Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Bọu ene iạ nakasilo su l᷊angị piạ tanda makạl᷊aherang tawẹ sihinge kasěllahe. Tangu piạ malạekatẹ̌ pitung katau ringangu papahang kasamuriange kụ pitu haghine. Kụ seng ini e pangěnsueěngu tatompẹ u ral᷊angehu Mawu Ruata e.
2 Mase iạ nakasilo apa kụ kakěllaěng mẹ̌sul᷊ungu l᷊audẹ̌ kasěnaěng nẹ̌dal᷊aụ u putung. Iạ e mal᷊aing nakasilo si sire apan seng nakawatạ binatang e ringangu tul᷊adane, ringangu nakawatạ taumata apang arenge nitialaěngu rekenang. I sire apan nakawatạ ene rụdarisị su wiwihu l᷊audu kaca, kạpangumbelẹ e kěcapi nionggọu Mawu Ruata e si sire.
3 Kụ i sire němpẹ̌kantarịeng kakantarị i Musa ěllangu Mawu e, ringangu kakantarị u Ahusu Domba e. Bawerane kere ini, "Mawu, Ruata Limembong Kawasa, apạ e kasěllahẹ̌ dingangu makạdal᷊inaụ munaran'U! Datung patikụ umatẹ̌, apạ e kaadilẹ̌ dingangu katěngadẹ̌ kal᷊awọu kakanoạu e!
4 I sai tangú tawe matatakụ i Kau, Mawu? I sai tangú tawe mapulu měhabar'u Kasěllah'U e? I Kau sẹ̌sanu e susi. Kal᷊awọu umatẹ̌ e sarung mahunděnta mẹ̌suba si Kau ual᷊ing'u kal᷊awọu kakanoạ'U adilẹ̌ seng kinasilong kěbị taumata."
5 Bọu ene iạ e nakasilo tenta pětẹ̌těngkal᷊ahẹkangu Mawu e natope, ringangu Tenta'm Mawu e ene su ral᷊unge.
6 Mase malạekatẹ̌ pitu e nẹ̌bawạ e hombang pitu ene simẹ̌bang bọu ral᷊ungu Wal᷊en Duata e. Pakeang i sire e wọu hekạ leneng burẹ̌si mal᷊endạ. Dingangu i sire kai měpẹ̌papẹ̌gongu papěgong bul᷊aeng su rokon sire.
7 Bọu ene sěmbaụ bọu riadikang ěpạ ene e něngonggọu bokorẹ̌ bul᷊aeng pitum baụ si sire malạekatẹ̌ pitu e napenẹ u l᷊ohon dal᷊angehu Mawu Ruata e, -- Duata e kụ biahẹ̌ sarang marěngụ-děngụ.
8 Tangu Bal᷊en Duata e, napenẹen tipung kawawantugẹ̌ dingangu kawasang Mawu Ruata. Kụ karěngụeweng hombang pitu e niwawan sire malạekatẹ̌ pitu e wẹ̌dang tawe napaghohẹ̌ e, tawẹu sarang sěngkatau kụ makasuẹ̌ su ral᷊ungu Wal᷊en Duata e.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA