Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Haren wene hiyag isaruk lit wene pikiron atam hiyag isaruson hag toho hiyag isahun:
2 Ap sabalon hiyag isaruk lit hinindi imbik wamburuk lit hinindi wirik toho fuki roho wenggel haruk lit Allah fahet tem toho peruk lit ap winon hinindi enesug lit hinindi misig toho welamuhup ulug komo eneptuk laruhun.
3 Hiyap sabalon werehon oho Allah wene holtukon hag toho welamuhup. Enele sibiling-sibiling ane uk fug angge ik olokon na fug angge wereg lit alem fanowon eneg hiyag isaruk lamuhup.
4 Hiyag isaruk lit hiyap sabalon arimanowen hiyap tuhumon unubam te henehunsi men hunumaliki men hinindi enesug lit
5 fuki roho wenggel haruk lit hinindi fano roho henesukun fano roho hinibam werehon hale feruk lit henehunsi enele holtuk lit hinindi fano roho weregma ap winonen henebug uruk lit wene siyahap tuhup tohon ulug komo eneptuk lamuhup.
6 Ap kabiniyon werehon unubam oho ininggareg wereg ane fahet wenggel haruk lamuhup ulug komo enebuhun.
7 Komo eneptuk lit hat hinggareg eke it fahet wirimangge hag toho welahi ulug fano roho weregma iren yet hiyahupteg fano peruk lamuhup. Haren ap hiyag isaruk lit hele si uk fug angge tik-tem toho hiyag isaruk laruhun.
8 Hele piren uk fug angge hiyag isaruk laruhunmu hili roho werehon arimano ininggali hahupteg alem nit nunubam emberukon elehen nenebug uhup fug.
9 Ap enemingmingangge werehonen iniknisiyen uruk ane fuki roho holtuk lit enesukun fano roho ler eneptuk lit weregma komo eneptukmu ayeg waroho uk fug angge iniknisiyen angge hirag ta fug angge welamuhup.
10 Ikniyen namingmingangge tu fano malik pukag ulug inindi wirik toho iniknisi let eneptuk lamuhup. Ari turuk lit weregma ap winonen yet isahupteg Allah fanowap neneptukon ino Awene fahet wel turuk lamuhup.
11 Allahn indiyen ap obog toho fanowap eneptisi ane inam aha.
12 Allahn nit komo neneptuk lit: Allah olohotma tuk fug ane turukon embeselug mun angge man angge kinangma werehon hilila perukon ari embeselug fuki roho wenggel haruk lit pikir ane eneg turuk lit nit ketiya welaheyonen Allah wene holtuk lamuhuk ane fahet komo neneptuk.
13 Ninikni Allah suwon men Nonowe Yesus windat nenepfahon ino men Enebe umbagpag toho wamuhup ulug ninindimuwen tem toho peruk lit mangno ruruk lahe. Ninindimuwen peruk laheyon ari teko lahumu nenehiyeg anggolo roho welamuhuk.
14 Niren siyag-siyag ane turuk latukukon windar enepmin ulug Nuwabukag pibareg Inggareg apmayap tibag. Apmayap tibagma watfahon ariyen nit At umalikisi ngi amuhup ulug nenesukun fano roho ap ler eneptuk lamuhup ulug mumal nenepfag.
15 Ihiyon ari obog toho hiyag isaruk lit hele ine roho komo eneptuk lit tem toho pukag ulug selehap isaruk laruhun. Hiyag isahunmu hat fahet malik toronen uruk ane uruk ulug pulup habuhup fug.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA