se elampa’agi Junandalem sanget agung sareng ajib onggu! Ratona sadajana bangsa, adil onggu sareng tadha’ salana se elampa’agi Junandalem sadajana!

⁴ Pasera se ta’ tako’ ka Junandalem, Guste? Pasera se ta’ poron ngabarragi kaagungannepon Junandalem? Namong Junandalem se socce. Sadajana bangsa bakal dhatengnga nyemba ka Junandalem polana sadajana kaadilan se elampa’agi Junandalem ampon etengale sadajana oreng."

⁵ Saamponna ganeka kaula nengale Padalemman Socce e sowarga abukka’, ban Kemah Socce badha e dhalemmanna.

⁶ Malaekat se kapetto ban balai se papetto’ ka’issa’ kalowar dhari Padalemman Socce. Rasoganna dhari kaen linen se berse ban agalirap. Kat-malaekat ganeka ngagem totobba dhadha dhari emmas.

⁷ Saamponna ganeka sala settong dhari mahlok gella’ ngatorragi ka malaekat se kapetto ganeka dha-baddha dhari emmas se possa’ aesse dadukanna Allah — Allah se odhi’ salanjangnga.

⁸ Padalemman Socce ganeka pas possa’ ban okos dhari kaagunganna Allah ban kobasana. Ban saabidda balai se papetto’ se ebakta malaekat se kapetto gella’ gi’ ta’ lastare, tadha’ oreng settonga se bisa maso’ ka Padalemman Socce ganeka.

Wahyu

Video Wahyu 15

Ikuti Kami:

KONTAK | PARTISIPASI | DONASI