Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ba ya'ugõ, Tito, fahaõ wamahaõ si faudu ba wamahaõ soroi Lowalangi.
2 Amenesi ndra matua satua, ena'õ so khõra wanaha tõdõ, biha wangerangera, ba la'o'aurifagõ wa'auri sinangea nifosumange. Lõ tola lõ aro ira wololohe famahaõ sindruhu andrõ soroi Lowalangi, mo'ahonoa ba wa'omasi ba ebolo dõdõ wanaõgõ fa'afõkhõ si fao fanaha tõdõ.
3 Si manõ gõi õ'amenesi ndra alawe satua ena'õ sohauhau gamuatara si mane sinangeania ba niha sangalulu khõ Lowalangi. Tebai la'ob'o'obousi dõi niha bõ'õ, ba tebai samorege famadumadu agu. Lõ tola lõ lafahaõ ngawalõ zi sõkhi
4 ena'õ ba da'õ gõi lafahaõ ndra alawe sawuyu dõfi ba wangomasi'õ fo'omora ira matua awõ ndraonora,
5 ba wangi'ila manaha tõdõ, ba zohauhau ba ba wa'atobali ina si sõkhi, si lõ molaw̃a khõ wo'omora ira matua. Ba zi manõ lõ hadõi niha si tola mango'aya Turia soroi Lowalangi andrõ.
6 Si manõ gõi, amenesi ndra si bohou ebua ena'õ la'ila lataha dõdõra.
7 Ba ya'ugõ samõsa, ba ngawalõ fefu hadia ia, õforoma'õ gamuata si sõkhi si tobali dumaduma. Na mamahaõ ndra'ugõ, lõ tola lõ atulõ ndra'ugõ ba oigõ dõdõu.
8 Oguna'õ wehede satuatua, si tebai lada'aw̃aini niha, ena'õ aila niha solaw̃a ya'ugõ, bõrõ me lõ hadõi sambalõ gõi zi lõ sõkhi ba khõda si tola lafatunõ.
9 Ira sawuyu lõ tola lõ la'o'õ li zokhõ ya'ira, ba somasi dõdõnia ba ngawalõ fefu hadia ia. Tebai mamadaõ ira,
10 ba managõ. Lõ tola lõ la'oroma'õ wa lõ mamalõ sõkhi ira ba lõ farõi; ena'õ ba zi no lafalua andrõ, lasuno niha wamahaõ sanandrõsa khõ Lowalangi, Sangorifi ya'ita.
11 Bõrõ me no Ifa'ele'õ wa'asõkhi dõdõ-Nia Lowalangi ba wangorifi niha ma'afefu.
12 Fa'asõkhi dõdõ Lowalangi andrõ Ifahaõ ira ba wa lõ sa'ae fabõrõ ba zomasi Lowalangi ba ba wolo'õ fangisõ gulidanõ andre; lafahaõ ita ba ba gulidanõ andre ba wanaha tõdõ, ba wa'atulõ, ba ba wangomasi'õ Lowalangi.
13 Iada'e sombalombaloi luo si no tadõnadõna andrõ ita. Ba luo da'õ oroma ba niha gulidanõ dania lakhõmi Yesu Keriso, ya'ia Lowalangi Fondrege Zebua ba Razo Sangorifi ya'ita.
14 No Itehegõ mboto-Nia salahida, ena'õ te'orifi ita moroi ba zi lõ sõkhi fefu, ba wombali'õ ya'ita sambua soi ni'amoni'õ, sauri ni'osambalõ'õ khõ-Nia, ba sowõlõ'õlõ ba wamalua si sõkhi.
15 Fahaõ fefu da'õ, ba amenesi fao fanegu dozi samondrondrongo khõu si fao lakhõmi soadu. Bõi tehe so zamõsa zanguma'õ tõdõnia side'ide ndra'ugõ.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA